ព័ត៌មានជាតិ
មេអគ្គិសនីថ្មី ក្រោយឡើងកាន់មុខតំណែងប្រកាសធានាតម្លៃអគ្គិសនី និងខិតខំបញ្ចុះថ្លៃថែមទៀត
ថ្លែងនៅក្នុងពិធីប្រកាសកាន់ចូលមុខតំណែងជាអគ្គនាយកអគ្គិសនីកម្ពុជា លោក ប្រាំង ជលសា បានប្រកាសអះអាងនឹងធានារក្សាតម្លៃអគ្គិសនីមិនឲ្យឡើងថ្លៃ និងប្រឹងប្រែងរកយុទ្ធសាស្រ្តបញ្ចុះថ្លៃអគ្គិសនីថែមទៀត ស្របតាមគោលនយោយបាយកាត់បន្ថយភាពក្រីក្ររបស់រាជរដ្ឋាភិបាល។
លោកប្រាំង ជលសា ថ្លែងក្នុងពេលទទួលមុខតំណែងជាអគ្គនាយកអគ្គិសនីកម្ពុជាថា ទោះក្នុងកាលៈទេសៈលំបាកយ៉ាងណាក៏ដោយ លោកនឹងព្យាយាមគ្រប់វិធីសាស្ត្រនិងមធ្យោបាយទប់ស្កាត់ការឡើងថ្លៃអគ្គិសនី។ បន្ថែមពីនេះក៏នឹងប្រឹងប្រែងរកយុទ្ធសាស្ត្របញ្ចុះថ្លៃអគ្គិសនី ស្របតាមគោលនយោបាយកាត់បន្ថយភាពក្រីក្ររបស់រាជរដ្ឋាភិបាល។
ប្រទេសជាច្រើនរួមទាំងប្រទេសនៅជិតខាងកម្ពុជា បានដំឡើងថ្លៃអគ្គិសនីដើម្បីទប់ទល់ការខាតបង់អាជីវកម្ម ដោយសារវិបត្តិសេដ្ឋកិច្ចសកលដែលបណ្ដាលមកពីជម្ងឺកូវីដ១៩ និងសង្គ្រាម។ ក្នុងតួនាទីដែលត្រូវមកដឹកនាំបន្តនៅអគ្គិសនីកម្ពុជា លោក លោកប្រាំង ជលសា ប្តេជ្ញានឹងរក្សាតម្លៃអគ្គិសនីមិនឲ្យឡើងថ្លៃ និងខិតខំបញ្ចុះថ្លៃអគ្គិសនីថែមទៀតដើម្បីរួមចំណែកកាត់បន្ថយភាពក្រីក្រ ជំរុញកំណើនអភិវឌ្ឍសេដ្ឋកិច្ចជាតិ។
លោកប្រាំង ជលសា អះអាងថា កាលពីមុនតម្លៃអគ្គិសនីមានតម្លៃខ្ពស់។ បច្ចុប្បន្នតម្លៃអគ្គិសនីនៅតំបន់ខ្លះធ្លាក់ថ្លៃចុះពីជាង ៣ ០០០ រៀលមកជាង ៧៣០ រៀលក្នុងមួយគីឡូវ៉ាត់ម៉ោងគឺថយចុះជិត ៥ ដង។
បើតាមលោកប្រាំង ជលសា រដ្ឋាភិបាលក្រៅពីខិតខំស្វែងរកនូវប្រភពថាមពលមកផ្គត់ផ្គង់ចែកចាយជូនប្រជាពលរដ្ឋឱ្យបានគ្រប់គ្រាន់មានស្ថិរភាព តម្លៃសមរម្យ ក៏បានផ្តល់ការឧបត្ថម្ភធនដល់ពលរដ្ឋក្រីក្រដើម្បីទទួលបានអគ្គិសនីប្រើប្រាស់គ្រប់គ្នា។
គួរបញ្ជាក់ថា បច្ចុប្បន្នប្រជាពលរដ្ឋកម្ពុជាជាង ៩០% និងភូមិជាង ៩៨% នៅទូទាំងប្រទេសមានអគ្គិសនីប្រើប្រាស់ដោយតភ្ជាប់ពីបណ្តាញជាតិ៕
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម