ជីវិតកម្សាន្ដ
ជ្រះថ្លាណាស់ ! ខេមរៈ សិរីមន្ត ចូលរួមធ្វើទានប្រគេនភួយជាង២ពាន់ដល់ព្រះសង្ឃបីវត្ត
ភ្នំពេញ ៖ តារាចម្រៀងលំដាប់ជួរមុខលោក ខេមរៈ សិរីមន្ត បើទោះបីជាមានការមមាញឹកជាមួយអាជីពសិល្បៈ និង ការងាររកស៊ីផ្ទាល់ខ្លួនយ៉ាងណាក្តី ក៏តារាប្រុសរូបនេះនៅតែឆ្លៀតឱកាសពេលទំនេរ ដើម្បីចូលរួមសកម្មភាពមនុស្សធម៌ជួយសង្គម និង ការធ្វើបុណ្យទានដល់ព្រះសង្ឃជាដើម។
សកម្មភាពនេះ កំពុងទទួលបានការសរសើរពីសំណាក់មហាជននិងអ្នកគាំទ្រគ្រប់គ្នា។ ជាក់ស្តែងកាលពីថ្ងៃទី១១ ខែវិច្ឆិកា ឆ្នាំ២០២០ ម្សិលមិញតារាចម្រៀងលោកខេមរៈ សិរីមន្តនិងភរិយាបានរួមដំណើរជាមួយសប្បុរសជនធ្វើការនាំយកភួយប្រមាណជាង២ពាន់ភួយ ដើម្បីយកទៅប្រគេងជូនដល់ព្រះសង្ឃចំនួន៣វត្តផ្សេងគ្នានៅខេត្តកំពង់ស្ពឺនារដូវរងាឆ្នាំនេះ។ ដំណើរពេញមួយថ្ងៃរបស់លោក ខេមរៈ សិរីមន្ត និងភរិយានេះបានធ្វើឡើងតាមរយៈលោក ប៊ុត ចាន់ថា និងភរិយា។
លោក ខេមរៈ សិរីមន្ត បានថ្លែងបញ្ជាក់ឲ្យដឹងថា កាលពីម្សិលមិញលោកបានធ្វើដំណើរពេញមួយថ្ងៃក្នុងការចូលរួមធ្វើបុណ្យនិងយកភួយទៅប្រគេនជូនដល់ព្រះសង្ឃចំនួន៣វត្តផ្សេងគ្នានៅកំពង់ស្ពឺ។លោកថា ខ្ញុំពិតជារីករាយ និងជ្រះថ្លាណាស់ម្សិលមិញពេញមួយថ្ងៃខ្ញុំបានចូលរួមធ្វើបុណ្យជាមួយបងប្រុស ប៊ុត ចាន់ថា និងបងស្រីជំទាវភរិយារបស់គាត់។
តារាចម្រៀងលោក ខេមរៈ សិរីមន្ត បានបន្ថែមទៀតថា ខែរងារគាត់បានយកភួយសរុបជាង២០០០ភួយទៅប្រគល់ជូនគណៈអភិបាលខេត្តកំពង់ស្ពឺនិងប្រគេនព្រះសង្ឃបីវត្តផ្សេងៗគ្នា។ ខ្ញុំក៏បានចូលរួមថវិកាបន្តិចបន្តូចតាមសទ្ធាជាមួយគាត់ផងដែរ សូមជូនពរបងប្រុស និងបងស្រី និងក្រុមគ្រួសារមានសុខភាពល្អជោគជ័យគ្រប់ភារកិច្ចការងារ។
តាមការកត់សម្គាល់នេះ ពុំមែនទើបជាលើកទីមួយសម្រាប់តារាចម្រៀងប្រុសរបស់ផលិតកម្មហង្សមាសលោក ខេមរៈ សិរីមន្ត នោះទេដែលបានបង្ហាញពីសកម្មភាពចូលរួមចំណែកការងារសង្គមខណៈកន្លងមកតារាចម្រៀងប្រុសរូបនេះតែងតែធ្វើសកម្មភាពនេះជាបន្តបន្ទាប់រហូតទទួលបានការគាំទ្រនិងលើកសរសើរពីមហាជនគ្រប់មជ្ឈដ្ឋានផងនោះ៕
ដោយ ៖ ចាន់រ៉ា
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង