ព័ត៌មានអន្ដរជាតិ
ស្រុកចិន ហាមឃាត់ការរៀបចំពិធីជប់លៀងខួបកំណើត និងឡើងផ្ទះ ដើម្បីសន្សំសំចៃលុយ
ស្រុកមួយនៅភាគនិរតីប្រទេសចិន បានហាមឃាត់ការរៀបចំពិធីជប់លៀងខួបកំណើត និងការប្រារព្ធពិធីផ្សេងៗទៀត បន្ទាប់ពីមានការអំពាវនាវពីរដ្ឋាភិបាលកណ្តាលឲ្យ សន្សំសំចៃលុយជាងមុន។
ស្រុកនេះ ក៏បានដាក់ចេញនូវច្បាប់ថ្មីៗសម្រាប់ពិធីរៀបមង្គលការនិងពិធីបុណ្យសព រួមទាំងការហាមឃាត់ផ្តល់អំណោយជាសាច់ប្រាក់ច្រើនជាង ២០០ យ័ន ស្មើនឹង៣១ដុល្លារផងដែរ។
ទោះបីជាយ៉ាងណាក៏ដោយ ច្បាប់នៅក្នុងស្រុក Funing នេះគឺ អនុវត្តតែចំពោះសមាជិកបក្សកុម្មុយនិស្ត មន្រ្តីរាជការនិងថ្នាក់ដឹកនាំអង្គការភូមិប៉ុណ្ណោះ មិនមែនសម្រាប់ប្រជាជនភាគច្រើននោះទេ។
វាជាទំនៀមទម្លាប់ចិន ក្នុងការផ្តល់អំណោយជាសាច់ប្រាក់នៅឯពិធីជប់លៀងផ្សេងៗ។ យ៉ាងណាក្តី ប្រាក់ក៏ត្រូវបានប្រើជាសំណូកផងដែរ។
នេះមិនមែនជាលើកទី១ទេ ដែលគណបក្សកុម្មុយនិស្តបង្ក្រាបសមាជិករបស់ខ្លួន។ កាលពីឆ្នាំ២០១៥ ពួកគេត្រូវបានហាមឃាត់មិនឲ្យបរិភោគនិងផឹកស៊ីហួសប្រមាណ ការចូលលេងក្លឹបវាយកូនហ្គោល ឬចូលក្លឹបឯកជន ដែលជាផ្នែកមួយនៃយុទ្ធនាការប្រឆាំងអំពើពុករលួយ។
យោងតាមសារាចរណែនាំថ្មីដែលដាក់ចេញកាលពីសប្តាហ៍មុនបានអះអាងថា ពិធីជប់លៀងថ្ងៃកំណើត ការដំឡើងឋានៈការងារឬឡើងគេហដ្ឋានថ្មី នឹងត្រូវហាមឃាត់ចាប់ពីខែនេះតទៅ។
ក៏មានច្បាប់ជាក់លាក់ផ្សេងទៀតផងដែរ ដែលអ្នកខ្លះត្រូវតែអនុវត្តតាម។
ឧទាហរណ៍ មន្រ្តីរដ្ឋការនៅក្នុងស្រុកនៃខេត្ត Yunnan នេះ នឹងត្រូវតម្រូវឲ្យរាយការណ៍ព័ត៌មានលម្អិតអំពីអាពាហ៍ពិពាហ៍ ដូចជាការចំណាយនិងបញ្ជីឈ្មោះភ្ញៀវទៅរដ្ឋាភិបាលមូលដ្ឋានជាមុន។
ចំនួនតុសម្រាប់ពិធីជប់លៀងមង្គលការ មិនគួរលើសពី២០តុឡើយ ដោយក្នុងនោះបញ្ជីភ្ញៀវទូទៅត្រូវកំណត់ត្រឹម២០០នាក់។
ការចំណាយសម្រាប់ការផ្តល់អាហារដល់ភ្ញៀវម្នាក់ៗមិនគួរលើសពី៥០យ័នទេ ប្រសិនបើពិធីជប់លៀងត្រូវបានធ្វើឡើងនៅក្នុងភោជនីយដ្ឋាន ហើយមិនត្រូវលើសពី៣០០យ័នឡើយសម្រាប់តុទាំងមូលប្រសិនបើប្រារព្ធនៅផ្ទះ។
ចំនួនរថយន្តសម្រាប់ដង្ហែពិធីមង្គលការ ក៏គួរកំណត់ក្រោម ១០គ្រឿងដែរ៕
ប្រែសម្រួលដោយ៖ Vann Vann
ប្រភព៖ BBC
ចុចអាន៖ លោកយាយចំណាស់ជាងគេបំផុតនៅលើពិភពលោកចង់រស់នៅ ២ ឆ្នាំទៀត ក្រោយប្រារព្ធពិធីខួបកំណើត
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២៤ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង