ព័ត៌មានជាតិ
ទីផ្សាររថយន្តកម្ពុជារំពឹងមានសន្ទុះខ្លាំងឡើងវិញនៅឆ្នាំ២០២១
ទីផ្សារទិញលក់រថយន្តនៅកម្ពុជាអាចនឹងមានសន្ទុះខ្លាំងឡើងវិញនៅឆ្នាំ២០២១នេះ បន្ទាប់ពីមានការធ្លាក់ចុះខ្លាំងកាលពីឆ្នាំ២០២០កន្លងទៅ ដោយសារបញ្ហាជំងឺកូវីដ១៩ ដែលធ្វើឱ្យរាំងស្ទះដល់ផលិតកម្មរថយន្តនៅទូទាំងពិភពលោក។
លោក ងន សាំង អគ្គនាយកក្រុមហ៊ុន អ អិម អេ ខេមបូឌា មានប្រសាសន៍ថា៖ «នៅឆ្នាំ២០២១នេះ ទីផ្សារទិញលក់រថយន្តនៅកម្ពុជាអាចនឹងមានសន្ទុះខ្លាំងក្លាដូចកាលឆ្នាំ២០១៩កន្លងទៅ ដោយលោកមានសុទិដ្ឋិនិយមចំពោះកំណើនសេដ្ឋកិច្ច និងភាពប្រសើរឡើងនៃដំណើរការចាក់វ៉ាក់សាំងនៅកម្ពុជា និងនៅលើពិភពលោក។ ដំណើរការអាជីវកម្មមួយចំនួននឹងត្រឡប់មកដូចដើមវិញ ហើយតម្រូវការរថយន្តក៏នឹងមានភាពល្អប្រសើរដូចដើមវិញដែរ។»
លោកបានបន្តថា កាលពីឆ្នាំ២០២០កន្លងទៅ ទីផ្សារទិញលក់រថយន្តនៅកម្ពុជាបានធ្លាក់ចុះដល់ទៅជាង៣០ភាគរយ (ទាំងរថយន្តថ្មី និងរថយន្តមួយទឹក) បើធៀបនឹងឆ្នាំ២០១៩ ក្នុងនោះរថយន្តថ្មីធ្លាក់ចុះ១០ភាគរយ និងរថយន្តជជុះធ្លាក់ចុះ៣០ភាគរយ។
ទីផ្សាររថយន្តនៅកម្ពុជារំពឹងថា នឹងមានភាពល្អប្រសើរមួយកម្រិតថែមទៀត បន្ទាប់ពីរាជរដ្ឋាភិបាលបានកាត់បន្ថយអត្រាអាករពិសេសលើមុខទំនិញរថយន្តមួយចំនួនចាប់ពី ១០ ទៅ ២០ភាគរយកាលពីដើមខែកុម្ភៈ ឆ្នាំ២០២១នេះ។
ចំពោះ លោក ងន សាំង ការបន្ថយអត្រាអាករពិសេសនេះគឺជាជំហ៊ានមួយដែលនឹងជួយដល់ទីផ្សាររថយន្តនៅកម្ពុជា ជាពិសេសរថយន្តថ្មី ពីព្រោះតម្លៃរថយន្តថ្មីនឹងធ្លាក់ចុះខ្លះ ហើយប្រជាពលរដ្ឋនឹងផ្លាស់ប្ដូរពីការប្រើប្រាស់រថយន្តមួយទឹកទៅប្រើប្រាស់រថយន្តថ្មីវិញ។ និន្នាការនេះនឹងជួយបង្កើនប្រាក់ចំណូលរបស់រាជរដ្ឋាភិបាល ដោយសាររថយន្តថ្មីបង់ពន្ធច្រើនជាងរថយន្តមួយទឹក។
គួរបញ្ជាក់ថា ទិីផ្សាររថយន្តថ្មីនៅកម្ពុជាមានការកើនឡើងពី ១០ ទៅ ២០ភាគរយ ហើយការកាត់បន្ថយអត្រាអាករពិសេសនេះនឹងជម្រុញឱ្យបំណែកទីផ្សាររថយន្តថ្មីបន្តរីកធំបន្ថែមទៀតនៅក្នុងរយៈពេលប៉ុន្មានឆ្នាំទៀតខាងមុខ៕
អត្ថបទ៖ វ៉ាត វិន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង