ឧកញ៉ា ខេមរៈ សិរីមន្ត ថា បើតាំងខ្លួនជាអ្នកសិល្បៈហើយ ចិត្តកុំចង្អៀតចង្អល់ពេក

កំពូលតារាចម្រៀងងារជាឧកញ៉ា លោក ខេមរៈ សិរីមន្ត សុខៗ ស្រាប់តែចេញសារមួយយ៉ាងភ្ញាក់ផ្អើលនៅលើបណ្តាញសង្គមហ្វេសប៊ុក ដោយផ្តាំថា បើតាំងខ្លួនជាអ្នកសិល្ប:ហើយកុំចង្អៀតចង្អល់ពេក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះយ៉ាងណាអត្ថន័យដែល លោកឧកញ៉ា ខេមរ: សិរីមន្ត បញ្ចេញតាមរយ:បណ្តាញសង្គមហ្វេសប៊ុកមិនត្រូវបានគេដឹងទេថា លោកមានការអន់ចិត្ត ឬ សំដៅលើរឿងអ្វីមួយឡើយ ខណ:មានអ្នកគាំទ្រមួយចំនួនបានបង្ហាញការគាំទ្រ។

លោកឧកញ៉ា ខេមរ: សិរីមន្ត បានលើកឡើងថា «បើតាំងខ្លួនជាអ្នកសិល្ប:ហើយ កុំចង្អៀតចង្អល់ពេក ២០ ឆ្នាំមកនេះ តើចង្វាក់អ្វីដែល ខេមរៈសិរីមន្ត មិនធ្លាប់ច្រៀង ហើយច្រៀងតាំងពីបងប្អូនសិល្ប:ខ្លះមិនទាន់ចេះស្លៀកខោផង សូមទានជ្រាប»។

ដោយឡែកចំពោះការលើកឡើងខាងលើនេះ ក៏មានអ្នកគាំទ្រខ្លះបញ្ចេញមតិដែរថា «នៅតែស្មូតមួយទៀតគ្រប់ចង្វាក់ហ្មង» ដោយក្នុងនោះ លោក ខេមរ: សិរីមន្ត ឆ្លើយតបថា «បងសុំវ័យចាស់ជាងនេះបន្តិចទៀតសិន បងច្រៀងឱ្យស្តាប់ណាប្អូន»។ ចំណែកឯខ្លះទៀត ក៏បានសួរដែរថា «មានរឿងអ្វីបងសម្លាញ់ ខ្ញុំស្រឡាញ់ការច្រៀងរបស់បង និងស្ទាយ៍របស់បងជារៀងរហូត»។ តាមរយ:នេះ លោក ខេមរ: សិរីមន្ត បញ្ជាក់ថា «៥ ឆ្នាំមកនេះ បងឈប់ចម្លងបទបរទេសហើយ ហើយបទដែលចេញ ៥ ឆ្នាំ ចុងក្រោយនេះ ជាបទចម្រៀង Original Song ទាំងអស់ តែប្អូនៗ មិនសូវឱ្យតម្លៃ និងលើកទឹកចិត្តទេ តែបងនៅតែស៊ូ ព្រោះស្រឡាញ់សិល្បៈចម្រៀងនេះណាស់ណាប្អូន»៕

អត្ថបទ ៖ ចាន់រ៉ា