ព័ត៌មានអន្ដរជាតិ
វៀតណាម តាមរកស្រ្តីដែលលក់ម្នាស់ឲ្យទេសចរបរទេស ៣ផ្លែ ២០ដុល្លារ
ថ្មីៗនេះ មានរឿងផ្ទុះកក្រើកបណ្តាញសង្គមទៀតហើយនៅក្នុងប្រទេសវៀតណាម ដោយស្រ្តីលក់ដូរតាមផ្លូវម្នាក់ លក់កាត់ថ្លៃផ្លែម្នាស់៣ផ្លែតម្លៃ ៥០០ ០០០ដុង (២០ដុល្លារ) ដល់ភ្ញៀវទេសចរបរទេស២នាក់ ហើយពេលនេះតំណាងគណៈកម្មាធិការប្រជាជនសង្កាត់ Hang Dao កំពុងតាមរកស្រ្តីអ្នកលក់ម្នាក់នោះហើយ។ នេះបើតាមការចុះផ្សាយរបស់ VN Express នៅថ្ងៃចន្ទទី២៩ខែមេសា។
តាមរយៈវីដេអូដែលបង្ហោះលើបណ្តាញសង្គម គេបានឃើញកើតមានជម្លោះរវាងទេសចរនិងអ្នកលក់ ដោយសារតែអ្នកលក់កាត់ថ្លៃផ្លែម្នាស់ថ្លៃពេក រួចមកអ្នកទិញក៏សុំលុយអាប់ ស្រាប់តែកើតមានការជជែកគ្នាតឹងសរសៃ.ក បង្កការភ្ញាក់ផ្អើលតែម្តង។
ទោះបីជាយ៉ាងណាក៏ដោយ ភ្លាមៗនោះក៏មានសន្តិសុខដែលកំពុងល្បាតនិងរក្សាសណ្តាប់ធ្នាប់នៅតាមដងផ្លូវនៃផ្សាររាត្រី Hang Dao – Dong Xuan ចេញធ្វើអន្តរាគមន៍ ឲ្យអ្នកលក់ប្រគល់លុយជូនទេសចរវិញដើម្បីបញ្ចប់រឿង ហើយអ្នកទាំងអស់គ្នា ក៏បានចាកចេញពីកន្លែងកើតហេតុរៀងៗខ្លួន។
តាមរយៈការចុះពិនិត្យរបស់ប៉ូលិសសង្កាត់ Hang Dao បានរកឃើញថា អាជីវករនោះមិនមែនជាអ្នកស្ថិតនៅក្នុងតំបន់នេះទេ ហើយប៉ូលិសកំពុងបន្តស្វែងរកអ្នកលក់ មកបំភ្លឺជុំវិញហេតុការណ៍នេះដើម្បីដោះស្រាយតាមច្បាប់ ព្រោះថារឿងនេះប៉ះពាល់ដល់មុខមាត់ប្រទេសខ្លាំងណាស់។
គួររម្លឹកថា ខែមុន នៅវៀតណាម ក៏មានផ្ទុះរឿងរ៉ាវពាក់ព័ន្ធអ្នកលក់ដូរអ៊ីចឹងដែរ ដោយកាលនោះស្ត្រីជនជាតិវៀតណាមម្នាក់ បានលក់ផ្លែពុទ្រាទៅឲ្យជនបរទេសម្នាក់ក្នុងតម្លៃថ្លៃរហូតដល់ ២០ម៉ឺនដុង (៨ដុល្លារ) ត្រឹមតែមួយកូនថង់តូចប៉ុណ្ណោះ។
ក្រោយវីដេអូឃ្លីបដែលថតដោយបុរសជនបរទេសរូបនោះចែកចាយលើបណ្ដាញសង្គម វាបង្កឲ្យមានការខឹងសម្បាយ៉ាងខ្លាំងដល់មហាជន រហូតដល់ធ្វើឲ្យគណៈកម្មាធិការប្រជាជន ស្រុក Tay Ho ដឹកនាំក្រុមជំនាញធ្វើកំណត់ហេតុ និងចេញសេចក្តីសម្រេចដាក់ពិន័យរដ្ឋបា លើស្ត្រីរូបនោះ ពីបទលក់ទំនិញតាមដងផ្លូវ ប្រឆាំងនឹងបទប្បញ្ញត្តិ និងដោយគ្មានការប្រកាសតម្លៃ៕
អត្ថបទ៖ សុខ សុវណ្ណ
ចុចអាន៖ ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ
-
ជីវិតកម្សាន្ដ២ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៥ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ២ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ១ សប្តាហ៍ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ៦ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ២ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ៧ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៦ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល