Hyoyeon ក្រុម SNSD និងបក្សពួក ត្រូវគេឃុំខ្លួននៅកោះបាលី

តារាកូរ៉េខាងត្បូង ៤នាក់ រួមទាំង Hyoyeon មកពីក្រុមចម្រៀងស្រីកូរ៉េខាងត្បូង SNSD ត្រូវបានឃុំខ្លួននៅកោះបាលី ប្រទេសឥណ្ឌូណេស៊ី ពីបទថតនៅទីតាំងដោយគ្មានច្បាប់អនុញ្ញាត នេះបើយោងតាមការចុះផ្សាយពី Yahoo កាលពីថ្ងៃទី២៩ ខែមេសា ឆ្នាំ២០៤។

ដូចដែលបានរាយការណ៍ដោយ Korea JoongAng Daily តារាល្បីៗដែលត្រូវបានឃាត់ខ្លួនក៏មាន Bomi មកពីក្រុមចម្រៀងនារីកូរ៉េខាងត្បូង Apink ពិធីករទូរទស្សន៍ Choi Hee និងតារាចម្រៀង Lim Na-young អតីតក្រុមចម្រៀងស្រី I.O.I.ផងដែរ។

យោងតាម AsiaOne ឯណោះក៏បានបញ្ចាក់ដែរថា ក្រុមនេះបានមកដល់កោះបាលីកាលពីថ្ងៃអាទិត្យដើម្បីថតរឿងភាគសម្រាប់កម្មវិធីធ្វើដំណើរនាពេលខាងមុខ “Pick Me Trip in Bali” ដែលគ្រោងនឹងចាក់ផ្សាយនៅលើប៉ុស្តិ៍ KBS Joy របស់កូរ៉េខាងត្បូង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះជាយ៉ាងណាក៏ដោយ បន្ទាប់ពីថតនៅលើកោះ ក្រុមការងារត្រូវបានហាមឃាត់មិនឲ្យចាកចេញពីប្រទេសឥណ្ឌូនេស៊ី ដោយសារតែក្រុមផលិតកម្មមិនទទួលបានលិខិតអនុញ្ញាតថតជាចាំបាច់ពីរដ្ឋាភិបាលឥណ្ឌូណេស៊ី។ ភ្លាមៗនោះដែរ លិខិតឆ្លងដែនរបស់តារាល្បីទាំងអស់ត្រូវបានរឹបអូសនៅនឹងកន្លែងផ្ទាល់តែម្ដង។

យ៉ាងណាមិញ សម្រាប់ច្បាប់ឥណ្ឌូណេស៊ីចែងថា ជនបរទេសត្រូវតែទទួលបានលិខិតអនុញ្ញាតថតភាពយន្តជាក់លាក់បន្ថែមលើទិដ្ឋាការទេសចរណ៍របស់ពួកគេ ជាពិសេសនៅពេលថតនៅទីតាំងរសើប ដូចជាតំបន់បម្រុងធម្មជាតិ។ ជាមួយគ្នានេះដែរ KBS Joy មិនទាន់បានបញ្ជាក់ពីកាលបរិច្ឆេទចាក់ផ្សាយថ្មីសម្រាប់ “Pick Me Trip in Bali” នៅឡើយទេ​ ក្នុងពេលដែលអ្នកទាំងនោះកំពុងជាប់ឃុំនូវឡើយ៕

អត្ថបទ៖ សាង ស្រីល័ក្ខ

ចុចអាន៖Han Hye Jin អង្វរសុំឯកជនភាព ក្រោយទទួលការឈ្លានពាននៅវីឡារបស់នាង