ព័ត៌មានអន្ដរជាតិ

វ៉ាក់សាំងរុស្ស៊ីផលិតនៅវៀតណាមចាប់ផ្តើមសាកល្បងលើកដំបូង

បានផុស

៣ years មុន

នៅ

ថ្ងៃព្រហស្បតិ៍ ២២ កក្កដា ២០២១

ដោយ

យោងតាមសេចក្តីប្រកាសរួមមួយកាលពីថ្ងៃពុធម្សិលមិញថា ការសាកល្បងលើកដំបូងនៃវ៉ាក់សាំងបង្ការកូវីដ-១៩ Sputnik V របស់ប្រទេសរុស្ស៊ីត្រូវបានផលិតនៅប្រទេសវៀតណាម។

មូលនិធិរុស្ស៊ី RDIF និងក្រុមហ៊ុនឱសថវៀតណាម Vabiotech បាននិយាយក្នុងសេចក្តីប្រកាសរួមមួយថា សំណាកសុពលភាពលើកដំបូងពីវ៉ាក់សាំងបង្ការកូវីដ-១៩ដែលត្រូវបានផលិតនៅប្រទេសវៀតណាមនឹងត្រូវបញ្ជូនទៅមជ្ឈមណ្ឌល Gamaleya នៅប្រទេសរុស្ស៊ីដើម្បីឲ្យត្រួតពិនិត្យគុណភាព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Kirill Dmitriev នាយកប្រតិបត្តិមូលនិធិ RIDF បានឲ្យដឹងថា អង្គភាពទាំងពីរកំពុងសហការគ្នាផ្ទេរបច្ចេកវិទ្យាដើម្បីជួយវៀតណាមឲ្យទទួលបានវ៉ាក់សាំងកាន់តែស្រួល។

វៀតណាមបានអនុម័តលើការប្រើប្រាស់វ៉ាក់សាំងរុស្ស៊ី Sputnik V កាលពីថ្ងៃទី២៣ ខែមីនា។ នៅថ្ងៃទី១៦ ខែមីនា រុស្ស៊ីបានផ្តល់ជាអំណោយវ៉ាក់សាំង Sputnik V ចំនួន១០០០ដូសដល់ប្រទេសវៀតណាម។

ប្រទេសរុស្ស៊ីបានយល់ព្រមផ្តល់វ៉ាក់សាំង Sputnik V ចំនួន២០លានដូសដល់ប្រទេសវៀតណាមក្នុងឆ្នាំនេះ។

វ៉ាក់សាំង Sputnik V ដែលត្រូវបានគេស្គាល់ជា VGam-COVID-Vac ត្រូវបានផលិតដោយមជ្ឈមណ្ឌលជាតិនៃជំងឺឆ្លង និងមីក្រូជីវសាស្ត្រ Gamaleya និងជាវ៉ាក់សាំងត្រូវបានចុះបញ្ជីដំបូងគេក្នុងពិភពលោកដែលមានវត្តមានជាង៦៨ប្រទេស។

ប្រទេសរុស្ស៊ីបាននិយាយថា ប្រសិទ្ធភាពវ៉ាក់សាំងរបស់ខ្លួនមាន៩៧.៦%៕

ប្រែសម្រួល៖ វីរបុត្រ
ប្រភព៖ vnexpress