Connect with us

កូវីដ-១៩

សពព្រឹទ្ធាចារ្យ ឯម ធាយ ត្រូវបានបូជាភ្លាមៗនៅរសៀលនេះ ក្រោយតេស្តវិជ្ជមានកូវីដ-១៩ ២ដង

បានផុស

នៅ

សាលាសង្កាត់ព្រែកប្រា បានបង្ហោះដំណឹងនៅលើ ទំព័រហ្វេសប៊ុករបស់ខ្លួន​នៅរសៀល ថ្ងៃទី១៥ ខែមិថុនា ឆ្នាំ២០២១នេះថា វេលាម៉ោង ៩:០០នាទីព្រឹក ក្រុមគ្រូពេទ្យបង្អែកច្បារអំពៅ សហការជាមួយអាជ្ញាធរសង្កាត់ ភូមិ បានចុះមកយកសំណាក សព លោកយាយ ឈ្មោះ ឯម ធាយ ភេទស្រី អាយុ៨៦ឆ្នាំ ពិនិត្យឃើញថា វិជ្ជមានកូវីត-១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋបាលសង្កាត់ព្រែកប្រា បញ្ជាក់ទៀតថា ដោយសារកូនចៅមិនអស់ចិត្ត រដ្ឋបាលបានទាក់ទងទៅក្រុមគ្រូពេទ្យ ធីតា មកយកសំណាក ជូនលោកយាយម្តងទៀត។ នៅវេលាម៉ោង ១១:០០ នាទី ហើយលទ្ធផល នៅតែវិជ្ជមានកូវីដ-១៩ ដដែល។

លោកយាយ ស្ថិតនៅផ្ទះលេខ៤៦ ផ្លូវបេតុង ភូមិព្រះពន្លា សង្កាត់ព្រែកប្រាខណ្ឌច្បារអំពៅ។

ជាមួយគ្នានេះ តាមការបង្ហោះពី ហ្វេសប៊ុក ឈ្មោះ ស្រេង វ៉េងហុង បានសរសេរថា សពលោកយាយវរព្រឹទ្ធសិល្បការិនី ទេវនាដនិម្មិត ឯម ធាយ តេស្ដវិជ្ជមានកូវីដ-១៩ តេស្ដចំនួន២ដង គឺលទ្ធផលវិជ្ជមានទាំង២ដង សពលោកយាយបានបូជានាវេលាម៉ោង១រសៀលថ្ងៃនេះហើយ។

គួរបញ្ជាក់ថា ទេវនាដនិម្មិត ឯម ធាយ បានទទួលមរណភាពហើយក្នុងជន្មាយុ ៨៨ឆ្នាំ ដោយជរាពាធ នៅវេលាម៉ោង ១២:២០នាទីរំលងអធ្រាត្រ ចូលថ្ងៃទី១៥ ខែមិថុនា ឆ្នាំ២០២១នេះ។

ព្រឹទ្ធាចារ្យ ឯម ធាយ ជានាដការបាំព្រះរាជទ្រព្យ ឬរបាំក្បាច់ខ្មែរបុរាណ និងជាសិស្សរបាំព្រះរាជទ្រព្យ របស់ព្រះមហាក្សត្រយានី ស៊ីសុវត្ថិកុសុមៈនារីរត្ន សេរីវឌ្ឍនា។ ព្រឹទ្ធាចារ្យ ឯម ធាយ អាចរាំរបាំតួនាង តួនាយរោង  ក្បាច់ប្លែង តួស្វា តួយក្ខ ច្រៀង និងដឹកនាំបង្ហាត់ក្នុងរឿង។ ព្រឹទ្ធាចារ្យ ឯម ធាយ បានបង្រៀនសិស្សរបាំបុរាណក្នុងព្រះបរមរាជវាំង តាំងពីអាយុ១៩ឆ្នាំ និងបង្ហាត់ក្នុងនាយកដ្ឋានសិល្បៈ រហូតដល់ចូលនិវត្តន៍៕

អត្ថបទ៖ ច័ន្ទ វីរៈ

ព័ត៌មានពាក់ព័ន្ធ៖ ទេវនាដនិម្មិត ឯម ធាយ បានទទួលមរណភាពហើយ តើព្រឹទ្ធាចារ្យមានសមត្ថភាពអ្វីខ្លះ?

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ ម៉ោង មុន

ពលរដ្ឋ​មក​ទទួល​វ៉ាក់សាំង​ដូ​ស​ជំរុញ​ក្នុង​ខេត្តកោះកុង មិនទាន់​សម្រេច​ដល់​គោលដៅ​ចង់បាន​

ព័ត៌មានជាតិ៣ ម៉ោង មុន

ត្រីភាគី​ដាក់​តួលេខ​ប្រាក់​ឈ្នួល​ចុងក្រោយ​ជូន​ក្រុមប្រឹក្សា​ជាតិ​ប្រាក់​ឈ្នួល​សម្រេច​នៅ​ថ្ងៃទី​២១​កញ្ញា​ខាងមុខ

វប្បធម៌ ជំនឿ៤ ម៉ោង មុន

ពណ៌ផ្ទះហុងស៊ុយ​ ស្របតាមទិសទាំង ៨ ជួយទាក់ទាញសំណាងទ្វេដង

ព័ត៌មានជាតិ៤ ម៉ោង មុន

សពលោក ប៊ូ ឡាំ អតីត​អ្នកតំណាងរាស្ត្រ​ខេត្ត​រតនគិរី​ បាន​ដឹក​ពី​ប្រទេសវៀតណាមមកដល់កម្ពុជាហើយ ដើម្បី​រៀប​ចំ​ធ្វើ​បុណ្យ​តាម​ប្រពៃណី

ព័ត៌មានជាតិ៤ ម៉ោង មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

Sokha Hotels

ព័ត៌មានពេញនិយម