ព័ត៌មានអន្ដរជាតិ

ចិន បើកសមយុទ្ធយោធារួមគ្នា ក្លែងធ្វើជាបិទកោះតៃវ៉ាន់

បានផុស

១ year មុន

នៅ

ថ្ងៃអង្គារ ១ មេសា ២០២៥

ដោយ

Chheang

នៅថ្ងៃអង្គារទី១ខែមេសាឆ្នាំ២០២៥ ប្រទេសចិន បានប្រកាសថា ខ្លួនបានចាប់ផ្តើមសមយុទ្ធយោធារួមគ្នាទ្រង់ទ្រាយធំជុំវិញតៃវ៉ាន់ ដោយក្លែងធ្វើការបិទកោះនេះ ចំពេលមានភាពតានតឹងកើនឡើងជាមួយរដ្ឋាភិបាលក្រុងតៃប៉ិ និងសហរដ្ឋអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កងទ័ពរំដោះប្រជាជនចិន (PLA) បានប្រកាសថា សមយុទ្ធដែលមានការចូលរួមពីកងទ័ពចិន កងទ័ពជើងទឹក ទ័ពអាកាស និងកងកម្លាំងរ៉ុកកែត កំពុងធ្វើឡើងនៅទីតាំងជាច្រើនជុំវិញកោះតៃវ៉ាន់។

យោងតាមប្រព័ន្ធផ្សព្វផ្សាយរដ្ឋរបស់ចិន សមយុទ្ធនេះមានគោលបំណងសាកល្បងសមត្ថភាពរបស់ចិនក្នុងការ «ដណ្តើមគ្រប់គ្រងតំបន់សំខាន់ៗ» និងរារាំងមិនឲ្យកម្លាំងខាងក្រៅចូលមកគាំទ្រតៃវ៉ាន់បាន។ PLA បានដាក់ពង្រាយនាវាចម្បាំង យន្តហោះចម្បាំង និងអង្គភាពមីស៊ីល ដើម្បីធ្វើការល្បាតត្រៀមប្រយុទ្ធ និងសមយុទ្ធបាញ់គ្រាប់ពិតនៅច្រកសមុទ្រតៃវ៉ាន់ និងដែនទឹកនៅភាគខាងកើតកោះ។

ក្រសួងការពារជាតិរបស់តៃវ៉ាន់ បានថ្កោលទោសសមយុទ្ធនេះ ដោយចាត់ទុកថាជាសកម្មភាពបំភិតបំភ័យ។ តៃប៉ិបានឆ្លើយតបដោយការដាក់ពង្រាយយន្តហោះចម្បាំង និងនាវាកងទ័ពជើងទឹករបស់ខ្លួន ព្រមទាំងដាក់ត្រៀមខែលការពារមីស៊ីលផងដែរ។

សមយុទ្ធនេះធ្វើឡើងភ្លាមៗបន្ទាប់ពីប្រធានាធិបតីតៃវ៉ាន់លោក ឡៃ ឈីងតេ បានបញ្ជាក់ជាថ្មីអំពីអធិបតេយ្យភាពរបស់តៃវ៉ាន់ និងបានសន្យាពង្រឹងទំនាក់ទំនងជាមួយសម្ព័ន្ធមិត្តប្រជាធិបតេយ្យ។ ទីក្រុងប៉េកាំង ដែលចាត់ទុកតៃវ៉ាន់ជាទឹកដីរបស់ខ្លួន បានហៅលោក ឡៃ ថាជា «ជនផ្ដាច់ខ្លួន» ហើយបានប្តេជ្ញាថានឹងចាត់វិធានការចាំបាច់ ដើម្បីរារាំងរាល់ចលនាឆ្ពោះទៅរកឯករាជ្យភាពជាផ្លូវការរបស់តៃវ៉ាន់៕

ដោយ៖ ឈាង