ព័ត៌មានអន្ដរជាតិ
ជប៉ុនឈប់ប្រើវ៉ាក់សាំង Moderna ១.៦៣លានដូសជុំវិញសារធាតុផ្ទុកមេរោគ
ប្រទេសជប៉ុនបានឈប់ប្រើវ៉ាក់សាំងបង្ការកូវីដ-១៩ Moderna ចំនួន ១.៦៣លានដូស បន្ទាប់ពីមានសេចក្តីរាយការណ៍ថាសារធាតុចម្លែក ឬមេរោគឆ្លង។ នេះបើតាមក្រុមហ៊ុនឱសថ និងក្រសួងសុខាភិបាលបាននិយាយនៅថ្ងៃព្រហស្បតិ៍ ទី២៦ ខែសីហា។
ក្រុមហ៊ុនឱសថ Takeda ទទួលបន្ទុកលើការលើលក់ និងចែកចាយវ៉ាក់សាំង Moderna នៅប្រទេសជប៉ុនបាននិយាយថា ខ្លួនទទួលបានរបាយការណ៍ពីទីកន្លែងចាក់វ៉ាក់សាំងជាច្រើនដែលថា មានសារធាតុចម្លែកត្រូវបានរកឃើញនៅក្នុងកែវជាច្រើនដែលមិនទាន់បើកគម្រប។
ក្រុមហ៊ុននិយាយថា ៖«ផ្អែកលើការប្រឹក្សាជាមួយក្រសួងសុខាភិបាល យើងបានសម្រេចផ្អាកការប្រើប្រាស់នូវបរិមាណដ៏ច្រើនចាប់ពីថ្ងៃទី២៦ ខែសីហានេះ»។
ជាមួយគ្នានេះ ក្រុមហ៊ុនបានជូនដំណឹងទៅក្រុមហ៊ុនផលិតវ៉ាក់សាំង Moderna និងបានស្នើសុំឲ្យមានការស៊ើបអង្កេតបន្ទាន់មួយ។
ទោះបីជាយ៉ាងណា ក្រុមហ៊ុន Takeda មិនបានបញ្ជាក់លំអិតពីលក្ខណៈនៃមេរោគចម្លងទេ ប៉ុន្តែនិយាយថា រហូតដល់ពេលនេះ ក្រុមហ៊ុនមិនទាន់ទទួលបានព័ត៌មានណាមួយពីកង្វល់សុខភាពដែលកើតចេញពីការចាក់វ៉ាក់សាំងទាំងនោះ។
ក្រសួងសុខាភិបាលជប៉ុនបាននិយាយថា ខ្លួនបានធ្វើការជាមួយ Takeda ដើម្បីធានាបាននូវវ៉ាក់សាំងផ្សេងដើម្បីជៀសវាងប៉ះពាល់ដល់កម្មវិធីចាក់វ៉ាក់សាំងនៅក្នុងប្រទេសដែលកំពុងបង្កើនល្បឿន បន្ទាប់ពីចាប់ផ្តើមដំបូងយឹត។
ប្រហែលជា៤៣%នៃប្រជាជនជប៉ុនឥឡូវនេះបានចាក់វ៉ាក់សាំងបង្ការកូវីដពេញលេញហើយ ប៉ុន្តែប្រទេសនេះនៅតែកំពុងប្រយុទ្ធនឹងករណីឆ្លងកើនឡើងខ្ពស់ដដែលដោយសារវីរុសបំប្លែងខ្លួនឆ្លងកាចសាហាវ Delta រាតត្បាតខ្លាំង។
រហូតដល់ពេលនេះ មនុស្សប្រមាណ ១៥៥០០នាក់បានស្លាប់ដោយកូវីដនៅប្រទេសជប៉ុន និងកន្លែងជាច្រើនស្ថិតនៅជាប់បំរាមរឹតត្បិត៕
ប្រែសម្រួល៖ វីរបុត្រ
ប្រភព៖ AFP
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)