ខេត្តភាគខាងត្បូង វៀតណាម ឲ្យបុគ្គលិកពេទ្យដែលឆ្លងកូវីដបន្តព្យាបាលអ្នកជំងឺ ទាំងឈឺ
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ខេត្តភាគខាងត្បូង វៀតណាម ឲ្យបុគ្គលិកពេទ្យដែលឆ្លងកូវីដបន្តព្យាបាលអ្នកជំងឺ ទាំងឈឺ

បានផុស

នៅ

អាជ្ញាធរនៅខេត្ត Dong Nai ភាគខាងត្បូងប្រទេសវៀតណាមបានអនុញ្ញាតឲ្យបុគ្គលិកពេទ្យដែលឆ្លងជំងឺកូវីដ ១៩ មិនបង្ហាញរោគសញ្ញា និងមានរោគសញ្ញាតិចតួច បន្តព្យាបាលអ្នកជំងឺកូវីដនៅមន្ទីរពេទ្យក្នុងតំបន់ ។

ការយល់ព្រមនេះត្រូវបានចុះហត្ថលេខាដោយលោក Phan Huy Anh Vu ប្រធានមន្ទីរសុខាភិបាលខេត្ត Dong Nai កាលពីថ្ងៃសុក្រ ។

ដើម្បីចៀសវាងការដាក់សម្ពាធបន្ថែមលើប្រព័ន្ធថែទាំសុខភាព ប្រធានមន្ទីរសុខាភិបាលខេត្តបានផ្តល់ការអនុញ្ញាតឲ្យបុគ្គលិករបស់មន្ទីរពេទ្យដែលឆ្លងជំងឺកូវីដ ១៩ មានរោគសញ្ញាស្រាល ឬគ្មានរោគសញ្ញា ត្រូវព្យាបាលអ្នកជំងឺនៅបរិវេណធ្វើចត្តាឡីស័ករបស់ខ្លួន ។

លោក Anh Vu បាននិយាយថា ក្នុងអំឡុងពេលដែលពួកគេធ្វើចត្តាឡីស័ក បុគ្គលិកពេទ្យក៏អាចចូលរួមក្នុងការព្យាបាលអ្នកជំងឺដែលឆ្លងជំងឺកូវីដ ១៩ នៅមន្ទីរពេទ្យបានផងដែរ និងទទួលបានប្រាក់ឧបត្ថម្ភតាមច្បាប់ដែលបានចែង ។

ទន្ទឹមនោះ មានសេចក្តីរាយការណ៍ថា បុគ្គលិកពេទ្យចំនួន ៤២ នាក់នៅមន្ទីរពេទ្យ Dong Nai បានធ្វើតេស្តវិជ្ជមានចំពោះជំងឺកូវីដ ១៩ ហើយពួកគេមួយចំនួននៅតែស្ម័គ្រចិត្តចូលរួមក្នុងការព្យាបាលអ្នកជំងឺដែលឆ្លងកូវីដ ។

រហូតមកដល់ពេលនេះ ខេត្ត Dong Nai បានកត់ត្រាករណីឆ្លងក្នុងសហគមន៍ចំនួន ៣៨,០៨១ ករណីចាប់តាំងពីរលកឆ្លងលើកទី ៤ បានផ្ទុះឡើងនៅថ្ងៃទី ២៧ ខែមេសា ដែលធ្វើឲ្យខេត្តនេះក្លាយជាតំបន់ដែលរងគ្រោះខ្លាំងទី ៣ នៅវៀតណាម បន្ទាប់ពីទីក្រុងហូជីមិញ និងខេត្ត Binh Duong ។

គួរបញ្ជាក់ថា គិតត្រឹមពេលនេះ វៀតណាមបានកត់ត្រាករណីឆ្លងជំងឺកូវីដ ១៩ នៅទូទាំងប្រទេសជាង ៦៦ ម៉ឺនករណី និងមានអ្នកស្លាប់សរុប ១៦,៦៣៧ នាក់ ចាប់តាំងពីការរីករាលដាលនៃជំងឺកូវីដ ១៩ បានផ្ទុះឡើងដំបូងកាលពីដើមឆ្នាំមុន ៕

ប្រែសម្រួលដោយ ៖ ជីវ័ន្ត

ប្រភព ៖ Tuoi Tre

ចុចអាន ៖ វៀតណាម ត្រៀមបើករមណីយដ្ឋានកោះចម្ងាយ ១០ គីឡូម៉ែត្រពីឆ្នេរសមុទ្រ កម្ពុជា ឡើងវិញដល់ភ្ញៀវទេសចរបរទេស

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១០ នាទី មុន

ពលរដ្ឋគ្រោះថ្នាក់រាល់ថ្ងៃ ដោយសារស្ពានលំផាត់ខូច មិនទាន់មានការជួសជុល

ព័ត៌មានអន្ដរជាតិ២៧ នាទី មុន

វ៉ាក់​សាំង​ Valneva​ បង្កើត​អង់​ទីគ័រ​​ដល់​​​៩៥%​ ខ្លាំង​ជាង ​AstraZeneca ទៀត

ព័ត៌មានជាតិ៨ ម៉ោង មុន

កម្ពុជា​ទទួល​ដែក​រ៉ៃ​ និង កំណល់​បេតុង​ផ្លូវ​រថភ្លើង​ ដែល​ជា​ជំនួយឥតសំណង​របស់​រាជរដ្ឋាភិបាល​ថៃ​ជាង​៤ ម៉ឺន​តោន

ព័ត៌មានជាតិ៨ ម៉ោង មុន

រយៈ​៩​ខែ​ឆ្នាំ​២០២១ មាន​ជនរងគ្រោះ​ដោយសារ​មីន​ស្លាប់ ១០​នាក់​,​របួស​១៨​នាក់​និង​ពិការ​ចំនួន​៦​នាក់

ព័ត៌មានជាតិ៩ ម៉ោង មុន

ប្រគល់​រថយន្ត ២២៩​គ្រឿង ជូន​ម្ចាស់​វិញ​ដោយ​យោង​តាម​អនុសាសន៍​ណែនាំ​ដ៏​ខ្ពង់ខ្ពស់​របស់​សម្តេច​តេ​ជោ ហ៊ុន សែន

Sokha Hotels

ព័ត៌មានពេញនិយម

Helistar Cambodia - Helicopter Charter Services