ថៃ រឹបអូសគ្រឿងញៀនជាង១១តោន តម្លៃជិត១ពាន់លានដុល្លារ
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ថៃ រឹបអូសគ្រឿងញៀនជាង១១តោន តម្លៃជិត១ពាន់លានដុល្លារ

Published

on

ការិយាល័យបង្ក្រាបគ្រឿងញៀនថៃបាននិយាយកាលពីថ្ងៃព្រហស្បតិ៍ថា សារធាតុញៀន Ketamine ដែលមានតម្លៃជិត២៩ពាន់លានបាត (៩៥៩.៦៣លានដុល្លារសហរដ្ឋអាមេរិក) ដែលភាគច្រើនមានគោលដៅនាំទៅអឺរ៉ុប ជប៉ុនឬកូរ៉េត្រូវបានរឹបអូស។

លោក Montri Yimyaem ប្រធានការិយាល័យបាននិយាយថា ទំហំនៃការរឹបអូសនេះបានចង្អុលទៅបណ្តាញពហុជាតិហើយប្រទេសថៃនឹងធ្វើការជាមួយបណ្តាប្រទេសនិងទីភ្នាក់ងារអន្តរជាតិដើម្បីតាមរឿងនេះ។

លោកនិយាយថា “ថ្នាំនេះមិនពេញនិយមទេនៅក្នុងប្រទេសថៃហើយភាគច្រើនត្រូវបានលក់នៅបរទេសរួមមានអឺរ៉ុប អូស្ត្រាលី តៃវ៉ាន់ ជប៉ុននិងកូរ៉េ”។

ថ្នាំ Ketamine ត្រូវបានគេប្រើជាថ្នាំស្ពឹកឬថ្នាំប្រឆាំងនឹងជំងឺធ្លាក់ទឹកចិត្តប៉ុន្តែក៏ជាថ្នាំកម្សាន្តផងដែរ។ វាត្រូវបានគេប្រើដើម្បីជំរុញឲ្យមានអារម្មណ៍ស្រមើស្រមៃឬប្រើជាថ្នាំគ្រវី។

ក្រុមអ្នកស៊ើបអង្កេតបានរកឃើញគ្រឿងញៀនទម្ងន់សរុប១១.៤តោនគិតជាទឹកប្រាក់ស្មើនឹង២៨.៧ពាន់លានបាតនៅឯឃ្លាំងមួយកន្លែងក្នុងខេត្ត Chachoengsao ភាគខាងកើតទីក្រុងបាងកក។

រដ្ឋមន្រ្តីក្រសួងយុត្តិធម៌លោក Somsak Thepsutin បាននិយាយថា “ការរកឃើញនេះគ្រាន់តែជាការចាប់ផ្តើមប៉ុណ្ណោះហើយនឹងមានការស៊ើបអង្កេតបន្ថែមទៀតដើម្បីចាប់ខ្លួនអ្នកទទួលផលពីការរត់ពន្ធគ្រឿងញៀននេះ”៕

ប្រែសម្រួលដោយ៖ Vann Vann

ប្រភព៖ Bangkok Post

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ13 mins ago

ថ្មីទៀតហើយ រកឃើញវិជ្ជមាន ៤ នាក់ទៀត នៅព្រះសីហនុ អាជ្ញាធរបិទសណ្ឋាគារ កាស៊ីណូ ហ្គូដេស

កីឡា13 mins ago

សំអាង​លើ​ជំនាញ​នេះ សុខ ធី ជឿថា Superlek នឹង​ឈ្នះ​ខ្សែក្រវាត់​យប់​នេះ

ព័ត៌មានអន្ដរជាតិ14 mins ago

វេជ្ជបណ្ឌិតជំនាញ៖ រោគសញ្ញាកូវីដ-១៩ អាចបន្តមានរយៈពេល ៦ សប្តាហ៍ បន្ទាប់ពីធ្វើតេស្ត

ព័ត៌មានជាតិ15 mins ago

អាជ្ញាធរ​ចុះ​ពិនិត្យការសាងសង់​ស្ពាន​ប្រអប់និង​ផ្លូវលំ​ជា​អំណោយ​ឧ​ត្ត​ម​សេនីយ៍​ឯក ហ៊ុន ម៉ា​ណែត​ភ្ជាប់​ទៅកាន់​តំបន់​ប្រវត្តិសាស្ត្រ​ផ្ទះ​ប៉ុលពត​

ព័ត៌មានជាតិ39 mins ago

ភ្ញាក់ផ្អើលពេល​ប្រទះឃើញ​ដំរី​មួយ​ហ្វូង ចេញ​ផឹកទឹក​នៅក្រោយ​សាលាស្រុក​កែវ​សី​ម៉ា​

Sokha Hotels

ព័ត៌មានពេញនិយម

Helistar Cambodia - Helicopter Charter Services