វប្បធម៌ ជំនឿ
មនុស្សកើតឆ្នាំ «ច» មានទំនាយឆាកជីវិតដូច្នេះថា….
យោងទៅតាមធាតុទាំង ៥ របស់ចិន ឆ្នាំ «ច» ដែលកើតក្នុងគ្រិស្តសករាជ ១៩៧០, ១៩៨២, ១៩៩៤ និង ២០០៦ មានទំនាយឆាកជីវិតដូចតទៅ៖
បុគ្គលិកលក្ខណៈ៖ ជាមនុស្សមានការប្រុងប្រយ័ត្នវៃឆ្លាត និងមានការគោរពខ្លួនឯងខ្ពស់។ មិនថាពួកគេធ្វើអ្វីក៏ដោយតែងតែពឹងផ្អែកលើការខិតខំប្រឹងប្រែងរបស់ខ្លួនឯង និងមិនដែលបោះបង់រហូតដល់ឈានជួបគោលដៅរបស់ពួកគេ។ លើសពីនេះទៀតពួកគេមានភាពស្មោះត្រង់ សាមញ្ញ និងគួរឱ្យទុកចិត្ត។ ពួកគេនឹងខិតខំប្រឹងប្រែងជួយមិត្តញាតិទៀត នៅពេលឃើញមានបញ្ហា។

ពួកគេតែងមានសមានចិត្តល្អចំពោះគ្រួសារ និងមិត្តភក្តិ នឹងខិតខំយ៉ាងខ្លាំងដើម្បីទទួលបានមិត្តភាព។ ស្អប់អំពើអយុត្តិធម៌ ឬពួកគេទៀងត្រង់ ហើយតែងតែរឹងចចេសនៅពេលខ្លះ ប៉ុន្តែតែងតែត្រៀមខ្លួនស្តាប់ទស្សនៈរបស់អ្នកដទៃ ហើយនឹងព្យាយាមឱ្យបានត្រឹមត្រូវតាមដែលពួកគេអាចធ្វើបាន។
មនុសឆ្នាំ «ច» តែងតែព្យាយាមអស់ពីសមត្ថភាពដើម្បីសងការយកចិត្តទុកដាក់ និងផ្តល់ជំនួយដល់អ្នកដទៃ។ ពួកគេកើតមកដោយមានចិត្តគំនិតស្រឡាញ់យុត្តិធម៌។ នៅពេលពួកគេជួបរឿងអយុត្តិធម៌ ពួកគេនឹងតវ៉ាយ៉ាងខ្លាំង។
យ៉ាងណាមិញ មនុស្សជំពូកនេះមានកំហឹងងាយៗ មានប្រតិកម្មមិនល្អ ហើយអារម្មណ៍មិនស្ថិតស្ថេរ ថែមទាំងរឹងចចេសណាស់ ដោយភាគច្រើនទុទិដ្ឋិនិយម ហើយគិតរឿងអាក្រក់ៗបាន។ ចំណុចអវិជ្ជមានគឺពូកែចងចាំរឿងតូចតាច គុំគួន ពេលខ្លះខ្វះគំនិតផ្ទាល់ខ្លួននៅពេលគិតអំពីដំណោះស្រាយបញ្ហា ហើយងាយទទួលឥទ្ធិពលពីមនុស្សផ្សេងទៀត។
ស្នេហា៖ ពួកគេជាមនុស្សមានទំនាក់ទំនងជាប់លាប់ ហើយបើលោត្រូវបរាជ័យឈានដល់ការលះលែងគឺមានតែនៅម្នាក់ឯង មិនយកជាថ្មីងាយៗឡើយ។
ទ្រព្យសម្បត្តិ៖ សំណាងលុយកាក់សម្រាប់ឆ្នាំ «ច» ផ្លាស់ប្តូរពីអាក្រក់ទៅល្អនៅវ័យកណ្តាលឡើង។ កាលពីក្មេងគេមានមហិច្ឆិតាតែមិនមានបានងាយទេ លុះដល់ក្រោយវ័យ ៥០ប្លាយ ដីធ្លីដែលគេទុកចោលចាប់ត្រូវប៉ាន់ ឬសម្ភារៈដែលមិនធ្លាប់ឱបក្រសោបឱ្យតម្លៃចាប់ផ្តើមហុចជាផល ផ្តល់ជាកេរ៍្ត។

សុខភាព៖ ពួកគេអាចទទួលរងជំងឺពីការគេងមិនលក់ ឬការគេងមិនបានគ្រប់គ្រាន់តាំងពីក្មេងៗ និងរ៉ាំរ៉ៃអស់រយៈពេលជាយូរឮដែលនឹងមិនត្រឹមតែពន្យារវឌ្ឍនភាពការងារប៉ុណ្ណោះទេ ប៉ុន្តែថែមទាំងធ្វើឱ្យខូចសុខភាពទៀតផង។ ពួកគេត្រូវបានគេណែនាំឱ្យងូតទឹកក្តៅមុនពេលចូលគេង ហើយបិទកុំព្យូទ័រ និងទូរសព្ទផង។
អាជីព៖ មនុស្សកើតនៅឆ្នាំ «ច» នឹងដើរដោយរលូននៅក្នុងអាជីពរបស់ពួកគេក្រោយវ័យ ៤០ឆ្នាំ។ ពួកគេព្យាយាមអស់ពីសមត្ថភាពដើម្បីធ្វើអ្វីដែលពួកគេចង់ធ្វើមិនថាពួកគេជួបប្រទះការលំបាកប៉ុន្មានទេ។ ប្រសិនបើពួកគេត្រូវបានចូលរួមនៅក្នុងការងារដែលទាមទារការអត់ធ្មត់ អាចនាំសក្តានុពលរបស់ពួកគេទទួលបានការជឿទុកចិត្តពីអ្នកដឹកនាំ។ លើសពីនេះទៀតពួកគេសក្តិសមណាស់សម្រាប់ការចាប់ផ្តើមអាជីវកម្មដោយខ្លួនឯង ព្រោះពួកគេអាចឆ្លងកាត់បាននូវដំណាក់កាលលំបាកៗដោយងាយ។
:quality(80)/granite-web-prod/95/a0/95a0c7e52ca7435db3faae417051fcc7.jpeg)
ហុងស៊ុយ៖ ឆ្នាំ «ច» នៅក្នុងប្រតិទិនចន្ទគតិ មានលេខសំណាង ២, ៣, ៧, ៨ ចំណែកពណ៌នាំលាភសក្ការគឺ ក្រហម ខ្មៅ និងខៀវ។ គួររករូបទន្សាយ ឬកណ្តុរមកដាក់តាំងបង្កើនថាមពលវិជ្ជមាននៅទីដំណេក ជាការល្អ ចៀសបាននូវជំងឺតម្កាត់នានា៕
អត្ថបទ៖ សន្យា
ចុចអាន៖ ទំនាយរាសីចក្រ និងចរិតមនុស្សឆ្នាំ «មមី» តាមក្បួនតម្រាចក្រវាល

-
សន្តិសុខសង្គម២ ថ្ងៃ ago
ស្គាល់អត្តសញ្ញាណអ្នកបើកបររថយន្តបង្កគ្រោះថ្នាក់ស្លាប់មនុស្ស ៤ នាក់ នៅស្រុកស្នួល
-
ព័ត៌មានជាតិ១៥ ម៉ោង ago
មណ្ឌលគិរី! ជន្លង់ម្រេចរបស់កសិករ ត្រូវបានសមត្ថកិច្ចរឹបអូសដោយពុំមានមូលហេតុ
-
ព័ត៌មានជាតិ៥ ថ្ងៃ ago
បន្ថែមពីថវិកា៧០លានរៀល កុមារី ស៊ុន ស្រីតី ទទួលបានផ្ទះ ដីទំហំជាងកន្លះហិកតា ដែលដាំស្វាយរួចរាល់
-
សន្តិសុខសង្គម១ សប្តាហ៍ ago
ព័ត៌មានបឋម ៖ បាក់ស្រុតផ្លូវអមមាត់ប្រឡាយលូស្ទឹងមានជ័យធ្លាក់កង់បីឥណ្ឌា ១ គ្រឿង ក្រោយភ្លៀងមួយមេ
-
សន្តិសុខសង្គម២ ថ្ងៃ ago
ថៃបិទច្រកអានសេះ ដោយមិនជូនដំណឹងប្រាប់មុន
-
ព័ត៌មានអន្ដរជាតិ២ ថ្ងៃ ago
បាតុករថៃចេញតវ៉ា ខណៈគណៈកម្មាធិការព្រំដែនទូទៅកម្ពុជា-ថៃជួបប្រជុំនៅបាងកក
-
សេចក្ដីជូនដំណឹង១ សប្តាហ៍ ago
ក្រុមហ៊ុន វឌ្ឍនៈ ហ៊ានចេញមុខប្រកាសគាំទ្រ “ចំណាត់ការ របស់សម្តេចធិបតី ហ៊ុន ម៉ាណែត ផ្អាកការផ្តល់រង្វាន់តាមរយៈក្រវិលកំប៉ុងស្រាបៀរនិងគម្របភេសជ្ជៈ”
-
ព័ត៌មានជាតិ២ ថ្ងៃ ago
សមត្ថកិច្ចចាត់ទុកការចែកចាយលុយបង្កប់សារប្រឆាំងរដ្ឋជាសកម្មភាពបដិវត្តន៍ព័ណ៌ និងកំពុងចាត់វិធានការ