មិនធម្មតា! បណ្ដាញ 5G របស់ ចិន មានអ្នកប្រើប្រាស់យ៉ាងច្រើនសន្ធឹកសន្ធាប់
Connect with us
Helistar Cambodia - Helicopter Charter Services

ព័ត៌មានអន្ដរជាតិ

មិនធម្មតា! បណ្ដាញ 5G របស់ ចិន មានអ្នកប្រើប្រាស់យ៉ាងច្រើនសន្ធឹកសន្ធាប់

បានផុស

នៅ

ប្រទេសចិនមានអ្នកប្រើប្រាស់បណ្តាញ 5G ច្រើនជាង ១៦០ លាននាក់នៅចុងឆ្នាំ ២០២០ ពោលស្មើនឹងប្រមាណ ៨៩ ភាគរយនៃអ្នកប្រើប្រាស់ប្រព័ន្ធ 5G នៅទូទាំងពិភពលោក ។ នេះបើតាមរបាយការណ៍ស្តីពីការអភិវឌ្ឍន៍អ៊ីនធឺណិតជាតិ ដែលត្រូវបានចេញផ្សាយនៅក្នុងសន្និសីទអ៊ីនធឺណិតចិនកាលពីថ្ងៃពុធ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រទេសចិន បានបង្កើតបណ្តាញខ្សែកាបអុបទិកធំជាងគេបង្អស់លើពិភពលោក ដូចជា បណ្តាញ 4G និង 5G ហើយបានសាងសង់ស្ថានីយ៍មូលដ្ឋាន 5G ចំនួន ៥១៦,០០០ កន្លែង ដែលមានចំនួនរហូតដល់ទៅ ៩០ ភាគរយ នៃចំនួនសរុបលើពិភពលោក ។

យោងតាមគោលការណ៍ណែនាំថ្មីមួយ ដែលចេញដោយស្ថាប័នរដ្ឋចំនួន ១០ រួមមានក្រសួងឧស្សាហកម្ម និងព័ត៌មានបច្ចេកវិទ្យា បានឲ្យដឹងថា ប្រទេសចិនរំពឹងថា នឹងមានអ្នកប្រើប្រាស់បណ្ដាញ 5G ជាង ៥៦០ លាននាក់នៅឆ្នាំ ២០២៣ ហើយអត្រាឆ្លាតវ៉ៃនៃបណ្តាញ 5G នៅក្នុងអ្នកប្រើប្រាស់ម្នាក់ៗ គឺលើសពី ៤០ ភាគរយ ។

បច្ចុប្បន្ន ប្រទេសចិនកំពុងឈានមុខគេក្នុងវិស័យនេះ រាប់បញ្ចូលទាំងទិន្នន័យធំៗដូចជា បច្ចេកវិទ្យា AI និងបច្ចេកវិទ្យា IoT ជាដើម ។

ទន្ទឹមនោះ លោក He Guili អនុប្រធាន និងជាអគ្គលេខាធិការរងនៃសង្គមអ៊ីនធឺណិតរបស់ចិន បាននិយាយថា “ក្នុងឆ្នាំ ២០២០ ទំហំនៃឧស្សាហកម្មទិន្នន័យធំរបស់ប្រទេសចិន ឈានដល់ ៧១.៨៧ ពាន់លានយ័ន (ប្រហែល ១១.១១ ពាន់លានដុល្លារ) ជាមួយនឹងកំណើន ១៦ ភាគរយពីមួយឆ្នាំទៅមួយឆ្នាំ” ។

លោកបានបន្ថែមថា “ចំណែកទំហំនៃឧស្សាហកម្ម AI របស់ចិនមានចំនួន ៣០៣.១ ពាន់លានយ័នក្នុងឆ្នាំដដែល ជាមួយនឹងកំណើនប្រចាំឆ្នាំ ១៥ ភាគរយ ហើយឧស្សាហកម្ម IoT របស់ចិនមានលើសពី ១.៧ ពាន់ពាន់លានយ័ន” ។

លោកបានសង្កត់ធ្ងន់ថា បន្ទាប់មកទៀត ប្រទេសចិននឹងពង្រឹងការគាំទ្រ និងការវិនិយោគលើបច្ចេកវិទ្យាស្នូលដូចជា បណ្ដាញ 5G ទិន្នន័យធំៗ មូលដ្ឋាន Software និងបច្ចេកវិទ្យា AI ដើម្បីជំរុញការធ្វើឲ្យប្រសើរឡើងនៃមូលដ្ឋានឧស្សាហកម្ម និងការធ្វើទំនើបកម្មនៃខ្សែសង្វាក់ឧស្សាហកម្ម ក៏ដូចជាពង្រឹងមូលដ្ឋានបន្ថែមទៀតសម្រាប់ការអភិវឌ្ឍឧស្សាហកម្មមួយនេះ ៕

ប្រែសម្រួលដោយ ៖ ជីវ័ន្ត

ប្រភព ៖ CGTN

ចុចអាន ៖ ចិន កំពុងអភិវឌ្ឍ យាន AI ក្រោមទឹកដែលអាចលាក់ខ្លួនក្នុងសមុទ្រនិងបាញ់មីស៊ីលដាក់នាវាសត្រូវ ដោយមិនចាំបាច់មនុស្សបញ្ជា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានខ្លីៗ៤៧ នាទី មុន

នេះ​ទំហំ​ទឹកប្រាក់ពិន័យ អ្នក​មិនពាក់ម៉ាស ដើ​រចេញ​ក្រៅ​ផ្ទះ​ បើ​សមត្ថកិច្ច​ចាប់បាន

ព័ត៌មានខ្លីៗ៤៨ នាទី មុន

២នាក់ប្តី-ប្រពន្ធ ដឹកបង្គាក្រៀម ពីកំពត មកលក់នៅភ្នំពេញ ហើយ២ថ្ងៃលក់ចំណេញ មិនក្រោម៣០ម៉ឺនរៀលទេ

ព័ត៌មានខ្លីៗ៦០ នាទី មុន

ពាក់ម៉ាស់ឲ្យបានត្រឹមត្រូវ ពេលដើរ​ចេញ​ក្រៅ​ផ្ទះ សមត្ថកិច្ចចាប់ផ្តើមអនុវត្តផាកពិន័យហើយ!

ព័ត៌មានជាតិ១ ម៉ោង មុន

អាជ្ញាធរខណ្ឌព្រែកព្នៅ​ ចុះអប់រំផ្សព្វផ្សាយ​ដល់ប្រជាពលរដ្ឋ ​អាជីវករ ​ឱ្យចូលរួមអនុវត្តបម្រាម​គោចរ

ជីវិតកម្សាន្ដ១ ម៉ោង មុន

តារាជើងចាស់ Aum ទើបបរិច្ចាគរួច ឥលូវធ្វើបាយ ២ ពាន់ប្រអប់ ជូនអ្នករងផលប៉ះពាល់ដោយកូវីដធ្ងន់ធ្ងរ

Sokha Hotels

ព័ត៌មានពេញនិយម

Helistar Cambodia - Helicopter Charter Services