បុរសអូស្ត្រាលីត្រូវជាប់គុក ៨ ខែ ពីបទរៀបចំបាតុកម្មប្រឆាំងការបិទខ្ទប់

បុរសជនជាតិអូស្រ្តាលីអាយុ ២៩ ឆ្នាំម្នាក់ ត្រូវបានផ្តន្ទាទោសដាក់ពន្ធនាគារ៨ខែ ពីបទជួយរៀបចំការតវ៉ាប្រឆាំងការបិទខ្ទប់ទីក្រុងស៊ីដនី។

ប៉ូលិសរដ្ឋ New South Wales (NSW) បានប្រកាសការកាត់ទោសនេះ នៅក្នុងសេចក្តីថ្លែងការណ៍មួយកាលពីថ្ងៃសុក្រ ដោយអះអាងថា បុរសម្នាក់នេះត្រូវជាប់ពន្ធនាគារ។

ការចោទប្រកាន់ច្រើនករណីទៀត ពីបទរំលោភបំពានលើបទបញ្ជាសុខភាពសាធារណៈ ក៏ដូចជាចំណែករបស់គាត់ក្នុងការរៀបចំ ការតវ៉ាដោយគ្មានការអនុញ្ញាតផងដែរនោះ នឹងត្រូវកំណត់នៅចុងសប្តាហ៍នេះ។

អ្នកយកព័ត៌មានកាសែត Sydney Morning Herald បានកត់សម្គាល់នៅលើ Twitter ថា ប៉ូលិស NSW បានផ្សព្វផ្សាយជាសាធារណៈអំពីការដាក់ពន្ធនាគារបុរសម្នាក់នេះ។ គោលបំណងគឺដើម្បីបំភ័យក្រុមបាតុករផ្សេងទៀត មុនការតវ៉ាចុងសប្តាហ៍ផ្ទុះឡើងក្នុងទីក្រុងស៊ីដនី។

ទោះបីជាយ៉ាងណាក៏ដោយ បុរសម្នាក់នេះ នឹងមានសិទ្ធិទទួលបានការដោះលែង បន្ទាប់ពីជាប់ពន្ធនាគារបានបីខែ៕

ប្រែសម្រួល៖ Vann Vann

ប្រភព៖ RT

ចុចអាន៖ ពលរដ្ឋ អូស្រ្តាលី ១០ លាននាក់រស់នៅក្រោមការបិទខ្ទប់ ខណៈវីរុសបំប្លែងខ្លួនឥណ្ឌាកំពុងអុកឡុកខ្លាំង