Connect with us

ជីវិតកម្សាន្ដ

កម្មវិធីច្នៃម៉ូតសម្លៀកបំពាក់ ABC Lions of Fashion បានមកដល់វគ្គផ្ដាច់ព្រ័ត្រនៅរាត្រីនេះហើយ

បានផុស

នៅ

ក្រោយដំណើរការជាច្រើនខែ កម្មវិធីច្នៃម៉ូតសម្លៀកបំពាក់ ABC Lions of Fashion បានឈានដល់វគ្គផ្ដាច់ព្រ័ត្រនៅរាត្រីថ្ងៃទី២១ ខែវិច្ឆិកា ឆ្នាំ២០២៣នេះហើយ។ កម្មវិធីនេះ នឹងចាក់ផ្សាយនៅលើកញ្ចក់ទូរទស្សន៍ Bayon TV ចាប់ពីវេលាម៉ោង ៩៖០០នាទី ដល់វេលាម៉ោង ១០៖០០នាទីយប់។

គួរឱ្យដឹងថាកម្មវិធី ABC Lions of Fashion ធ្វើឡើងក្នុងគោលបំណងសំខាន់ចង់ឱ្យអ្នកច្នៃម៉ូតដែលកម្មវិធីបានជ្រើសរើសចំនួន១០នាក់ បានបំផុសនូវគំនិតរបស់ខ្លួនក្នុងការច្នៃសម្លៀកបំពាក់ដែលទាក់ទងទៅនឹងស្នាដៃវប្បធម៌ អរិយធម៌ របស់ខ្មែរ ជាពិសេសគឺទាក់ទងទៅនឹងធម្មជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះអ្នកច្នៃម៉ូត ឃុន គីមសួរ បានប្រាប់កម្ពុជាថ្មីថា សម្រាប់ប្រកួតក្នុងថ្ងៃផ្ដាច់ព្រ័ត្រនេះ លោកបានច្នៃម៉ូតសម្លៀកបំពាក់ដោយយកលំនាំចេញពីរបាំព្រះរាជទ្រព្យ។ លោក បានអះអាងថា ការណ៍ដែលលោកច្នៃម៉ូតដោយយកលំនាំតាមរបាំព្រះរាជទ្រព្យ គឺព្រោះតែរបាំនេះជារបាំមួយដែលមានភាពទន់ភ្លន់ ល្បីល្បាញ ហើយសម្លៀកបំពាក់នៃរបាំនោះទៀតសោត គឺមានភាពប្រណិត ដែលជាហេតុនាំឱ្យលោកច្នៃម៉ូតដោយយកលំនាំតាមបែបនេះ ហើយច្នៃបន្ថែមឱ្យកាន់តែមានភាពទាន់សម័យ។

ដោយឡែក អ្នកច្នៃម៉ូតមួយរូបទៀតដែលចូលប្រកួតប្រជែងក្នុងកម្មវិធីគឺ លោក ចៅ មួយ បានឱ្យដឹងថា លោកបានច្នៃម៉ូតសម្លៀកបំពាក់សម្រាប់ប្រកួតក្នុងថ្ងៃផ្ដាច់ព្រ័ត្រនេះ ក្រោមគោលគំនិតទឹកទន្លេ។ ការណ៍ដែលលោកច្នៃម៉ូតបែបនេះ គឺដោយសារតែលោកចង់ផ្ដល់ជាសារជូនដល់អ្នកទស្សនាឱ្យបានដឹងពីផលប៉ះពាល់ និងផលប្រយោជន៍នៃទឹកទន្លេ ផលប៉ះពាល់នៃបរិស្ថាន ជាពិសេសលោកជាអ្នករស់នៅតាមដងទន្លេស្រាប់។

សម្រាប់អ្នកច្នៃម៉ូត ហេង ចរិយា វិញបានឱ្យដឹងថា ក្នុងការប្រកួតវគ្គផ្ដាច់ព្រ័ត្រនេះ កញ្ញាបានច្នៃម៉ូតលំនាំតាមសម្លៀកក្នុងសម័យសង្គមរាស្ត្រនិយម ច្នៃឡើងយ៉ាងសម្រិតសម្រាំង ដោយផលិតចេញពីសសៃសូត្រខ្មែរ១រយភាគរយ និងគ្រឿងស្ពាន់ដែលផលិតឡើងដោយដៃសិប្បករខ្មែរដោយផ្ទាល់ រំលេចជាមួយផ្កាកប្បាសស្ពាន់។ កញ្ញាបានអះអាងថា មូលហេតុដែលច្នៃម៉ូតបែបនេះ គឺដោយសារសម័យសង្គមរាស្ត្រនិយមកសិករកម្ពុជាបានដាំកប្បាស។​

មុននឹងកម្មវិធីបានបញ្ចប់ទៅនៅរាត្រីនេះ អ្នកច្នៃម៉ូតទាំងបីបានគូសបញ្ជាក់ស្រដៀងគ្នាថា ពួកគេទទួលបានបទពិសោធន៍ច្រើន ពាក់ព័ន្ធជាមួយការរចនា និងការថតរូប ការជ្រើសរើសក្រណាត់ ជ្រើសរើសពណ៌ ការផាត់មុខ ការធ្វើសក់ម៉ូដែល ក្នុងពេលចូលរួមប្រកួតក្នុងកម្មវិធី ABC Lions of Fashion នេះ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៧ ម៉ោង មុន

ទទួលបានតម្រុយ​ពី​ខេត្ត​ព្រះសីហនុ ឆែកឃើញអាវុធជាច្រើននៅផ្ទះមួយកន្លែង ក្នុង​ខេត្តបាត់ដំបង

ព័ត៌មានអន្ដរជាតិ២២ ម៉ោង មុន

អតីតអ្នកនាំពាក្យក្រសួងការបរទេសចិន នឹងកាន់តំណែងជាឯកអគ្គរដ្ឋទូតចិ​នប្រចាំកម្ពុជា

សន្តិសុខសង្គម៦ ម៉ោង មុន

ម្ចាស់ហាងទូរស័ព្ទនៅផ្សារមេមត់ទទួលបានទូរស័ព្ទមួយទឹកគ្រប់ចំនួនពីមន្ត្រីគយវិញ ខណៈអីវ៉ាន់ថ្មីនៅត្រួតពិនិត្យបន្ត

ព័ត៌មានអន្ដរជាតិ១០ ម៉ោង មុន

គ្រាន់តែគិតចង់ចាប់ខ្លួនលោក Netanyahu សោះ, អាមេរិក ស្រាប់តែអនុម័តសំណើច្បាប់ដាក់ទណ្ឌកម្ម ICC 

ព័ត៌មានជាតិ៣ ម៉ោង មុន

កំពង់ផែតម្លៃ ១៥០០ លាន​ដុល្លារ ក្នុងខេត្តកំពត នឹងសម្ពោធដាក់​​ឱ្យប្រើប្រាស់នៅថ្ងៃស្អែកនេះ

Sokha Hotels

ព័ត៌មានពេញនិយម