ព័ត៌មានជាតិ
នាយករដ្ឋមន្ត្រី៖ ផ្ទុះគ្រាប់នៅកំពង់ស្ពឺជាបញ្ហាបច្ចេកទេស មិនមែនទ័ពបះបោរ ដូចក្រុមប្រឆាំងបំផ្លើសឡើយ
សម្ដេចប្រមុខរាជរដ្ឋាភិបាលកម្ពុជា បានចេញមកប្រតិកម្មតបទៅ កាន់ក្រុមប្រឆាំងជ្រុលនិយមថា ករណីផ្ទុះគ្រាប់នៅយោធភូមិភាគទី៣ ខេត្តកំពង់ស្ពឺ ជាបញ្ហាបច្ចេកទេស មិនមែនជាបញ្ហាកងទ័ពបះបោរ ដូចក្រុមប្រឆាំងបំផ្លើសឡើយ។ សម្ដេចធិបតី បានថ្លែងបែបនេះ ក្នុងពេលជួបសំណេះជាមួយកម្មករ និយោជិត មន្ត្រីរាជការដែលបម្រើការងារនៅកំពង់ផែស្វយ័តខេត្តព្រះសីហនុ នាព្រឹកថ្ងៃទី០១ ខែឧសភា ឆ្នាំ២០២៤។
សម្ដេច ហ៊ុន ម៉ាណែត ថ្លែងដូច្នេះថា «ថ្ងៃមុនជាអកុសល ដែលយើង(កម្ពុជា)មានផ្ទុះគ្រាប់ដោយសារបញ្ហាបច្ចេកទេស នៅភូមិភាគបី ក្ដៅ(អាកាសធាតុ) ជាអកុល ដែលមានយោធិនយើង២០រូប បានទទួលមរណភាព ដោយសាររឿងបច្ចេកទេស ប៉ុន្តែមានអ្នកទៅបំភ្លៃថា ឥឡូវទ័ពចាប់ផ្ដើមបះបោរ… អាហ្នឹងតិចទៀតប្រទេសយើងនឹងក្រឡាប់ហើយ»។
សម្ដេចធិបតី ក៏បានអះអាងថា ក្រោយក្រុមប្រឆាំងចោទប្រកាន់បែបនេះ សម្ដេច បានបញ្ជាឱ្យក្រសួងការពារជាតិ ចេញសេចក្ដីបំភ្លឺជូនពលរដ្ឋឱ្យបានជ្រាប ដើម្បីជៀសវាងករណីមានបញ្ហាសតិអារម្មណ៍ ភិតភ័យ ក្រែងមានសង្គ្រាម។
គួររំលឹកថា កាលពីថ្ងៃសៅរ៍ ទី២៧ ខែមេសា នៅយោធភូមិភាគទី៣ ខេត្តកំពង់ស្ពឺ មានឧបទ្ទវហេតុផ្ទុះឃ្លាំងស្តុកគ្រាប់មួយបានកើតឡើង បណ្ដាលឱ្យយោធិនចំនួន២០រូប បានបាត់បង់ជីវិត និងមានយោធិនឯទៀតរងរបួស។
មរណភាពរបស់យោធិនទាំង២០រូប រាប់ចាប់តាំងពីរាស្ត្រ មន្ត្រី ប្រធាន សមាជិករដ្ឋសភា ប្រធានព្រឹទ្ធសភា នាយករដ្ឋមន្ត្រី ព្រះរាជា សុទ្ធតែបានសម្ដែងនូវសេចក្ដីតក់ស្លុត និងរំលែកទុក្ខជូនចំពោះក្រុមគ្រួសារនៃសព ក៏ដូចជាបានជូនពរឱ្យអ្នករងរបួសឆាប់ជាសះស្បើយ។
ក្រៅពីការរំលែកទុក នាយករដ្ឋមន្ត្រីកម្ពុជា បានឧបត្ថម្ភក្រុមគ្រួសារជាទឹកប្រាក់ចំនួន២ម៉ឺនដុល្លារ ក្នុងមួយគ្រួសារសព និង៥ពាន់ដុល្លារដល់គ្រួសារដែលរងរបួស៕
ដោយ៖ ង៉ិល ណារ៉ាត់
-
ជីវិតកម្សាន្ដ៤ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ១ សប្តាហ៍ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៤ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៨ ម៉ោង ago
ក្នុងករណីក្ដៅខ្លាំងលើស៤០អង្សារ សម្ដេចធិបតី ណែនាំឱ្យគណៈគ្រប់គ្រងសាលាផ្អាកការសិក្សាបន្ទាន់
-
ព័ត៌មានជាតិ៤ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
សេចក្ដីជូនដំណឹង១ សប្តាហ៍ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
ព័ត៌មានជាតិ៧ ថ្ងៃ ago
អតីតប្រធានអង្គការភូមិកុមារ SOS ធ្លាប់ជួយកុមារលើពិភពលោកជិត៣ទសវត្សរ៍ បានទទួលមរណភាព
-
ជីវិតកម្សាន្ដ១ សប្តាហ៍ ago
តារាថៃ Wit បង្ហាញមុខមាត់ថ្មី ក្រោយកែសម្ផស្សលើកដំបូងក្នុងវ័យ ៥៤ ឆ្នាំ