សេដ្ឋកិច្ច
លោក ឡោ វិចិត្រ ៖ ភ្នាក់ងារអចលនទ្រព្យខ្លះវិភាគព័ត៌មានបំប៉ោងទីផ្សារ លម្អៀង និងគ្មានវិជ្ជាជីវៈច្បាស់លាស់
បច្ចុប្បន្នអ្នកទិញលក់អចលនទ្រព្យក្នុងស្រុកមួយចំនួនធំ កំពុងប្រឈមនិន្នាការ និងទំនោទិញអចលនទ្រព្យ តាមការបំប៉ោងទីផ្សារ។ ក្រុមហ៊ុនអចលនទ្រព្យខ្លះធ្វើទីផ្សារដោយលម្អៀងមិនស្មោះត្រង់ ដោយបានណែនាំអំពីសក្កានុពលតំបន់ណា ដែលក្រុមហ៊ុនខ្លួនកំពុងលក់ ទៅដល់អតិថិជន។ អ្នកទិញនឹងប្រឈមកប់លុយក្នុងអចលនទ្រព្យបែបនេះ ប្រសិនបើមិនបានសិក្សាច្បាស់ ដោយជឿលើការណែនាំរបស់ក្រុមហ៊ុនអចលនទ្រព្យគ្មានវិជ្ជាជីវៈ។
លោក ឡោ វិចិត្រ ប្រធានសមាគមអចលនទ្រព្យសកល បានបង្ហាញអំពីចំណេះដឹងដល់សាធារណជន ដើម្បីជៀសវាងហានីភ័យ ក្នុងការទិញអចលនទ្រព្យ។
លោក វិចិត្រ បានលើកឡើងដូច្នេះថា« ចំណុចដែលមានសក្កានុពលនៃប្រភេទអចលនទ្រព្យនីមួយៗ គឺមើលទៅលើតំបន់ទីតាំងនោះ មានសេដ្ឋកិច្ច មានប្រជាជនតាំងលំនៅឋានច្រើនជាងមុន និងមានគោលនយោបាយ របស់រាជរដ្ឋាភិបាលទៅអភិវឌ្ឍហេដ្ឋារចនាសម្ព័ន្ធនៅទីនោះ»។
ដោយឡែក អ្នកប្រកបជំនួញក្នុងវិស័យអចលនទ្រព្យ គួរតែផ្តោតសំខាន់លើទិន្នន័យ និងឯកសារចេញដោយក្រសួងជំនាញ ដែលមានសមត្ថកិច្ច និងត្រូវវិភាគតាមតួលេខ ដោយជៀសវាងការវិភាគតាមអារម្មណ៍ ឬភាពលម្អៀង ដោយសារតែមានគម្រោងរបស់ខ្លួន លក់នៅទីនោះ។ នេះជាការបន្ថែមរបស់លោក ឡោ វិចិត្រ។
ប្រធានសមាគមអចលនទ្រព្យសកល បានគូសបញ្ជាក់ទៀតថា សក្កានុពលនៃអចលនទ្រព្យនីមួយៗ ភ្នាក់ងារអចលនទ្រព្យ មិនគួរបំផុសបំផុលទៅតាមព័ត៌មាន ដែលគ្មានវិជ្ជាជីវៈច្បាស់លាស់ ត្រូវវិភាគតាមតួលេខដែលចេញដោយស្ថាប័នមានសមត្ថកិច្ច។
«ឧទារហណ៍ថា តំបន់សង្កាត់ណាមួយ តម្លៃដីធ្លីប្រតិបត្តិការទិញលក់នៅឆ្នាំ ២០១៩ ទៅដល់ឆ្នាំ ២០២០ មានកំណើនប៉ុន្មានភាគរយ ពី ២០២០ទៅ ២០២១ មានកំណើនប៉ុន្មានភាគរយ»។
មានន័យថា ការវិភាគត្រូវតែផ្តោតទៅលើទិន្នន័យ ទៅលើតួលេខ ជាជាងផ្តោតលើអារម្មណ៍ ឬដោយសារក្រុមហ៊ុនយកគម្រោងនេះទៅលក់ ដែលជាការបំភាន់មតិសាធារណៈ ទទួលបានព័ត៌មានមួយ ដែលលម្អៀង មិនច្បាស់លាស់ គ្មានតួលេខយោង នាំឱ្យវិស័យអចលនទ្រព្យមិនអាចអភិវឌ្ឍដោយចីរភាព និងនិរន្តរភាព។
ចំពោះការវាយតម្លៃអចលនទ្រព្យនៅគ្រប់ទីកន្លែង ត្រូវយោងទៅតាមរបាយការណ៍វាយតម្លៃរបស់ក្រុមហ៊ុន ដែលទទួលអាជ្ញាប័ណ្ណចេញដោយក្រសួងសេដ្ឋកិច្ច និងហិរញវត្ថុដើម្បីកាត់បន្ថយហានីភ័យនៃព័ត៌មានបំប៉ោង ឬព័ត៌មានមិនមានប្រភពផ្លូវការពីក្រសួងជំនាញ ឬអាជ្ញាធរមានសមត្ថកិច្ច។
លោក ឡោ វិចិត្រ បានសង្កត់ធ្ងន់ថា អ្នកធ្វើការក្នុងវិស័យអចលនទ្រព្យ គួរប្រកាន់ខ្ជាប់នូវស្មារតី ទំនួលខុសត្រូវ វីជ្ជាជីវៈ ស្របតាមក្រមសីលធម៌របស់ភ្នាក់ងារ មិនត្រូវបំផ្លើស ឬបំប៉ោងនោះទេ។
ទន្ទឹមនឹងនេះ លោក វិចិត្រ ក៏ជំរុញឱ្យប្រជាជនកម្ពុជា គ្រប់រូបគួរតាមដានព័ត៌មានអចលនទ្រព្យ ដែលមានប្រភពផ្លូវការ ដូចជាទិន្នន័យចេញដោយក្រុមប្រឹក្សាអភិវឌ្ឍកម្ពុជា ក្រសួងដែនដីនគររូបនីយកម្ម ឬក្រសួងសេដ្ឋកិច្ច និងហិរញវត្ថុ និងធនាគារជាតិនៃកម្ពុជា ជាដើម៕
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)