នៅអាមេរិក ចាក់វ៉ាក់សាំងកូវីដរួច ទទួលបានស្រាបៀរឥតគិតថ្លៃ

អ្នកដែលទទួលបានវ៉ាក់សាំងហើយ មិនមែនត្រឹមតែជួយការពារខ្លួនពីជំងឺកូវីដ-១៩ប៉ុណ្ណោះទេ ប៉ុន្តែពួកគេមានរឿងផ្សេងទៀតដែលត្រូវអបអរ។ 

ដូចក្រុមហ៊ុនដទៃទៀតដែរ ក្រុមហ៊ុន Budweiser ដែលគ្រប់គ្រងដោយ Anheuser-Busch បានប្រកាសថា ខ្លួននឹងផ្តល់ស្រាបៀរដោយឥតគិតថ្លៃ ចំពោះអ្នកណាដែលចាក់វ៉ាក់សាំងការពារជំងឺកូវីដ-១៩រួចរាល់។

Budweiser បាននិយាយនៅក្នុងពាណិជ្ជកម្មរបស់ខ្លួនថា “យើងមិនអាចរង់ចាំបានទេ។ ប៉ុន្តែនៅពេលដែលយើងធ្វើ សូមធ្វើវាដោយសុវត្ថិភាព។ អ្នកគឺជាមនុស្សដែលនឹងទទួលបាន បើអ្នកចាក់វ៉ាក់សាំងកូវីដរួចហើយ”។

យោងតាមលក្ខខណ្ឌផ្តល់ឲ្យនេះ, ហ្វេនៗគ្រាន់តែបង្ហាញថា ពួកគេបានទទួលវ៉ាក់សាំងរួចរាល់ដោយការ Upload រូបភាពស្ទីកឃើ “ខ្ញុំបានចាក់វ៉ាក់សាំងរួចហើយ” របស់ពួកគេ, បង់បិទនៅត្រង់កន្លែងចាក់ថ្នាំ ឬការថតរូប Selfie ពីទីតាំងចាក់វ៉ាក់សាំងរបស់ពួកគេចូលទៅក្នុងគេហទំព័រ ABeerOnBud.com ឲ្យបានមុនថ្ងៃទី១៦ខែឧសភា។

Budweiser នឹងផ្តល់កាតឥណពន្ធតម្លៃ៥ដុល្លារ ចំនួន១០,០០០កាត ដល់អ្នកចុះឈ្មោះដែលគេផ្ទៀងផ្ទាត់រួច។ អ្នកចុះឈ្មោះត្រូវតែមានអាយុលើស២១ឆ្នាំ។

Budweiser មិនមែនជាក្រុមហ៊ុនតែមួយទេ ដែលផ្តល់ស្រាបៀរដោយឥតគិតថ្លៃបែបនេះ។

កាលពីដើមខែនេះ ស្រាបៀរ Samuel Adams ដែលជាកម្មសិទ្ធិរបស់ក្រុមហ៊ុន Boston Beer Co បានប្រកាសថា ខ្លួនក៏នឹងផ្តល់ប្រាក់សម្រាប់ទិញស្រាបៀរដល់ប្រជាជន ដែលបានចាក់វ៉ាក់សាំងរួចផងដែររហូតដល់ថ្ងៃទី១៥ខែឧសភា៕

ប្រែសម្រួលដោយ៖ Vann Vann

ប្រភព៖ Fox

ចុចអាន៖ ផលប្រយោជន៍ល្អឥតខ្ចោះ! ម្តាយចាក់វ៉ាក់សាំងកូវីដរួច អាចផ្តល់អង់ទីគ័រដល់កូន តាមរយៈការបំបៅដោះ