ព័ត៌មានអន្ដរជាតិ
ដំណឹងល្អ! វ៉ាក់សាំង ចិន ក៏មានប្រសិទ្ធភាពប្រឆាំងនឹង វីរុសកូវីដបំប្លែងខ្លួន Lambda ដែរ
អ្នកជំនាញចិនបានកត់សម្គាល់ថា វ៉ាក់សាំងការពារជំងឺកូវីដ ១៩ ដែលផលិតនៅប្រទេសចិន នៅតែមានប្រសិទ្ធភាពប្រឆាំងនឹងវីរុសបំប្លែងខ្លួន Lambda ។
វីរុសបំប្លែងខ្លួន Lambda ដែលត្រូវបានកំណត់អត្តសញ្ញាណដំបូងនៅប្រទេសប៉េរូ នៅខែសីហា ឆ្នាំ ២០២០ បានរីករាលដាលនៅអាមេរិកខាងត្បូង ។ បើប្រៀបធៀបទៅនឹងវីរុសបំប្លែងខ្លួនធម្មតា វីរុស Lambda នេះអាចឆ្លងកាន់តែខ្លាំង ហើយអាចមានភាពធន់នឹងវ៉ាក់សាំង ប៉ុន្តែព័ត៌មានលម្អិតរបស់វានៅតែមិនទាន់ដឹងនៅឡើយ ។
លោក Zhuang Shilihe អ្នកជំនាញដែលមានមូលដ្ឋាននៅទីក្រុង Guangzhou បានកត់សម្គាល់ថា ការសិក្សាចុងក្រោយនៅក្នុងបណ្តាប្រទេសនៅអាមេរិកខាងត្បូង ដូចជា ប៉េរូ និងឈីលី បានបង្ហាញថា វ៉ាក់សាំងការពារជំងឺកូវីដ ១៩ ដែលផលិតដោយក្រុមហ៊ុនចិន នៅតែមានប្រសិទ្ធភាពប្រឆាំងនឹងវីរុសបំប្លែងខ្លួន Lambda នេះ ។
ទន្ទឹមនោះ ទូរទស្សន៍កណ្តាលចិន (CCTV) បានរាយការណ៍កាលពីខែកក្កដាថា ការសិក្សាដែលធ្វើឡើងនៅប្រទេសប៉េរូបានបង្ហាញថា វ៉ាក់សាំង Sinopharm មានប្រសិទ្ធភាពយ៉ាងតិច ៩០ ភាគរយក្នុងការការពារការស្លាប់ចំពោះអ្នកជំងឺកូវីដ ១៩ ។
ស្របពេលជាមួយគ្នានេះដែរ សារព័ត៌មាន Reuters បានរាយការណ៍កាលពីថ្ងៃទី ៤ ខែសីហាថា វ៉ាក់សាំងកូវីដ ១៩ Sinovac មានប្រសិទ្ធភាព ៥៨.៥ ភាគរយ ក្នុងការការពារចេញរោគសញ្ញា ក្នុងចំណោមប្រជាជនឈីលីរាប់លាននាក់ ដែលបានទទួលការចាក់វ៉ាក់សាំង នៅចន្លោះខែកុម្ភៈ និងកក្កដា ។
បន្ថែមពីនេះ យោងតាមទិន្នន័យសកល GISAID បានឲ្យដឹងថា ភាគរយប្រចាំសប្តាហ៍នៃករណីឆ្លងថ្មីដែលបង្កឡើងដោយវីរុសបំប្លែងខ្លួន Lambda នៅអាមេរិកខាងត្បូងបានធ្លាក់ចុះពី ៧.៥២ ភាគរយនៅថ្ងៃទី ២១ ខែមិថុនាមកត្រឹម ៤.៩ ភាគរយនៅថ្ងៃទី ៨ ខែសីហា ៕
ប្រែសម្រួលដោយ ៖ ជីវ័ន្ត
ប្រភព ៖ Global Times
ចុចអាន ៖ WHO៖ វីរុសបំប្លែងខ្លួន Lambda ជាវីរុសកូវីដបំប្លែងថ្មី មានសមត្ថភាពឆ្លងរាលដាលលឿន
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១៥ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore