ជីវិតកម្សាន្ដ

តារាចម្រៀង-សម្តែងជប៉ុន Sayaka ដេកស្លាប់នៅសណ្ឋាគារសង្ស័យធ្វើអត្តឃាត

បានផុស

៣ years មុន

នៅ

ថ្ងៃចន្ទ ២០ ធ្នូ ២០២១

ដោយ

តារាចម្រៀង និងសម្តែងជប៉ុននាង Sayaka Kanda ដែលជាកូនស្រីរបស់តារាស្រីដ៏ល្បី Seiko Matsuda បានស្លាប់ក្នុងវ័យ៣៥ឆ្នាំ។ នាងត្រូវបានគេគិតថា បានដួលនៅក្នុងបន្ទប់សណ្ឋាគារដែលនាងស្នាក់នៅក្នុងទីក្រុង Sapporo ប្រទេសជប៉ុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាស្រីវ័យ៣៥ឆ្នាំនេះត្រូវបានគេប្រទាស់ឃើញដេកដួលនៅលើកំរាលឥដ្ឋជាន់ទី១៤នៃសណ្ឋាគារដែលមាន២២ជាន់ជាកន្លែងដែលនាងកំពុងស្នាក់នៅកាលពីល្ងាចថ្ងៃសៅរ៍ ទី១៨ ខែធ្នូ។ ពេលនោះ នាងត្រូវបានគេបញ្ជូនទៅកាន់មន្ទីរពេទ្យភ្លាមៗ ប៉ុន្តែយប់នោះត្រូវបានបញ្ជាក់ថា នាងបានស្លាប់ទៅហើយ។ ការស្លាប់របស់នាងត្រូវបានប៉ូលិសបញ្ជាក់កាលពីថ្ងៃអាទិត្យម្សិលមិញ។

យោងតាមសារព័ត៌មានជប៉ុនជាច្រើនបានផ្សាយថា ប៉ូលិសកំពុងស៊ើបអង្កេតលើករណីនេះ ខណៈមានការសង្ស័យអាចជាការធ្វើអត្តឃាត ប៉ុន្តែមិនទាន់ត្រូវបានបញ្ជាក់ឡើយ។

តារាចម្រៀង និងសម្តែង Kanda គ្រោងនឹងឡើងសម្តែងក្នុងពិធីប្រគំតន្ត្រី My Fair Lady នៅមហោស្រពមួយក្នុងទីក្រុង Sapporo នាយប់ថ្ងៃសៅរ៍នោះ ប៉ុន្តែនៅថ្ងៃដែលត្រូវសម្តែងបែរជាមិនឃើញនាងទៅកន្លែងសម្តែង។ ក្រុមហ៊ុនចាត់ចែងបស់នាងបានបញ្ជាក់ថា នាងបានហាត់សមកាលពីថ្ងៃសុក្រ។

នាងបានចាប់ផ្តើមអាជីពចម្រៀងកាលពីឆ្នាំ២០០១ និងល្បីខ្លាំងតាមការសម្តែងជាតួ Anna នៅក្នុងខ្សែភាពយន្ត Frozen។ ម្តាយរបស់នាងជាតារាចម្រៀង និងនិពន្ធបទចម្រៀង ខណៈឪពុករបស់នាងលោក Masaki Kanda ជាតារាសម្តែង៕

ប្រែសម្រួល៖ វីរបុត្រ
ប្រភព៖ CNA