ចិន បង្ហាញភស្តុតាងច្បាស់ៗការប៉ុនប៉ងរបស់ អាមេរិក ក្នុងការជ្រៀតជ្រែកកិច្ចការនៅ ហុងកុង
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ចិន បង្ហាញភស្តុតាងច្បាស់ៗការប៉ុនប៉ងរបស់ អាមេរិក ក្នុងការជ្រៀតជ្រែកកិច្ចការនៅ ហុងកុង

បានផុស

នៅ

ក្រសួងការបរទេសចិនបានបង្ហាញនូវសន្លឹកការពិតមួយដែលជាបញ្ជីនៃការប៉ុនប៉ងទាំងអស់ របស់អាមេរិកដើម្បីជ្រៀតជ្រែកកិច្ចការហុងកុង និងគាំទ្រធ្វើឲ្យអស្ថិរភាពប្រឆាំងចិន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងការបរទេសអះអាងថា ទីក្រុងវ៉ាស៊ីនតោនបានព្យាយាមធ្វើឲ្យអស្ថិរភាពនៅហុងកុង និងរារាំងកិច្ចប្រឹងប្រែងរបស់ទីក្រុងប៉េកាំងដើម្បីបញ្ឈប់អំពើហិង្សា និងស្តារច្បាប់ និងសណ្តាប់ធ្នាប់ឡើងវិញនៅលើកោះនេះ ហើយក៏ធ្វើឲ្យប៉ះពាល់ដល់វិបុលភាព និងស្ថិរភាពរបស់កោះនេះផងដែរ ។

នៅក្នុងបញ្ជីដែលមានករណីជាង ១០០ ក្រសួងការបរទេសនិយាយលម្អិតអំពីរាល់សកម្មភាព និងសេចក្តីថ្លែងការណ៍ដែលធ្វើឡើងដោយអ្នកនយោបាយ ប្រធានាធិបតី និងតំណាងរាស្រ្តអាមេរិកថា តាមទស្សនៈរបស់ទីក្រុងប៉េកាំងបានគំរាមកំហែងដល់សន្តិសុខរបស់ចិន ហើយអាចត្រូវបានគេមើលឃើញថាជាការជ្រៀតជ្រែកដោយខុសច្បាប់នៅក្នុងកិច្ចការផ្ទៃក្នុងរបស់ខ្លួន ។

ក្នុងចំណោមករណីដែលបានចុះបញ្ជីនោះរួមមាន ការដាក់ទណ្ឌកម្មជាច្រើនដោយអាមេរិកទៅលើមន្រ្តី និងអង្គភាពនៅហុងកុង និងចិន ការរឹបអូសឧបករណ៍មួយចំនួនដូចជា ឧបករណ៍ប៉ូលិស និងការឃុបឃិតជាមួយក្រុមដែលប្រឆាំងចិន ។ បញ្ជីនេះក៏បង្ហាញពីច្បាប់មួយចំនួនដែលអនុម័តដោយសភាអាមេរិក និងចុះហត្ថលេខាដោយប្រធានាធិបតីដែលផ្តោតលើប្រទេសចិន ឬជាពិសេសកោះនេះតែម្ដង ។

ទន្ទឹមនោះរដ្ឋាភិបាលទីក្រុងប៉េកាំងក៏បានរិះគន់ផងដែរចំពោះកិច្ចខិតខំប្រឹងប្រែងរបស់អាមេរិក ដែលបានធ្វើឲ្យប៉ះពាល់ដល់គោលនយោបាយក្នុងស្រុក ដូចជា ការផ្លាស់ប្តូរប្រព័ន្ធបោះឆ្នោតនៅហុងកុងដែលធ្វើឡើងដោយសភាប្រជាជនចិននៅខែមីនា ឆ្នាំ ២០២០ ។ បញ្ជីនោះក៏បានបង្ហាញនូវសកម្មភាពជាបន្តបន្ទាប់របស់ទីក្រុងវ៉ាស៊ីនតោននៅរដូវក្តៅឆ្នាំមុន ដែលសំដៅលុបបំបាត់ឋានៈអនុគ្រោះពាណិជ្ជកម្មរបស់ហុងកុងជាមួយសហរដ្ឋអាមេរិក ហើយត្រូវបានគេចោទប្រកាន់ថា បានអនុវត្តជាមធ្យោបាយរារាំងក្រុងប៉េកាំងក្នុងការណែនាំបទបញ្ជាថ្មីនៅលើកោះនេះ ។

បន្ថែមពីនេះ ក្រសួងការបរទេសក៏បានថ្កោលទោសយ៉ាងដាច់ខាតចំពោះកិច្ចខិតខំប្រឹងប្រែងរបស់សហរដ្ឋអាមេរិក ដែលបានសហការជាមួយអង្គភាពនានាប្រឆាំងនឹងទីក្រុងប៉េកាំង និងផ្តល់ឲ្យពួកគេនូវវេទិកាដើម្បី “គាំទ្រឯករាជ្យភាពហុងកុង” និងផ្សព្វផ្សាយព័ត៌មានមិនពិតផ្នែកនយោបាយ ។

សហរដ្ឋអាមេរិក និងបណ្តាប្រទេសលោកខាងលិចជាច្រើនទៀតបានបង្កើនសម្ពាធនយោបាយ និងពេលខ្លះសេដ្ឋកិច្ចលើប្រទេសចិន បន្ទាប់ពីការតវ៉ាឆ្នាំ ២០១៩ នៅទីក្រុងហុងកុងជុំវិញវិក័យប័ត្រធ្វើបត្យាប័នដែលត្រូវបានលុបចោល ។ មហាអំណាចបរទេសបានចោទប្រកាន់ទីក្រុងប៉េកាំងពីបទរំលោភលើការសន្យារបស់ខ្លួន ក្នុងការការពារស្វ័យភាពមួយកម្រិតសម្រាប់កោះនេះ និងការរំលោភសិទ្ធិមនុស្សទាំងនៅហុងកុងក្នុងការបង្ក្រាបការតវ៉ា និងនៅផ្នែកផ្សេងទៀតនៃប្រទេស ។

ស្របពេលជាមួយគ្នានេះ រដ្ឋាភិបាលចិនបានច្រានចោលយ៉ាងដាច់អហង្ការចំពោះការចោទប្រកាន់ទាំងនេះ ហើយបានព្រមានបណ្តាប្រទេសលោកខាងលិចកុំឲ្យធ្វើសេចក្តីថ្លែងការណ៍បែបនេះនាពេលអនាគត ដោយប្រដូចថា ពួកគេគឺជាការជ្រៀតជ្រែកខុសច្បាប់ក្នុងកិច្ចការផ្ទៃក្នុងរបស់ចិន ដោយយោងទៅតាមគោលការណ៍ “ប្រទេសមួយ ប្រព័ន្ធពីរ” ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ១០ ចំណុចខ្លឹមៗពីសុន្ទរកថារបស់លោក ស៊ី ជីងពីង ទៅកាន់មហាសន្និបាត UN

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ៥៥ នាទី មុន

ស្នាដៃ​ភាពយន្ត​ល្បីៗ​ចំនួន​២​របស់​លោកតា ហ្វុ​យ ស្សូ ធ្លាប់​បាន​ប្រកួត​នៅលើ​ឆាក​អន្តរជាតិ​

ព័ត៌មានជាតិ១ ម៉ោង មុន

រាជរដ្ឋាភិបាល​កំពុង​រៀបចំ​ដាក់ចេញ​នូវ​ផែនការ​ស្តារ​សេដ្ឋកិច្ច​ក្រោយ​វិបត្តិ​ជំងឺ​កូ​វីដ​-១៩ ដោយ​ផ្តោតលើ​អភិក្រម​ចំនួន ៣

សេដ្ឋកិច្ច១ ម៉ោង មុន

កម្ពុជាគ្រោងថវិកាជិត ១ពាន់លានដុល្លារ សម្រាប់ប្រយុទ្ធនឹងជំងឺកូវីដ-១៩ នៅឆ្នាំ២០២២

ព័ត៌មានជាតិ១ ម៉ោង មុន

ចុះ​ពិនិត្យមើល​ស្ថានភាព​ទឹក នៅ​សណ្ត​ស្ទឹង​ព្រែក​ត្នោត ដើម្បី​ត្រៀមលក្ខណៈ​បង្ការ ខណៈ​ទឹក​ឡើង​ខ្ពស់​នា​ប៉ុន្មាន​ថ្ងៃនេះ

ព័ត៌មានជាតិ២ ម៉ោង មុន

ក្រសួងការងារ នឹងបើកពិព័រណ៍ការងារ និងផលិតភាពជាតិ​អនឡាញឆ្នាំ២០២១នៅដើមខែវិច្ឆិកាខាងមុខ​នេះ​

Sokha Hotels

ព័ត៌មានពេញនិយម

Helistar Cambodia - Helicopter Charter Services