អ៊ីរ៉ង់ប្តេជ្ញាសងសឹកចំពោះការធ្វើឃាតអ្នកវិទ្យាសាស្ត្រកំពូលរបស់ខ្លួនឲ្យដូចរន្ទះ – Kampuchea Thmey Daily
Connect with us
Helistar Cambodia - Helicopter Charter Services

ព័ត៌មានអន្ដរជាតិ

អ៊ីរ៉ង់ប្តេជ្ញាសងសឹកចំពោះការធ្វើឃាតអ្នកវិទ្យាសាស្ត្រកំពូលរបស់ខ្លួនឲ្យដូចរន្ទះ

Published

on

អ៊ីរ៉ង់បានប្តេជ្ញាសងសឹកចំពោះការសម្លាប់អ្នកវិទ្យាសាស្ត្រនុយក្លេអ៊ែរជាន់ខ្ពស់បំផុតរបស់ខ្លួនគឺលោក Mohsen Fakhrizadeh ដែលត្រូវបានគេធ្វើឃាតនៅក្បែរទីក្រុងតេអេរ៉ង់កាលពីថ្ងៃសុក្រ ។ លោក Fakhrizadeh បានស្លាប់នៅក្នុងមន្ទីរពេទ្យ បន្ទាប់ពីការវាយប្រហារមួយនៅក្រុង Absard ក្នុងតំបន់ Damavand ។

លោក Hossein Dehghan ជាទីប្រឹក្សាយោធារបស់មេដឹកនាំជាន់ខ្ពស់អ៊ីរ៉ង់លោក Ayatollah Ali Khamenei បានប្តេជ្ញាថានឹងធ្វើការវាយប្រហារសងសឹកទៅលើជនល្មើសឲ្យដូចជារន្ទះ ។

ទន្ទឹមនោះរដ្ឋមន្រ្តីក្រសួងការបរទេសលោក Mohammad Javad Zarif ក៏បានអំពាវនាវឲ្យសហគមន៍អន្តរជាតិថ្កោលទោសចំពោះអំពើភេរវកម្មរបស់រដ្ឋនេះ ។ លោក Zarif បានស្តីបន្ទោសអ៊ីស្រាអែលចំពោះការវាយប្រហារនេះដោយនិយាយថា ខ្លួនមានការចង្អុលបង្ហាញជាក់លាក់អំពីតួនាទីរបស់អ៊ីស្រាអែល ។

ឈ្មោះរបស់លោក Fakhrizadeh ត្រូវបានលើកឡើងយ៉ាងពិសេសនៅក្នុងបទបង្ហាញរបស់នាយករដ្ឋមន្រ្តីអ៊ីស្រាអែលលោក Benjamin Netanyahu អំពីកម្មវិធីនុយក្លេអ៊ែរអ៊ីរ៉ង់កាលពីខែមេសា ឆ្នាំ ២០១៨ ខណៈមិនមានការអត្ថាធិប្បាយណាមួយពីប្រទេសអ៊ីស្រាអែលចំពោះព័ត៌មាននៃការធ្វើឃាតនេះនៅឡើយទេ ។

ចំណែកឯកអគ្គរដ្ឋទូត UN របស់អ៊ីរ៉ង់លោក Majid Takht Ravanchi បាននិយាយថា ការសម្លាប់នេះគឺជាការបំពានយ៉ាងច្បាស់នៃច្បាប់អន្តរជាតិដែលត្រូវបានរៀបចំឡើងដើម្បីបង្កការបំផ្លិចបំផ្លាញនៅក្នុងតំបន់ ។

រីឯមេបញ្ជាការនៃអង្គភាពឆ្មាំបដិវត្តអ៊ីរ៉ង់ (IRGC) លោកឧត្តមសេនីយ៍ទោ Hossein Salami បាននិយាយថា “ការធ្វើឃាតអ្នកវិទ្យាសាស្ត្រនុយក្លេអ៊ែរគឺជាការរំលោភជាក់ស្តែងបំផុតនៃអនុត្តរភាពពិភពលោកដើម្បីរារាំងការចូលទៅកាន់វិទ្យាសាស្ត្រទំនើបរបស់យើង” ។

ព័ត៌មាននៃការសម្លាប់នេះកើតឡើង ចំពេលមានការព្រួយបារម្ភថ្មីៗអំពីការកើនឡើងបរិមាណអ៊ុយរ៉ានីញ៉ូមដែលប្រទេសកំពុងផលិត ។ អ៊ុយរ៉ានីញ៉ូមដែលចម្រាញ់បានគឺជាសមាសធាតុសំខាន់សម្រាប់ទាំងថាមពលនុយក្លេអ៊ែរស៊ីវិល និងអាវុធនុយក្លេអ៊ែរយោធា ៕

ប្រែសម្រួលដោយ ៖ ជីវ័ន្ត

ប្រភព ៖ BBC

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ2 mins ago

លោកជំទាវ​ម៉ែន សំអន ផ្តាំផ្ញើ​ឲ្យ​ក្រុមការងារ​គណៈ​ចលនា​មហាជន ទូទាំង​ប្រទេស​បន្ត​ចុះ​ជួយ​ដោះស្រាយ​ទុក្ខ​លំបាក​ពលរដ្ឋ​ផ្ទាល់

ព័ត៌មានជាតិ15 mins ago

ធនាគារជាតិ​ប្រកាស​ដាក់​ឲ្យ​ដំណើរការ​ជា​ផ្លូវការ​នូវ​«​ប្រព័ន្ធ​រី​ធែ​ល​ផ‍េ​»​ដែល​អាច​ទូទាត់​សាច់ប្រាក់​ដោយ​មិនបាច់​ប្រើ​រូបិយប័ណ្ណ

ព័ត៌មានជាតិ26 mins ago

ខេត្ត​ព្រះសីហនុ​មាន​រោងចក្រ​អគ្គិសនី​ដំណើរការ​ដោយ​ថាមពល​ធ្យូងថ្ម​ចំនួន​៤​រោងចក្រ

ព័ត៌មានជាតិ54 mins ago

តុលា​កា​រប​ញ្ជា​ឲ្យ​នាំខ្លួនលោកស្រី​ឧកញ៉ា​ អ៊ាន​ សៀវម៉ី ប​ន្ទា​ប់​ពី​មិន​ចូល​បំភ្លឺតាមការកោះហៅ

ព័ត៌មានជាតិ1 hour ago

របាយការផ្លូវការ ប្រជាជនកម្ពុជា​កើនជាង ២ លាន​នាក់ ខេត្ត​ក្រុង ៤ មាន​ចំនួនប្រជាជនច្រើនជាងគេ

Sokha Hotels

ព័ត៌មានពេញនិយម

Helistar Cambodia - Helicopter Charter Services