បង្ហាញមុខតារាថៃ ៤ ដួង ជាប់ចំណាត់ថ្នាក់ជាបុគ្គលល្បីបំផុតនៅ ហ្វីលីពីន

បច្ចុប្បន្ន​តារា​ថៃ​មិន​ត្រឹម​តែ​មាន​ឈ្មោះ​ល្បី​នៅ​ប្រទេស​ខ្លួន​នោះ​ទេ។ ប៉ុន្តែក៏មានការដុះដាលនៅ​ឯហ្វីលីពីន និងប្រទេសជាច្រើនទៀតជុំវិញពិភពលោក ខណៈកាលពី​ថ្មីៗនេះរបាយការណ៍ពី HypeAuditor បញ្ជាក់​ថា ​តារា៤ដួងជាសំណព្វចិត្តរបស់ទស្សនិកជនហ្វីលីពីន។

តារាប្រុសស្រីកំពុងល្បីល្បាញខ្លាំង​ មានដូចជា ៖ Bright Vachirawit ជាប់​ចំណាត់ថ្នាក់ក្នុង​ចំណោម​អ្នកមាន​ឥទ្ធិពល​លើ Instagram កំពូលទាំង ៥ នៅក្នុងប្រទេស​ហ្វីលីពីន ដែល​បង្ហាញពី​កេរ្តិ៍ឈ្មោះ​របស់ Bright ថាលោកគឺជាតារាវ័យក្មេងដែលមានមន្តស្នេហ៍ខ្លាំង។ ចំណែក​ឯ​ដៃគូ​របស់ Bright គឺ Win Metawin​ ក៏​ដណ្ដើម​បាន​ចំណាត់​ថ្នាក់​លេខ ១១ ជាតារាប្រុសមុខមានភាពទាក់ទាញ។

លើសពីនេះ Baifern Pimchanok ក៏បានឆក់យកបេះដូង​អ្នកទស្សនាជាមួយ​នឹង​ការ​សម្តែង​របស់​នាង​នៅក្នុងរឿងភាគ​ដ៏ល្បី “Friend Zone” ក៏បានជាប់ចំណាត់ថ្នាក់លេខ ១៦ ក្នុង​បញ្ជី​នេះ​ដូចគ្នា។

ជាមួយគ្នានេះដែរ តារាស្រីដ៏​ស្រស់ស្អាតម្នាក់ទៀត គឺ Yaya Urassaya ក៏​ទទួល​បាន​ភាព​ល្បីល្បាញ​ខ្លាំង​នៅ​ប្រទេស​ហ្វីលីពីន ក្នុង​រឿងភាគថៃដែលចាក់ផ្សាយនៅទីនោះ ដូចជា​ “The Crown Princess” និង “Khluen Chiwit” បានជាប់ចំណាត់ថ្នាក់លេខ២៧ផងដែរ៕

ប្រែសម្រួល៖ សាង ស្រីល័ក្ខ

ចុចអាន៖Mai Davika បញ្ចេញរូបភាពសក់ខ្លី ​ទាក់ចិត្តទស្សនិកជនមិនតិចនាក់

ចុចអាន៖Mew ទម្លាយអារម្មណ៍ពិតទាំងក្រៀមក្រំ ក្រោយជួបរឿងចម្រូងចម្រាសជាមួយ Bella Ranee