ព័ត៌មានអន្ដរជាតិ

ភ្លៀងធ្លាក់អាក្រក់បំផុតជាប់កំណត់ត្រាវាយប្រហារចិន

បានផុស

៤ years មុន

នៅ

ថ្ងៃសុក្រ ២៣ កក្កដា ២០២១

ដោយ

ការបំផ្លិចបំផ្លាញផ្ទះសម្បែង ហេដ្ឋារចនាសម្ព័ន្ធ និងទ្រព្យសម្បត្តិផ្សេងៗទៀត ទីក្រុងភាគកណ្តាលប្រទេសចិន Mihe ទទួលរងការវាយប្រហារដ៏តក់ស្លុតបំផុតកាលពីថ្ងៃព្រហស្បតិ៍ ទី២២ ខែកក្កដា នៅពេលប្រជាជនត្រូវបានជម្លៀសចេញដោយសារជំនន់ទឹកភ្លៀងដ៏ធ្ងន់ធ្ងរបំផុតបំបែកកំណត់ត្រា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកស្រុកដែលទទួលរងផលប៉ះពាល់បានស្ទាបស្ទង់លើការខូតខាតនៅពេលទឹកភ្លៀងបានស្រក។ អ្នកស្រុកម្នាក់បាននិយាយមុនពេលហូរទឹកភ្នែកថា ៖«ខ្ញុំបាត់បង់អ្វីៗទាំងអស់។ វានាំយកទៅអស់ហើយ»។

មនុស្សជាច្រើនខ្វះអាហារជាច្រើនថ្ងៃដោយសារទឹក អគ្គីសនី និងសេវាទូរសព្ទត្រូវបាកាត់ផ្តាច់។

និស្សិតសាកលវិទ្យាល័យអាយុ២២ឆ្នាំឈ្មោះក្រៅ Du បាននិយាយថា ៖«Mihe ធ្លាប់ជាទីក្រុងដ៏រស់រវើល រុងរឿង តែឥឡូវនេះត្រូវបានបំផ្លិចផ្លាញទាំងស្រុង»។

រថយន្តត្រូវបានលិចទឹក អណ្តើតតាមផ្លូវព្រោងព្រាត។ អ្នកជួយសង្គ្រោះ Wang Lang បាននិយាយថា ក្រុមស្ម័គ្រចិត្តជួយសង្គ្រោះបានទៅដល់ទីក្រុង Mihe ដោយមានការហៅពីក្រុមពន្លត់អគ្គីភ័យក្នុងតំបន់ឲ្យជួយអ្នកស្រុកដែលជាប់គាំង និងធ្វើការជាមួយអាជ្ញាធរដើម្បីជម្លៀសអ្នកស្រុក និងយកសាកសព។

ពួកគេបាននិយាយថា ហោចណាស់ មនុស្ស២នាក់ត្រូវបានសម្លាប់នៅផ្ទះកំឡុងពេលព្យុះខ្លាំង។ ពួកគេទទួលបានការហៅទូរសព្ទចូលស្ទើរពេញមួយថ្ងៃឲ្យជួយក្នុងនោះមានទាំងមនុស្សស្លាប់ដូចជាក្មេងស្រីម្នាក់ត្រូវបានដើមឈើដួលសង្កត់លើ។

រហូតមកដល់ពេលមនុស្ស៣៣នាក់បានបាត់បង់ជីវិតនៅខេត្ត Henan ដោយសារទឹកជំនន់ ប៉ុន្តែគេជឿថា ចំនួននឹងកើនឡើងខ្ពស់ជាងនេះ ខណៈភ្លៀងធ្លាក់បានថមថយ ហើយប្រតិបត្តិការជួយសង្គ្រោះកំពុងដំណើរការនៅខេត្តដែលមានប្រជាជនច្រើន ប៉ុន្តែការទំនាក់ទំនងជួបការលំបាក។

មនុស្សរាប់សិបពាន់នាក់ទទទួលផលប៉ះពាល់ដោយទឹកជំនន់ទូទាំងខេត្ត Henan ដែលបានធ្វើឲ្យខូចខាតយ៉ាងខ្លាំងទៅលើហេដ្ឋារចនាសម្ព័ន្ធ និងប្រព័ន្ធដឹកជញ្ជូន។