ព័ត៌មានជាតិ

លោកប្រាំង ជលសា៖ «នៅតាមជនបទ តម្លៃអគ្គិសនីធ្លាក់ពី ៣ ០០០ រៀល នៅជាង ៧០០ រៀល»

បានផុស

៣ years មុន

នៅ

ថ្ងៃអង្គារ ៥ កញ្ញា ២០២៣

ដោយ

រដ្ឋាភិបាលបានប្រឹងប្រែងពង្រីកបណ្តាញចែកចាយអគ្គិសនីទៅដល់ទីជនបទដាច់ស្រយាល និងបានខិតខំបញ្ចុះថ្លៃឲ្យបានសមសម្យដើម្បីសម្រួលដល់ការប្រើប្រាស់ប្រចាំថ្ងៃរបស់ប្រជាពលរដ្ឋ។

ជាង ១០ ឆ្នាំមុន ការផ្គត់ផ្គង់អគ្គិសនីទួទាំងប្រទេសមានតែជាង ១៧ ភាគរយ ហើយក៏មិនមានស្ថេរភាពខណៈនៅតំបន់ជនបទខ្លះតម្លៃអគ្គិសនីអាចហក់ឡើងដល់ជាង ៣០០០ រៀលក្នុងមួយគីឡូវ៉ាត់ម៉ោង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ប្រាំង ជលសា អគ្គនាយកអគ្គិសនីកម្ពុជា

លោក ប្រាំង ជលសា អគ្គនាយកអគ្គិសនីកម្ពុជាបានរំលឹកពីការផ្គត់ផ្គង់ថាមពលអគ្គិសនីទូទាំងប្រទេសកាលពីជាង ១០ ឆ្នាំមុន ដែលគ្របដណ្តប់ត្រឹមជាង ១៧ ភាគរយ ខណៈប្រភពអគ្គិសនីបានមកពីការប្រើប្រាស់ប្រេងឥន្ធនៈមានថ្លៃដើមផលិតខ្ពស់ជាងថ្លៃលក់ ដែលជាឧបសគ្គក្នុងការពង្រីកនិងបង្កើនអត្រាផ្គត់ផ្គង់ជូនប្រជាពលរដ្ឋ។

បច្ចុប្បន្នសមត្ថភាពផ្គត់ផ្គង់អគ្គិសនីកើនឡើងជាង ១០ ដង បើធៀបឆ្នាំ ២០០៨ ហើយថ្លៃបានធ្លាក់ចុះពីជាង ៣ ០០០ រៀល មកត្រឹមជាង ៧០០ រៀលក្នុងមួយគីឡូវ៉ាត់ម៉ោងគឺថយចុះជិត ៥ ដង។

ក្រៅពីបញ្ចុះថ្លៃលើការប្រើប្រាស់ថាមពលអគ្គិសនី រដ្ឋាភិបាលក៏បានដាក់ចេញគោលនយោបាយអនុគ្រោះថ្លៃអគ្គិសនី សម្រាប់ពលរដ្ឋក្រីក្រដែលជួបការលំបាកលើជីវភាពប្រចាំថ្ងៃ។

បើតាមលោក ប្រាំង ជលសា ប្រទេសជាច្រើនរួមទាំងប្រទេសនៅជិតខាងកម្ពុជាបានដំឡើងថ្លៃអគ្គិសនីដើម្បីទប់ទល់ការខាតបង់អាជីវកម្ម ដោយសារវិបត្តិសេដ្ឋកិច្ចសកលដែលបណ្ដាលមកពីជំងឺកូវីដ១៩ និងសង្គ្រាម។ ក្នុងតួនាទីដែលលោកត្រូវមកដឹកនាំបន្តនៅអគ្គិសនីកម្ពុជា លោកនឹងរក្សាតម្លៃអគ្គិសនីមិនឲ្យឡើងថ្លៃទោះក្នុងកាលៈទេសៈណាក៏ដោយ និងខិតខំពង្រីកបន្ថែមទៀតដើម្បីពលរដ្ឋមានភ្លើងប្រើប្រាស់គ្រប់គ្រាន់។

របាយការណ៍អាជ្ញាធរអគ្គិសនីកម្ពុជាបង្ហាញថា បច្ចុប្បន្ននេះប្រជាពលរដ្ឋជាង ៩០% និងភូមិជាង ៩៨% នៅទូទាំងប្រទេសមានអគ្គិសនីប្រើប្រាស់ពីបណ្ដាញជាតិ៕

Related Topics:លោក ប្រាំង ជលសា