កូវីដ-១៩
មេ WHO៖ កុំចាក់វ៉ាក់សាំងឲ្យកុមារ ទុកថ្នាំជួយប្រទេសក្រីក្រវិញ
កាលពីថ្ងៃសុក្រទី១៤ខែឧសភា អង្គការសុខភាពពិភពលោក (WHO) បានទទូចដល់ប្រទេសអ្នកមាន ឲ្យបញ្ឈប់ការចាក់វ៉ាក់សាំងកូវីដដល់កុមារ ហើយបរិច្ចាគថ្នាំបង្ការដល់ប្រទេសក្រីក្រវិញ ខណៈមានការព្រមានថា ឆ្នាំទី២នៃជំងឺរាតត្បាតនេះនឹងសម្លាប់មនុស្សកាន់តែច្រើន។
អគ្គនាយក WHO លោក Tedros Adhanom Ghebreyesus បានបង្ហាញការខឹងសម្បាថា ប្រទេសអ្នកមានមួយចំនួន កំពុងចាក់វ៉ាក់សាំងដល់កុមារនិងក្មេងជំទង់ ខណៈប្រជាជាតិក្រីក្រទើបតែចាប់ផ្តើមចាក់វ៉ាក់សាំងដល់បុគ្គលិកសុខាភិបាល និងក្រុមងាយរងគ្រោះបំផុតប៉ុណ្ណោះ។
ជំនួសឲ្យការចាក់វ៉ាក់សាំងដល់មនុស្សវ័យក្មេងនិងមានសុខភាពល្អ លោកបានអំពាវនាវដល់ប្រទេសនានា ឲ្យផ្តល់ថ្នាំបង្ការរបស់ពួកគេទៅក្នុងគម្រោង COVAX ហើយធានាថា អ្នកដែលត្រូវការបំផុតនៅក្នុងប្រទេសទាំងអស់ ពិតជាទទួលបានការការពារ។
យោងតាមទិន្នន័យរបស់ AFP បានបង្ហាញថា វ៉ាក់សាំងកូវីដជិត១.៤ពាន់លានដូស ត្រូវបានចាក់ក្នុងទឹកដីយ៉ាងហោចណាស់២១០ នៅជុំវិញពិភពលោក។
វ៉ាក់សាំងប្រមាណ៤៤ភាគរយ ត្រូវបានចាក់នៅក្នុងប្រទេសដែលមានប្រាក់ចំណូលខ្ពស់ ពោលគឺស្មើនឹង១៦ភាគរយ នៃចំនួនប្រជាជនពិភពលោក។
វ៉ាក់សាំងត្រឹម០,៣ភាគរយប៉ុណ្ណោះ ដែលត្រូវបានចាក់នៅក្នុងប្រទេសដែលមានប្រាក់ចំណូលទាបបំផុតចំនួន២៩ ស្មើនឹង៩ភាគរយនៃប្រជាជនពិភពលោក។
ដោយសារតែការមិនស្មើភាពគ្នាក្នុងការទទួលបានវ៉ាក់សាំងនេះ លោក Tedros បានព្រមានថា នៅឆ្នាំនេះ ពិភពលោកទំនងជានឹងមានអ្នកស្លាប់កាន់តែច្រើន បើធៀបនឹងឆ្នាំមុនថ្វីបើមានការចាក់វ៉ាក់សាំងក៏ដោយ។
លោកនិយាយថា “យើងកំពុងស្ថិតលើផ្លូវនៃជំងឺរាតត្បាតឆ្នាំទី២ ដែលអាចបណ្តាលឲ្យមានគ្រោះថ្នាក់ដល់អាយុជីវិតច្រើនជាងឆ្នាំទី១ទៅទៀត”។
គួរបញ្ជាក់ថា វីរុសនេះត្រូវបានសម្លាប់មនុស្សយ៉ាងតិច ៣.៣លាននាក់រួចទៅហើយ ចាប់តាំងពីការផ្ទុះឡើងនៅក្នុងប្រទេសចិនកាលពីខែធ្នូឆ្នាំ២០១៩៕
ប្រែសម្រួលដោយ៖ Vann Vann
ប្រភព៖ CNA
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ