ថ្ងៃខួបកំណើត! សុខ សុម៉ាវត្តី លើកទឹកចិត្តកូនស្រីឱ្យធ្វើជាមនុស្សល្អក្នុងសង្គមជាតិ

ពិធីការិនី និងជាតារាសម្តែងចាយសម្រស់អ្នក នាង សុខ សុម៉ាវត្តី ពេលនេះកាន់តែឱ្យមហាជន និងអ្នកគាំទ្រមានការសរសើរខណ:ដែលរូបសម្ផស្សរវាងកូន​ក្រមុំ​ហើយនិងម្តាយកាន់តែ​ស្រស់​ស្អាតមិនខុសពីគ្នាទេ។

តួយ៉ាង នៅក្នុងឱកាសថ្ងៃពិសេសខួបកំណើតកូនស្រីបណ្តូលចិត្តរបស់ខ្លួន ពិធីការិនីអ្នកនាង សុខ សុម៉ាវត្តី បានបង្ហោះរូបភាពពីរនាក់កូនស្រីរបស់ខ្លួនភ្ជាប់នឹងខ្លឹមសារយ៉ាងពិសេស ជាការមួយលើកទឹកចិត្តកូនស្រីឱ្យធ្វើជាមនុស្សល្អក្នុងសង្គមជាតិ។

អ្នកនាង សុខ សុម៉ាវត្តី បានជូនពរកូនស្រីក្រមុំយ៉ាងពិសេសថា “រីករាយថ្ងៃកំណើតសំណព្វចិត្តម៉ាក់សូម ឱ្យវត្ថុ​ស័ក្តិសិទ្ធទាំងអស់តាមថែ​រក្សាកូនឱ្យក្លាយជាកូនល្អ សិស្សល្អមនុស្សល្អក្នុងសង្គមជាតិ Mommy l ove you so much Jasmine”។ ជាមួយគ្នានេះ ក៏មានការជូនពរពីសំណាក់គាំទ្រជាច្រើនផងដែរ។

កត់សម្គាល់ដែរថា រាល់ថ្ងៃនេះ​អ្នកនាង និងកូនស្រីពិតជាមានសេចក្តីសុខ និងសប្បាយចិត្តជាខ្លាំងព្រោះថាអ្នកនាងបានបំពេញតួនាទីធ្វើជាឪពុកផង ម្តាយផងបានយ៉ាងល្អចំពោះកូនស្រីម្នាក់នេះគឺអ្នកនាង បានផ្តល់គ្រប់យ៉ាងការស្រលាញ់ភាពកក់ក្តៅ និងស្នាមញញឹមបើទោះបីជាអ្នកនាងរវល់ជាមួយការងារខ្លាំងយ៉ាងណានោះ។

បើក្រឡេកទៅមើលពីរូបសម្រស់របស់កូនស្រីពិធីការិនីអ្នកនាង សុខ សុម៉ាវត្តី វិញក៏ស្រស់ស្អាតមិនចាញ់អ្នកម្តាយប៉ុន្មានដែរខណ:មានទស្សនិកជនអ្នកគាំទ្ររួមទាំងមិត្តភក្តិរួមអាជីពសិល្ប:មួយចំនួនក៏យល់ឃើញដូចគ្នាផងដែរ៕ ដោយ: ចាន់រ៉ា