ជីវិតកម្សាន្ដ
ប៊ី សុធារី ប្រកាសវិលរកឆាក Miss Grand 2024 ជាឆ្នាំចុងក្រោយ
ថ្វីត្បិតធ្លាប់បរាជ័យនៅលើឆាកអន្តរជាតិក្នុងការចេញទៅប្រឡងវិស័យបវរកញ្ញាច្រើនដងក្តីតែសម្រាប់ស្រីស្អាតកញ្ញា ប៊ី សុធារី បានតែបង្ហាញឆន្ទៈចង់សម្រេចក្តីស្រមៃរបស់នាងក្នុងការប្រកួតដណ្តើមយកជ័យជំនះក្នុងវិស័យបវរកញ្ញាជូនដល់អ្នកគាំទ្រ និងលើកមុខមាត់ប្រទេសជាតិ។
ប្រាកដណាស់អតីត Miss Universe Cambodia 2017 និង Miss Charm Cambodia 2023 កញ្ញា ប៊ី សុធារី ថ្មីៗនេះបានសម្រេចចិត្តប្រកាសត្រៀមខ្លួនវិលមកចូលរួមការប្រកួតវិស័យបវរកញ្ញាជាថ្មីម្តងទៀតនៅក្នុងឆ្នាំ២០២៤នេះ ខណៈនាងបានបញ្ជាក់ថា ខ្លួននឹងមានវត្តមាននៅកម្មវិធី Miss Grand តំណាងឲ្យខេត្ត Kampong Chhnang 2024។
កញ្ញា ប៊ី សុធារី បានថ្លែងឲ្យដឹមតាមរយៈបណ្ដាញសង្គមរបស់ខ្លួនថា “ខ្ញុំត្រូវការឱកាស និងការគាំទ្រពីអ្នក គ្រប់គ្នាជួយគាំទ្រខ្ញុំផងសម្រាប់ដំណើរលើកចុងក្រោយនេះ (ប៊ី សុធារី Road to Miss Grand Kampong Chhnang 2024)”។ ដំណឹងនេះបានធ្វើឲ្យមហាជន និងអ្នកនិយមតាមដានវិស័យបវរកញ្ញានៅកម្ពុជាបានលើកទឹកចិត្ត និងជូនពរឲ្យតារាស្រីរូបនេះសម្រេចជោគជ័យក្នុងបំណងចុងក្រោយរបស់នាង។
ដោយឡែកមុននេះដែរស្រីស្អាត ប៊ី សុធារី ក៏ធ្លាប់អះអាងថា គិតត្រឹមឆ្នាំ២០១៦ មកដល់ឥឡូវនេះ វាមានរយៈពេល ៨ឆ្នាំ ហើយដែលនាងបានចូលក្នុងវិស័យ Beauty Pageant ថ្នាក់ពិភពលោក។ បទពិសោធន៍ចូលរួមប្រកួតទាំងឆាកជាតិ និងអន្តរជាតិវាបានផ្ដល់នូវមេរៀនជាច្រើនដល់នាងឲ្យយល់ថាវិស័យនេះវាពិតជាសំខាន់ព្រោះវាបានចូលរួមធ្វើឲ្យជាតិមានកិត្តិយស និងបានបង្ហាញអ្វីជាច្រើនពីវប្បធម៌សិល្បៈ ព្រមទាំងរឿងវិជ្ជមានជាច្រើនពីប្រទេសនីមួយៗទៅកាន់ពិភពលោក ។
នាងបន្ថែមថា«ជាការពិតខ្ញុំបានទទួលការស្រលាញ់ ឱកាសការងារ និងការជួយដល់សង្គមវិញក៏ព្រោះតែវិស័យនេះដូចគ្នា ថ្វីត្បិតតែខ្ញុំទទួលបានលទ្ធផលមិនល្អមួយចំនួនពីកម្មវិធីដែលខ្ញុំធ្លាប់ទៅក៏ដោយ ក៏ខ្ញុំមានអារម្មណ៍ពេញចិត្ត នូវរឿងរ៉ាវជាច្រើនដែលខ្ញុំធ្លាប់ឆ្លងកាត់»៕
អត្ថបទ៖ ចាន់រ៉ា
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៧ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម៣ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម