ព័ត៌មានអន្ដរជាតិ
អ្នកវិទ្យាសាស្ត្រ WHO ថ្កោលទោសការប្រកួត Euro វគ្គផ្តាច់ព្រ័ត្រ
អ្នកវិទ្យាសាស្ត្រអង្គការសុខភាពពិភពលោក (WHO) ម្នាក់បានឃ្លាំមើលហ្វូងមនុស្សកកកុញគ្មានពាក់ម៉ាស់កំពុងច្រៀង និងស្រែកនៅព្រឹត្តិការណ៍ប្រកួតវគ្គផ្តាច់ព្រ័ត្រជើងឯកទ្វីបអឺរ៉ុប Euro 2020រវាងអង់គ្លេស និងអ៉ីតាលី នៅទីក្រុងឡុងដ៍ ប្រទេសអង់គ្លេសកាលពីថ្ងៃអាទិត្យដោយនិយាយថាគឺ«គ្រោះថ្នាក់» និងបង្ហាញការព្រួយបារម្ភពីការជំរុញករណីឆ្លងកូវីដ-១៩ក្នុងនោះមានវីរុសបំប្លែងខ្លួន Delta។
ករណីឆ្លងកូវីដនៅប្រទេសអង់គ្លេសបានកំពុងកើនឡើងដោយវីរុសបំប្លែង Delta រាតត្បាតខ្លាំង និងការបន្ធូរបន្ថយបំរាម សូម្បីតែអត្រាចាក់វ៉ាក់សាំងបង្ការខ្ពស់ក៏ដោយ។ កាលពីថ្ងៃទី១៩ ខែមិថុនា បំរាមរឹតត្បិតស្ទើរតែទាំងអស់ត្រូវបានកំណត់បញ្ចប់រាប់ទាំងពាក់ម៉ាស់ និងវិធានការគម្លាតសង្គមជាដើម។
ក្នុងការប្រកួតវគ្គផ្តាច់ព្រ័ត្រជាមួយអ៉ីតាលី លោកស្រី Maria Van Kerkhove អ្នកដឹកនាំបច្ចេកទេសកូវីដ-១៩របស់អង្គការសុខភាពពិភពលោកបានសរសេរលើបណ្តាញសង្គមថា ៖«តើខ្ញុំគួររីករាយការមើលឃើញករណីឆ្លងកំពុងកើតមាននៅនឹងមុខភ្នែករបស់ខ្ញុំ?
លោកស្រីបានសរសេរថា ៖«កូវីដ-១៩មិនមែនឈប់សម្រាកនៅយប់នេះទេ។ វីរុសកូវីដ #SARSCoV2 វីរុស Delta នឹងឆកឱកាសចំពោះមនុស្សដែលមិនទាន់ចាក់វ៉ាក់សាំង អង្គុយជិតគ្នាណែនតាន់តាប់ អត់ពាក់ម៉ាស់ ស្រែហ៊ោ ច្រៀង។ គ្រោះថ្នាក់ណាស់»។
កាលពីខែមិថុនា ចក្រភពអង់គ្លេសបានព្រមព្រៀងជាមួយសហព័ន្ធកីឡាបាល់ទាត់ទ្វីបអឺរ៉ុប (Uefa)ដើម្បីអនុញ្ញាតឲ្យមនុស្សចូលទស្សនាផ្ទាល់នៅកីឡដ្ឋាន Wembley ប្រមាណ៧៥%នៃសមត្ថភាពផ្ទុកមនុស្ស៩ម៉ឺននាក់សម្រាប់ការប្រកួត៣លើកនៅខែកក្កដា ក្នុងរាប់ទាំងវគ្គផ្តាច់ព្រ័ត្រ បើទោះជាផ្អាកគម្រោងចុងក្រោយសម្រាប់ការបើកប្រទេសឡើងវិញដោយសារកូវីដ-១៩ផ្ទុះឡើងវិញដែលជាផ្នែកមួយនៃកម្មវិធីស្រាវជ្រាវព្រឹត្តិការណ៍ (ERP)។
កម្មវិធីស្រាវជ្រាវព្រឹត្តិការណ៍ដែលគម្រោងសាកល្បងត្រូវបានរៀបចំឡើងដើម្បីវាយតម្លៃពីសុវត្ថិភាពនៃការជួបជុំមនុស្សច្រើនកំឡុងពេលការរាលដាលកូវីដ-១៩ និងផលប៉ះពាល់លើការឆ្លងផ្អែកលើអ្នកចូលរួមព្រឹត្តិការណ៍ដើម្បីធ្វើតេស្តរហ័សអវិជ្ជមានជាលក្ខខណ្ឌនៃការអនុញ្ញាតឲ្យចូល។
ទោះបីជាយ៉ាងណា ឧបករណ៍ធ្វើតេស្តរហ័ស Innova lateral ប្រើនៅចក្រភពអង់គ្លេសមិនអាចទុកចិត្តបាន១០០%នោះទេ។ នៅពេលកូវីដមានកម្រិតស្រាល ជាធម្មតាពីរបីថ្ងៃដំបូង បន្ទាប់ពីការឆ្លងគឺមិនអាចរកឃើញទេ។
តាមពិតទៅ WHO បានព្រមានព្រឹត្តិការណ៍នោះរួចហើយថាប្រឈមនឹងការបង្កើនឆ្លងកូវីដ។
គណកម្មាធិការសភាអឺរ៉ុបស្តីពីសុខភាពសុខភាពសាធារណៈបានចាត់ទុកការសម្រេចអនុញ្ញាតឲ្យអ្នកគាំទ្រចូលមើលផ្ទាល់៦ម៉ឺននាក់គឺជារូបមន្តមួយសម្រាប់គ្រោះមហន្តរាយ៕
ប្រែសម្រួល៖ វីរបុត្រ
ប្រភព៖ theguardian
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ