ជីវិតកម្សាន្ដ

សន្និសីទ Kim Soo Hyun ទាញអ្នកទស្សនានៅចិនជាង ១៣ លាននាក់ មិនគួរឲ្យជឿ

បានផុស

១ year មុន

នៅ

ថ្ងៃអង្គារ ១ មេសា ២០២៥

ដោយ

កាលពីថ្ងៃទី ៣១ ខែមីនា តារាសម្តែង Kim Soo Hyun បានធ្វើសន្និសីទសារព័ត៌មានបន្ទាន់មួយ ដោយបដិសេធយ៉ាងម៉ឺងម៉ាត់ចំពោះការចោទប្រកាន់ថា គាត់បានណាត់ជួបជាមួយតារាសម្តែង Kim Sae Ron កាលពីនាងនៅតូច។ សេចក្តីថ្លែងការណ៍ទាំងទឹកភ្នែករបស់គាត់ ដែលមានបំណងបដិសេធការអះអាងនេះ ជំនួសមកវិញបានបង្កឲ្យមានភាពចម្រូងចម្រាសបន្ថែមទៀតក្នុងចំណោមអ្នកនិយមលេងអ៊ីនធឺណិតកូរ៉េ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រឿងអាស្រូវនេះបានគ្របដណ្ដប់លើឧស្សាហកម្មកម្សាន្តកូរ៉េក្នុងរយៈពេលប៉ុន្មានសប្តាហ៍ថ្មីៗនេះ បន្ទាប់ពីមានការចោទប្រកាន់ពីគ្រួសារសពរបស់ Kim Sae Ron។ ពួកគេបានចោទប្រកាន់ថា Kim Soo Hyun មានទំនាក់ទំនងស្នេហាជាមួយតារាស្រីរូបនេះតាំងពីនាងអាយុ ១៥ ឆ្នាំ ហើយថា គាត់រួមជាមួយនឹងភ្នាក់ងារ Gold Medalist បានដើរតួក្នុងសោកនាដកម្មរបស់នាង។ យោងតាមគ្រួសារ Kim Soo Hyun មានឥទិ្ធពលយ៉ាងសំខាន់លើជីវិតរបស់ Kim Sae Ron ហើយការទាមទាររបស់ទីភ្នាក់ងារសម្រាប់ថ្លៃពិន័យដ៏ច្រើនតាមរយៈសំបុត្រដែលមានការបញ្ជាក់ចំនួនពីរបានរុញនាងរហូតដល់ជ្រោះមរណៈ។

នៅពេលដែលការចោទប្រកាន់នេះរីករាលដាល អ្នកលេងអ៊ីនធឺណិតកូរ៉េបានចាត់ទុក Kim Soo Hyun ថា ជាជនពាល។ ជាការឆ្លើយតប តារារូបនេះបានព្យាយាមលុបឈ្មោះរបស់ខ្លួនតាមរយៈសន្និសិទសារព័ត៌មានមួយ ប៉ុន្តែការជ្រើសរើសពាក្យសម្ដីរបស់គាត់ បានត្រឹមតែជំរុញឲ្យមានប្រតិកម្មកាន់តែខ្លាំង។ នៅពេលហៅខ្លួនគាត់ថាជា តារា Kim Soo Hyun គាត់ត្រូវបានគេចំអកពីសាធារណជន។

យ៉ាងណាមិញ សន្និសិទសារព័ត៌មានរបស់ Kim Soo Hyun ទទួលបានការចាប់អារម្មណ៍យ៉ាងខ្លាំងនៅក្រៅប្រទេសផងដែរ ដោយមានអ្នកទស្សនាជាង ១៣ លាននាក់នៅក្នុងប្រទេសចិន។ អ្នកលេងអ៊ីនធឺណេតកូរ៉េបានបញ្ចេញមតិយ៉ាងស្រើបស្រាលថាតារាប្រុសបានក្លាយជាតារាទូទាំងពិភពលោក ដូចដែលគាត់បានដាក់ចំណងជើងខ្លួនឯង។

ពួកគេបានបញ្ចេញមតិថា មនុស្ស ១៣លាននាក់កំពុងមើលគាត់ដោយសារតែតារាប្រុសមានប្រជាប្រិយភាពនៅក្នុងប្រទេសចិន ជាពិសេស ដោយសារតែគាត់ជាតារា Kim Soo Hyun ។ នេះជារឿងគួរឲ្យអាម៉ាស់ណាស់! គ្រួសារដែលបាត់បង់ជីវិត មិនចង់បំផ្លាញ Kim Soo Hyun ទាំងស្រុងនោះទេ ពួកគេគ្រាន់តែចង់ឲ្យគាត់ទទួលស្គាល់។ ប៉ុន្តែការប្តឹងផ្តល់ប្រាក់ចំនួន ១២ ពាន់លានវ៉ុន? នេះពិតជាមានន័យថា គាត់ប្តេជ្ញាចិត្តតស៊ូរហូតដល់ទីបញ្ចប់ដ៏ជូរចត់៕