Breaking News! រុស្ស៊ីប្រកាសថា វ៉ាក់សាំងកូវីដ Sputnik V របស់ខ្លួនមានប្រសិទ្ធភាព៩២ភាគរយ

ប្រទេសរុស្ស៊ីបាននិយាយនៅថ្ងៃពុធនេះថា វ៉ាក់សាំង Sputnik V របស់ខ្លួនមានប្រសិទ្ធភាព៩២ភាគរយក្នុងការការពារប្រជាជនពីជំងឺកូវីដ១៩ដោយយោងតាមលទ្ធផលនៃការសាកល្បងបណ្តោះអាសន្ន។

លទ្ធផលដំបូងនេះគឺទើបតែជាលទ្ធផលលើកទី២ប៉ុណ្ណោះដែលត្រូវបានបញ្ចេញពីការសាកល្បងដំណាក់កាលចុងក្រោយលើមនុស្សស្របពេលមានការប្រកួតប្រជែងជាសកលក្នុងការផលិតវ៉ាក់សាំងដែលអាចទប់ស្កាត់ជំងឺរាតត្បាតមួយដែលបានសម្លាប់មនុស្សជាង១.២លាននាក់និងបំផ្លាញសេដ្ឋកិច្ចពិភពលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រទេសរុស្ស៊ីបានចុះឈ្មោះវ៉ាក់សាំង Sputnik V សម្រាប់ការប្រើប្រាស់ជាសាធារណៈនៅខែសីហាដោយក្លាយជាប្រទេសដំបូងគេដែលធ្វើដូច្នេះថ្វីបើការអនុម័តនេះបានធ្វើឡើងមុនពេលចាប់ផ្តើមនៃការសាកល្បងទ្រង់ទ្រាយធំនៅក្នុងខែកញ្ញាក៏ដោយ។

មូលនិធិវិនិយោគផ្ទាល់របស់រុស្ស៊ី (RDIF) ដែលកំពុងគាំទ្រវ៉ាក់សាំងនិងផ្សព្វផ្សាយវ៉ាក់សាំងនៅទូទាំងពិភពលោកបានឲ្យដឹងថា លទ្ធផលបណ្តោះអាសន្នគឺផ្អែកលើទិន្នន័យពីអ្នកចូលរួមចំនួន១៦,០០០នាក់ដំបូងដែលទទួលការចាក់វ៉ាក់សាំងពីរដូសនេះ។

ការសាកល្បងដំណាក់កាលទី៣នៃវ៉ាក់សាំងដែលត្រូវបានបង្កើតឡើងដោយវិទ្យាស្ថាន Gamaleya កំពុងប្រព្រឹត្តទៅនៅក្នុងគ្លីនិកចំនួន២៩កន្លែងនៅទូទាំងទីក្រុងមូស្គូ។

RDIF បាននិយាយថា ឱកាសនៃការឆ្លងកូវីដចំពោះអ្នកដែលបានចាក់វ៉ាក់សាំង Sputnik V គឺទាបជាងអ្នកដែលប្រើថ្នាំ Placebo ៩២ភាគរយ៕

ប្រែសម្រួលដោយ៖ Vann Vann

ប្រភព៖ Reuters