សេដ្ឋកិច្ច
អាជីវករ លក់បន្លែចម្រុះ ក្នុងស្រុកឯកភ្នំ អាចរកប្រាក់ចំណូលបានប្រសើរ ចំពេលដែលអាកាសធាតុឡើងកម្ដៅ
បច្ចុប្បន្នគេសង្កេតឃើញបន្លែដែលជាប្រភេទដំណាំឆ្លងកាត់ ឬដំណាំចម្រុះគ្រប់មុខ ក្នុងនោះ មានដូចជា ផ្លែននោង ស្លឹកបាស់ ស្លឹកជី ស្អំ ស្ពៃ និងត្រកួនជាដើម។
អាជីវករក្នុងស្រុកឯកភ្នំ ខេត្តបាត់ដំបង បានប្រាប់ថា ពួកគាត់អាចរកប្រាក់ចំណូលបានគ្រាន់បើ ស្របពេលអាកាសធាតុឡើងកម្ដៅខ្លាំង ត្បិតប្រភេទបន្លែចម្រុះទាំងនេះ ជាប្រភេទអាហារប្រចាំថ្ងៃសម្រាប់មនុស្សទូទៅ។
ជាក់ស្ដែង ដំណាំឆ្លងកាត់ គឺជាប្រភេទដំណាំ ដែលប្រើប្រាស់ការដាំដុះ ហើយប្រមូលផល ក្នុងរយៈពេលខ្លី ចន្លោះពី ៣-៦ខែ កសិករអាចប្រមូលផល ដើម្បីយកទៅលក់បន្តក្នុងទីផ្សារ ជារៀងរាល់ឆ្នាំ។
បើតាមអាជីវករលក់បន្លែប្រភេទខាងលើនៅតាមទីផ្សារជាច្រើន បានលើកឡើងស្រដៀងគ្នាថា រដូវកាលនេះពួកគាត់លក់ដាច់ គ្រាន់បើជាងរដូវកាលកន្លងទៅ។ ពួកគាត់ថា ការលក់ដាច់នេះ ដោយសារតែរដូវកាលនេះមានរលកកម្តៅក្តៅខ្លាំងខុសពីឆ្នាំមុនៗ ទើបគ្រប់បន្លែលក់ដាច់ ហើយពួកគាត់ក៏ពិបាកដើរទិញនៅតាមភូមិ នោះដែរ។
អ្នកស្រី ធី អាជីវករលក់បន្លែគ្រប់មុខអស់រយៈពេល ជាច្រើនឆ្នាំមកហើយ ដើម្បីទ្រទ្រង់គ្រួសារទាំងស្រុង បានលើកឡើងថា នៅរដូវកាលឆ្នាំនេះ បើគិតពីពាក់កណ្តាល ខែមីនា កន្លងមករហូតដល់ពេលនេះ លោកស្រីលក់ដាច់គ្រាន់បើ ហើយអ្នកស្រីពិបាកដើរកទិញពីតាមភូមិ ដោយសារតែអ្នកភូមិខ្លះ ប្រមូលផលបានតិចតួច ហើយខ្លះត្រូវប្រឈមនឹងកម្តៅស្វិតអស់ ជាពិសេស ផ្លែននោងជ្រុង និងននោងប្រហើរ គឺពិបាករកទិញយកមក លក់បន្ត ខណៈបន្លែ២មុខនេះ លក់ដាច់ខ្លាំង ដោយសារតែបន្លែនេះ វាធ្វើឱ្យអ្នកដែលបរិភោគត្រជាក់ខ្លួន និងជួយសុខភាព ផងដែរ។
អ្នកស្រីបន្តថា ផ្លែននោងឡើងថ្លៃ ប៉ុន្មានប្រហែល ១អាទិត្យមុន ១គីឡូក្រាម មានតម្លៃ ២០០០រៀល តែពេលនេះឡើង ៣០០០រៀល ទាំងននោងជ្រុង និងនោងប្រហើរ។
យ៉ាងណាមិញ ប្រជាកសិករ ដែលជាអ្នកដាំដុះលើផ្ទៃដីភូមិក្នុងមូលដ្ឋាន ក្នុងស្រុកឯកភ្នំ បានឱ្យដឹងថា បន្លែននោងជ្រុង អ្នកស្រី ប្រហែល កន្លះខែមុន បានប្រមូលផល លក់ឱ្យឈ្មួញ បាន១គីឡូក្រាម ក្នុងតម្លៃត្រឹមចន្លោះពី ១៥០០រៀល ទៅ ២០០០រៀល តែប៉ុណ្ណោះ។
សម្រាប់ពេលបច្ចុប្បន្ននេះ ប្រភេទបន្លែទាំងនេះ អាចលក់ចេញបាន ចន្លោះពី ១គីឡូក្រាម តម្លៃ ២៥០០រៀល ទៅ ៣០០០រៀល ដោយពេលខ្លះរកតែននោងលក់មិនបានផង ព្រោះដើមននោងចាប់ស្វិតងាប់បណ្តើរៗដោយសារតែក្តៅពេក ហើយប្រភពទឹកក៏នៅតិចស្ទើររីងស្ងួតទាំងស្រុង។
លោកស្រីបន្ថែមថា «គ្រួសារខ្ញុំដាំដំណាំឆ្លងកាត់នេះរាល់ឆ្នាំ មិនរើសខែថ្ងៃនោះទេ អស់មួយសារដាក់ដាំថ្មីទៀតជាបន្តបន្ទាប់ ដើម្បីទ្រទ្រង់គ្រួសារ ព្រោះតែគ្មានមុខរបរអ្វីផ្សេង បើសិនជាលក់ ដាច់ដូចឆ្នាំនេះ ពិតជាសប្បាយចិត្ត ភ្លេចការនឿយហត់ជាមិនខានឡើយ»។
ចំណែក ប្រជាកសិករ នៅស្រុកមោងឫស្សីម្នាក់ទៀត លោក ឡឹប បានឱ្យដឹងដែរថា ផ្លែននោងលោកបេះស្ទើរមិនទាន់តាមតម្រូវការ លើទីផ្សារ ក៏ដូចជាអ្នកភូមិជាមួយគ្នាដែលមករកទិញដល់ចម្ការ ដែលលោកបានដាំលើផ្ទៃដីត្រឹម ១រ៉ៃប៉ុណ្ណោះ ហើយក៏ទទួល បានកម្រៃគ្រាន់បានទប់ទល់ជីវភាពក្នុងគ្រួសារផងដែរ។
លោកបន្តថា «បើតាមខ្ញុំគិត ថាទំហំដី ១រ៉ៃនេះ វាជាប្រភពផ្តល់ជីវភាពរបស់គ្រួសារខ្ញុំ ឱ្យតែយើងចេះច្នៃវាវានឹងមានប្រយោជន៍ ហើយកន្លងមកខ្ញុំតែងចេញ រកលុយឆ្ងាយពីគ្រួសារ តែអត់មានអីសល់ធំដុំផង ដល់ពេលខ្ញុំចាប់ផ្តើមធ្វើដំណាំឆ្លងកាត់លុយបានរហូត បើគិតទៅខ្ញុំធ្វើយូរឆ្នាំដែរហើយ បើគឹតមកដល់ពេលនេះ បន្លែដែលខ្ញុំដាំតម្រូវតាមទីផ្សារ តែននោង ត្រូវតែមានរហូត ព្រោះគេចូលចិត្តគ្រប់គ្នា»។
ដោយឡែក លោកស្រី ផាន់ មុំ ជាកសិករក្នុងស្រុកបាណន់ ជាអ្នកដាំបន្លែឆ្លងកាត់មិនតិចឆ្នាំនោះដែរ បាននិយាយប្រាប់ដោយ លាយឡំសំណើចថា ពេលនេះអ្នកដាំបន្លែ បែរជារកទិញបន្លែពីផ្សារស្ទើរមិនចង់បាន ព្រោះបន្លែដែលបានដាំត្រូវងាប់គ្មានសល់ ដោយសាររលកកម្តៅក្តៅស្ទើរឆេះ។
លោកស្រីសង្កត់ថា «មិនមែនតែខ្ញុំទេ ដំណាំអ្នកផ្សេងៗក៏ស្វិតងាប់ទាំងអស់ដែរ បើសិនជាមានអ្នកដាំបាន នៅសល់លក់ក៏បានថ្លៃដែរ ដូចដំណាំបន្លែខ្ញុំអ៊ីចឹង បើសិននៅសល់ដូចឆ្នាំមុន គឺបានលុយក៏មិនតិចដែរ អាចនិយាយបានថា គួរសម»៕
អត្ថបទ ៖ សៅ សារិទ្ធ
-
ជីវិតកម្សាន្ដ២ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៥ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ២ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ១ សប្តាហ៍ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ៦ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ២ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ៧ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៦ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល