ព័ត៌មានអន្ដរជាតិ
កូរ៉េខាងត្បូង ធ្វើសមយុទ្ធកងទ័ពជើងទឹក ស្របពេលមានជម្លោះជាមួយ ជប៉ុន រឿងផែនទីអូឡាំពិក
នៅថ្ងៃអង្គារនេះ យោធាកូរ៉េខាងត្បូងបានចាប់ផ្តើមធ្វើសមយុទ្ធប្រចាំឆ្នាំ ជុំវិញកោះមួយចំនួន ដែលក៏ត្រូវបានទាមទារដោយប្រទេសជប៉ុនផងដែរ។
សមយុទ្ធនេះបានកើតឡើងប៉ុន្មានថ្ងៃ បន្ទាប់ពីកិច្ចពិភាក្សាតាមការគ្រោងទុករវាងមេដឹកនាំប្រទេសទាំងពីរ ត្រូវបានសម្រេចលុបចោលវិញ ចំពេលមានជម្លោះជុំវិញផែនទីអូឡាំពិក។
ទីក្រុងសេអ៊ូល និង តូក្យូ មានការខ្វែងគំនិតគ្នា ចំពោះអធិបតេយ្យភាពនៃកោះតូចៗដែលគេហៅថា “Dokdo” នៅក្នុងប្រទេសកូរ៉េខាងត្បូងនិង “Takeshima” នៅក្នុងប្រទេសជប៉ុន។
ជម្លោះទឹកដីរយៈពេលរាប់ទសវត្សរ៍នេះ បានផ្ទុះឡើងជាថ្មី បន្ទាប់ពីប្រទេសកូរ៉េខាងត្បូង ធ្វើការតវ៉ាអំពីផែនទីនៅលើគេហទំព័រអូឡាំពិកទីក្រុងតូក្យូ ដែលសម្គាល់កោះទាំងនោះថាជាទឹកដីរបស់ជប៉ុន។
ទីក្រុងតូក្យូ បានច្រានចោលការទាមទាររបស់ទីក្រុងសេអ៊ូល ដែលឲ្យដករូបកូនកោះទាំងនោះចេញពីផែនទីអូឡាំពិក ហើយប្រទេសកូរ៉េខាងត្បូង បានស្នើសុំឲ្យគណៈកម្មាធិការអូឡាំពិកអន្តរជាតិ សម្រុះសម្រួលជម្លោះនេះ ខណៈអ្នកនយោបាយកូរ៉េខាងត្បូងមួយចំនួន បានអំពាវនាវឲ្យធ្វើពហិការ កុំចូលរួមព្រឹត្តិការណ៍កីឡានេះ។
ក្រសួងការពារជាតិកូរ៉េខាងត្បូងបាននិយាយនៅថ្ងៃអង្គារនេះថា សមយុទ្ធក្នុងសមុទ្រខាងកើត មានការចូលរួមពីកងនាវាចរ កងទ័ពអាកាសនិងកងឆ្មាំឆ្នេរសមុទ្រ ហើយកំពុងត្រូវបានធ្វើឡើងដោយមានទំនាក់ទំនងតិចតួចបំផុតរវាងកងទ័ព ដោយសារតែក្តីបារម្ភទាក់ទងនឹងមេរោគកូវីដ-១៩។
ទីភ្នាក់ងារសារព័ត៌មាន Yonhap របស់កូរ៉េខាងត្បូងបានរាយការណ៍ថា លោកនាយករដ្ឋមន្រ្តីជប៉ុន Yoshihide Suga បានលើកយកបញ្ហាសមយុទ្ធនេះ និងបានសម្រេចផ្អាកកិច្ចពិភាក្សាតាមការគ្រោងទុកជាមួយប្រធានាធិបតីលោក Moon Jae-in នៅក្នុងកិច្ចប្រជុំកំពូលនៃក្រុមប្រទេស G7 នៅប្រទេសអង់គ្លេសនាចុងសប្តាហ៍នេះ។
ទោះមេដឹកនាំទាំងពីរ បានស្វាគមន៍គ្នានៅកន្លែងប្រជុំកំពូលក៏ដោយ ក៏ពួកគេមិនបានជួបគ្នាផ្ទាល់ដែរ ចាប់តាំងពីលោក Suga ក្លាយជានាយករដ្ឋមន្រ្តីកាលពីខែកញ្ញាឆ្នាំមុនមក៕
ប្រែសម្រួល៖ Vann Vann
ប្រភព៖ Al Jazeera
ប្រភព៖ Al Jazeera
ចុចអាន៖ ហ្វីលីពីន ផ្អាកការលុបចោលកិច្ចព្រមព្រៀងយោធាជាមួយ អាមេរិក រយៈពេល ៦ ខែទៀត ជាលើកទី ៣
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ