ព័ត៌មានជាតិ
ទិន្នផលពោតរបស់សហគមន៍កសិករ ក្រុងស្ទឹងត្រែងថមថយចុះ ដោយសារអាកាសធាតុក្តៅ
សហគមន៍កសិករដាំពោតនៅភូមិកំផាន់ សង្កាត់សាមគ្គី ក្រុងស្ទឹងត្រែង ខេត្តស្ទឹងត្រែង បានព្យាយាមដាំពោតធ្វើជាភូមិមួយផលិតផលមួយ តែនៅឆ្នាំនេះដំណាំពោតរងផលប៉ះពាល់ពីអាកាសធាតុក្តៅខ្លាំងបង្កឱ្យផលពោត ត្រូវខាតបង់ដោយសារតែផ្លែ វាដាក់គ្រាប់មិនបានពេញល្អ ហើយគ្មានអ្នកបញ្ជាទិញ។
លោក អន ជួន មេភូមិខាំផាន់ប្រាប់ថា៖ ដំណាំពោតកសិករនៅឆ្នាំនេះ ជួបប្រទះអាកាសធាតុប្រែប្រួល បានបង្កឱ្យពោតដាក់គ្រាប់មិនបានពេញល្អ ធ្វើឱ្យកសិករខាតបង់ថវិកាប្រមាណជាង២០% ក្នុងចំការនីមួយៗ ទោះបីបងប្អូនខិតខំប្រើមធ្យោបាយថែទាំ បូមទឹកដាក់ យ៉ាងណាក៏ដោយក៏មិនអាចជួយស្រោចស្រង់បានដែរ។
លោកបន្តថា៖ ការដាំដុះបច្ចុប្បន្នកសិករអនុវត្តតាមបច្ចេកទេស ទាំងការថែទាំ និងការជ្រើសរើសពូជ បានត្រឹមត្រូវហើយ តែឆ្នាំនេះអាកាសអាតុក្តៅហួសការស្មាន បង្កឱ្យដំណាំពោតថយគុណភាព។
«ឆ្នាំនេះវាក្តៅពេកទឹកមិនគ្រប់គ្រាន់ផ្លែវាមានខ្លះអញ្ចឹងមិនអាចបំពេញគ្រាប់ប៉ុន្តែយើងចង់ទប់និងធាតុអាកាសអត់បានទេវាអាចថយចុះប្រមាណ ១៥ ទៅ២០%គុណភាព វាបើដូចរាល់ឆ្នាំអត់អីទេគឺពោតសាច់ពេញៗព្រោះធាតុអាកាសត្រជាក់អត់ដូចឆ្នាំនេះក្តៅខ្លាំង»។ លោក អន ជួន បន្ថែម។
លោក ឈាវ សុគុណថែល រស់នៅភូមិខាំផាន់ បានបញ្ជាក់ថា៖ កសិករប្រមាណជាង៧០គ្រួសារនៅក្នុងភូមិនេះបានព្យាយាមដាំពោតប្រចាំរដូវកាល ដើម្បីផ្គត់ផ្គង់ទៅកាន់ទីផ្សារប្រយោជន៍រួមគ្នាថែរក្សាឱ្យបានកេរ្តិ៍ឈ្មោះភូមិមួយមានផលិតផលមួយ គឺពោតសហគមន៍ភូមិខាំផាន់។
លោកបន្ថែមថា៖ ដំណាំពោតនៅជុំទី៣នេះ ស្ទើរតែបាត់បង់ ផលិតផលមួយភូមិមួយ ព្រោះរងផលប៉ះពាល់ពីការប្រែប្រួលអាកាសធាតុ ធ្វើឲ្យកសិករខាតបង់ដើមទុនទៅលើការចំណាយទិញប្រេងបូមទឹក។
លោកស្រី ឆៃ ចិត្រា អ្នកស្ងោរពោតលក់ នៅក្រុងស្ទឹងត្រែង បានឲ្យទទួលស្គាល់ថា៖ បច្ចុប្បន្នពោត និងបន្លែផ្សេងៗ ដែលនាំចេញពីភូមិខាំផាន់នេះ ស្រួលលក់ដូរជាងពោតនិងបន្លែនាំចូលមកពីបណ្តាតំបន់នានា ព្រោះអាតិថិជនបានស្គាល់ប្រភពច្បាស់លាស់ និងមានរសជាតិឆ្ងាញ់ផង។
លោកស្រីថា៖ ពោតឆៅក្នុងមួយផ្លែមានតម្លៃចាប់ពី ៥០០ ទៅ៧០០រៀល ពេលស្ងោរឆ្អិនមួយតម្លៃ ១០០០ រៀលតែប៉ុណ្ណោះ។
នៅភូមិខាំផាន់សង្កាត់សាមគ្គីមានប្រជាពលរដ្ឋរស់នៅជាង ២០០ គ្រួសារ បានប្រកបមុខរបរដាំដំណាំរួមផ្សំ ជាពិសេសដំណាំពោត នៅតាមជួរដងទន្លេមេគង្គ ដែលមានផ្ទៃដីលាតសន្ធឹងជាង៨គីឡូម៉ែត្រ ហើយបច្ចុប្បន្នដំណាំពោតជាង១៥ ហិកតា កំពុងរងការថមថយទិន្នផលដោយសារតែអាកាសធាតុក្តៅហួសកម្រិត៕
អត្ថបទ៖ ងិនលីម
-
ជីវិតកម្សាន្ដ២ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៥ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ១ សប្តាហ៍ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ២ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៦ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ២ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ៦ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៦ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល