ទួរគីបញ្ឈប់អ្នកស្វែងរកសិទ្ធិជ្រកកោនចំនួន ២៤៩ នាក់ពីការឆ្លងដែនទៅកាន់អឺរ៉ុប – Kampuchea Thmey Daily
Connect with us

ព័ត៌មានអន្ដរជាតិ

ទួរគីបញ្ឈប់អ្នកស្វែងរកសិទ្ធិជ្រកកោនចំនួន ២៤៩ នាក់ពីការឆ្លងដែនទៅកាន់អឺរ៉ុប

Published

on

ក្រុមឆ្មាំឆ្នេរសមុទ្រទួរគីកាលពីថ្ងៃចន្ទបានប្រមូលអ្នកស្វែងរកសិទ្ធិជ្រកកោនយ៉ាងហោចណាស់ ២៤៩ នាក់ដែលកំពុងព្យាយាមឆ្លងទៅទ្វីបអឺរ៉ុបពីឆ្នេរប្រទេសទួរគី ។

ការិយាល័យរបស់អភិបាលខេត្តបាននិយាយនៅក្នុងសេចក្តីថ្លែងការណ៍មួយថា អ្នកស្វែងរកសិទ្ធិជ្រកកោនសរុបចំនួន ១១៥ នាក់មកពីប្រទេសអាហ្វហ្គានីស្ថាន អ៊ីរ៉ាក់ អ៊ីរ៉ង់ និងស៊ីរីរួមទាំងកុមារត្រូវបានគេចាប់បាននៅឯឆ្នេរនៃស្រុក Akliman ខេត្ត Sinop របស់ប្រទេសទួរគីដែលកំពុងធ្វើដំណើរទៅកាន់ប្រទេសរ៉ូម៉ានី ។

ដោយឡែកអ្នកស្វែងរកសិទ្ធិជ្រកកោនចំនួន ១០៧ នាក់ត្រូវបានគេជួយសង្គ្រោះចេញពីទូកមួយគ្រឿងនៅស្រុក Seferihisar ទីក្រុង Izmir នៃខេត្ត Aegean ខណៈក្រុមឆ្មាំឆ្នេរសមុទ្រត្រូវបានបញ្ជូនទៅតំបន់នោះ និងជួយសង្គ្រោះប្រជាជន ។

ដូចគ្នានេះផងដែរអ្នកស្វែងរកសិទ្ធិជ្រកកោនចំនួន ២៧ នាក់នៅក្នុងទូកពោងមួយដែលត្រូវបានបញ្ជូនត្រឡប់មកវិញដោយប្រទេសក្រិកទៅកាន់ដែនទឹករបស់ប្រទេសទួរគីត្រូវបានគេជួយសង្គ្រោះនៅឯឆ្នេរសមុទ្រនៃស្រុក Ayvalik ភាគពាយ័ព្យខេត្ត Balikesir ។

ប្រទេសទួរគីគឺជាចំណុចឆ្លងកាត់ដ៏សំខាន់មួយសម្រាប់អ្នកស្វែងរកសិទ្ធិជ្រកកោនដែលមានបំណងឆ្លងកាត់ចូលទ្វីបអឺរ៉ុបដើម្បីចាប់ផ្តើមជីវិតថ្មីជាពិសេសអ្នកដែលរត់គេចពីសង្គ្រាម និងការធ្វើទុក្ខបុកម្នេញ ខណៈទួរគីមានប្រជាជនស៊ីរីជិត ៤ លាននាក់ច្រើនជាងប្រទេសដទៃទៀតនៅលើពិភពលោក ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុច Like Facebook កម្ពុជាថ្មី

កីឡា1 hour ago

ខ្លាំង​មែន​! Capitan ផ្ដួល Ramazanov ដើម្បី​ក្លាយជា​ម្ចាស់​ខ្សែក្រវាត់​ពិភពលោក​ថ្មី

ព័ត៌មានជាតិ5 hours ago

លោកជំទាវ​ម៉ែន សំអន បាន​សម្របសម្រួល​បញ្ចប់​វិវាទ​ករណី​សំណង់​ផ្សារ​ទំនើប​សេន​ជូ​រី​ផ្លា​ហ្សា ស្របតាម​វិធីសាស្ត្រ ឈ្នះ ឈ្នះ របស់​សម្តេច​តេ​ជោ ហ៊ុន សែន

ព័ត៌មានជាតិ5 hours ago

ខេត្តស្ទឹងត្រែង​មាន​បញ្ហា​ប្រឈម​ច្រើន ដោយសារតែ​ស្ថានភាព​ព្រំដែន​មាន​សភាព​ស្មុគស្មាញ និង​មិនទាន់​បោះបង្គោល​ព្រំដែន

ព័ត៌មានជាតិ5 hours ago

កម្ពុជា ចិន រៀបចំ​ព្រឹត្តិការណ៍ «​ដំណើរ​ភាពយន្ត​ចល័ត​ចិន​-​កម្ពុជា​ដ៏​ឆ្នើម​លើក​ទី​៥»

ព័ត៌មានជាតិ6 hours ago

ករណី​បាញ់​សម្លាប់​ជនជាតិ​ចិន​កក្រើក​នៅព្រះសីហនុ ​សមត្ថកិច្ច​ឃាត់​ខ្លួន​ជនសង្ស័យ​៣នាក់​

ព័ត៌មានពេញនិយម