ចិន រកឃើញវីរុសដ៏ចម្លែកមួយទៀតឆ្លងដល់មនុស្ស និងសម្លាប់ពេទ្យ ក្រោយបណ្ដាលឲ្យខូចខួរក្បាលធ្ងន់ធ្ងរ
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ចិន រកឃើញវីរុសដ៏ចម្លែកមួយទៀតឆ្លងដល់មនុស្ស និងសម្លាប់ពេទ្យ ក្រោយបណ្ដាលឲ្យខូចខួរក្បាលធ្ងន់ធ្ងរ

បានផុស

នៅ

យោងតាមទស្សនាវដ្ដី China Weekly បានឲ្យដឹងថា គ្រូពេទ្យវះកាត់សត្វអាយុ ៥៣ ឆ្នាំ មានមូលដ្ឋាននៅក្នុងទីក្រុងប៉េកាំងបានស្លាប់ បន្ទាប់ពីបានឆ្លងវីរុសស្វា B (BV) ហើយវាជាករណីឆ្លងមនុស្សដំបូងបង្អស់របស់ប្រទេសនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្ដីរាយការណ៍បានឲ្យដឹងទៀតថា បុរសនោះបានឆ្លងវីរុសនេះ បន្ទាប់ពីរកឃើញសត្វស្វា ២ ក្បាលដែលស្លាប់នៅក្នុងមន្ទីរពិសោធន៍ទីក្រុងប៉េកាំង កាលពីថ្ងៃទី ៤ និង ៦ ខែមីនា ។ មួយខែក្រោយមក ពេទ្យសត្វដែលមិនបញ្ចេញឈ្មោះបានចាប់ផ្តើមមានអារម្មណ៍ចង្អោរ និងក្អួតមុនពេលមានអាការៈក្តៅខ្លួន និងរោគសញ្ញាខាងសរសៃប្រសាទ ។ គាត់បានស្លាប់នៅថ្ងៃទី ២៧ ឧសភា បន្ទាប់ពីបានទៅមន្ទីរពេទ្យ និងជួបគ្រូពេទ្យជាច្រើន ។

សំណាកដែលប្រមូលបានពីបុរសម្នាក់នេះកាលពីខែមេសា បានបញ្ជាក់ថា គាត់បានឆ្លងវីរុស BV ប៉ុន្តែវាហាក់ដូចជា គាត់មិនបានចម្លងវីរុសនេះទៅនរណាម្នាក់ទេ បន្ទាប់ពីសាច់ញាតិជិតស្និទ្ធរបស់គាត់ បានធ្វើតេស្តអវិជ្ជមាន ។

ទោះបីជាការឆ្លងវីរុសស្វា BV កម្រកើតមានសម្រាប់មនុស្សក៏ដោយ តែការឆ្លងអាចនាំឲ្យមានការខូចខួរក្បាលធ្ងន់ធ្ងរ ឬស្លាប់ ប្រសិនបើអ្នកមិនបានទទួលការព្យាបាលភ្លាមៗ ។

យោងទៅតាម CDC ចិនបានឲ្យដឹងថា ការឆ្លងវីរុសស្វា BV ដល់មនុស្សត្រូវបានគេកត់ត្រា ក្នុងចំណោមអ្នកស្រាវជ្រាវមន្ទីរពិសោធន៍អាមេរិកខាងជើង ពេទ្យសត្វ និងបុគ្គលិកដែលធ្វើការជាមួយសត្វ ។

CDC បាននិយាយថា “ជាធម្មតាមនុស្សឆ្លងវីរុស BV ប្រសិនបើពួកគេត្រូវបានខាំ ឬខ្វាចដោយស្វាដែលឆ្លងរោគ ឬមានទំនាក់ទំនងជាមួយភ្នែក ច្រមុះ និងមាត់របស់ស្វា ។

ចំណែកទស្សនាវដ្ដី China Weekly មិនបានបញ្ជាក់ពីលក្ខណៈពិត នៃការស្លាប់របស់គ្រូពេទ្យសត្វនោះទេ ប៉ុន្តែបាននិយាយថា អត្រាមរណភាពនៃការឆ្លងមាននៅចន្លោះពី ៧០ ទៅ ៨០ ភាគរយ ហើយក្រុមអ្នកស្រាវជ្រាវបានសន្និដ្ឋានថា វីរុស BV នៅក្នុងសត្វស្វាបង្កជាការគំរាមកំហែងដ៏ខ្លាំងក្លា សម្រាប់អ្នកធ្វើការផ្នែកសុខភាពសត្វ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ មិនធម្មតា! បណ្ដាញ 5G របស់ ចិន មានអ្នកប្រើប្រាស់យ៉ាងច្រើនសន្ធឹកសន្ធាប់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ១ ម៉ោង មុន

តារា​សិច​ស៊ី សេង សូ​ណា បញ្ជាក់​អាការៈ​ជំងឺ​ក្រោយ​ឆ្លង​កូ​វីដ​-១៩​បាន​១៨​ថ្ងៃ​

ព័ត៌មានជាតិ២ ម៉ោង មុន

រដ្ឋមន្ត្រី​ក្រសួង​ព័ត៌មាន​ ៖​ ចំពោះ​រាជរដ្ឋាភិបាល​កម្ពុជា​សិទ្ធិ​ទទួល​បាន​ព័ត៌មាន​ជា​សាកល​គឺជា​សិទ្ធិ​មួយ​ដែល​មិន​អាច​ខ្វះ​បាន​នៅ​ក្នុង​សង្គម​ប្រជាធិបតេយ្យ​

ព័ត៌មានជាតិ៣ ម៉ោង មុន

កាកបាទក្រហមកម្ពុជា​ខេត្ត​កំពត នាំយក​អំណោយជូន​ប្រជាពលរដ្ឋ​ដែល​ងាយ​រងគ្រោះ​ដោយសារ​កូ​វីដ

ព័ត៌មានជាតិ៣ ម៉ោង មុន

តុលាការ​កំពូល​នឹង​កាត់ទោស​លោក​ឡាយ វណ្ណៈ នៅ​ព្រឹកស្អែក​នេះ

នយោបាយ៤ ម៉ោង មុន

លោក កឹម សុខា​ ៖ ក្នុង​រដូវ​កាន់បិណ្ឌ​ឆ្នាំនេះ ជំងឺ​កូ​វីដ​-១៩​នៅតែ​រីក​រាលដាល​គួរ​ឲ្យ​ព្រួយបារម្ភ​

Sokha Hotels

ព័ត៌មានពេញនិយម

Helistar Cambodia - Helicopter Charter Services