ឥណ្ឌូនេស៊ី ដាក់ពង្រាយកងអង្គភាពពិសេសបន្ទាប់ពីការវាយប្រហារភេរវកម្ម – Kampuchea Thmey Daily
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ឥណ្ឌូនេស៊ី ដាក់ពង្រាយកងអង្គភាពពិសេសបន្ទាប់ពីការវាយប្រហារភេរវកម្ម

Published

on

កងកម្លាំងប្រដាប់អាវុធឥណ្ឌូនេស៊ី (TNI) បានដាក់ពង្រាយអង្គភាពពិសេសមួយទៅកាន់តំបន់ Poso ក្នុងខេត្ត Central Sulawesi ដើម្បីជួយតាមប្រមាញ់រកសមាជិកនៃក្រុមភេរវកម្មមួយដែលបានសម្លាប់អ្នកភូមិ៤នាក់និងកម្ទេចផ្ទះចំនួន៦ខ្នងក្នុងភូមិមួយកាលពីសប្តាហ៍មុន។

មេបញ្ជាការ TNI លោក Hadi Tjahjanto បាននិយាយថា អង្គភាពពិសេសនេះត្រូវបានដាក់ពង្រាយនៅព្រឹកថ្ងៃអង្គារទី១ខែធ្នូនេះដើម្បីជួយក្នុងការតាមប្រមាញ់សមាជិកក្រុមជ្រុលនិយម East Indonesia Mujahidin (MIT) ដែលគេគិតថា ទទួលខុសត្រូវចំពោះការវាយប្រហារនេះ។

លោក Hadi បានប្រាប់សន្និសីទកាសែតកាលពីថ្ងៃចន្ទថា “កងអង្គភាពពិសេសមួយត្រូវដាក់ពង្រាយពីមូលដ្ឋានទ័ពអាកាស Perdanakusuma ទៅទីក្រុង Palu ហើយក្រោយមកបានបោះទីតាំងនៅតំបន់ Poso ដើម្បីពង្រឹងកងអង្គភាពដែលមានស្រាប់នៅទីនោះ”។

លោកថា អង្គភាពនេះនឹងផ្តល់ការគាំទ្រពេញទំហឹងដល់នគរបាលជាតិក្នុងការតាមប្រមាញ់ MIT។

លោកប្រធានាធិបតី Joko Widodo បានថ្កោលទោសចំពោះការសម្លាប់នៅក្នុងតំបន់ Sigi ដោយនិយាយថា រដ្ឋាភិបាលនឹងផ្តល់សំណងហិរញ្ញវត្ថុដល់ក្រុមគ្រួសារដែលរងគ្រោះដោយសារឧប្បត្តិហេតុនេះ។

ស្របពេលជាមួយគ្នានោះ លោកបានអំពាវនាវឲ្យមានភាពស្ងប់ស្ងាត់និងអត់ធ្មត់ខណៈដែលរដ្ឋាភិបាលកំពុងធ្វើការឆ្ពោះទៅរកការចាប់ខ្លួនអ្នកដែលទទួលខុសត្រូវ។

លោក Joko បាននិយាយកាលពីថ្ងៃចន្ទថា “បទឧក្រិដ្ឋដ៏សាហាវនេះមានគោលបំណងយ៉ាងច្បាស់ដើម្បីបង្កនិងបង្កើតឲ្យមានអំពើភេរវកម្មក្នុងចំណោមសាធារណជនដើម្បីបំផ្លាញឯកភាពនិងភាពសុខដុមជាតិ”៕

ប្រែសម្រួលដោយ៖ Vann Vann

ប្រភព៖ Jakarta Post

ចុចអាន៖ រំលោភក្មេងនៅឥណ្ឌូនេស៊ី ត្រូវវាយ១៤៦រំពាត់ផ្តៅជាសាធារណៈ

ចុចអាន៖ ឥណ្ឌូនេស៊ី ចេញការព្រមានអំពីរលកយក្សស៊ូណាមិដោយសាររញ្ជួយដី៦.៣រ៉ិចទ័រ

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ6 seconds ago

លោកជំទាវ​ម៉ែន សំអន ឧបត្ថម្ភ​ប្រាក់បៀវត្ស ដើម្បី​ចូលរួម​ជួយ​ដល់​ការប្រយុទ្ធប្រឆាំង​កូ​វីដ ១៩ រយៈពេល ៥​ខែ ជូនទៅ​ក្រសួងសុខាភិបាល

ព័ត៌មានជាតិ10 mins ago

លោកជំទាវ​ម៉ែន សំអន ផ្តាំផ្ញើ​ឲ្យ​ក្រុមការងារ​គណៈ​ចលនា​មហាជន ទូទាំង​ប្រទេស​បន្ត​ចុះ​ជួយ​ដោះស្រាយ​ទុក្ខ​លំបាក​ពលរដ្ឋ​ផ្ទាល់

ព័ត៌មានជាតិ22 mins ago

ធនាគារជាតិ​ប្រកាស​ដាក់​ឲ្យ​ដំណើរការ​ជា​ផ្លូវការ​នូវ​«​ប្រព័ន្ធ​រី​ធែ​ល​ផ‍េ​»​ដែល​អាច​ទូទាត់​សាច់ប្រាក់​ដោយ​មិនបាច់​ប្រើ​រូបិយប័ណ្ណ

ព័ត៌មានជាតិ34 mins ago

ខេត្ត​ព្រះសីហនុ​មាន​រោងចក្រ​អគ្គិសនី​ដំណើរការ​ដោយ​ថាមពល​ធ្យូងថ្ម​ចំនួន​៤​រោងចក្រ

ព័ត៌មានជាតិ1 hour ago

តុលា​កា​រប​ញ្ជា​ឲ្យ​នាំខ្លួនលោកស្រី​ឧកញ៉ា​ អ៊ាន​ សៀវម៉ី ប​ន្ទា​ប់​ពី​មិន​ចូល​បំភ្លឺតាមការកោះហៅ

Sokha Hotels

ព័ត៌មានពេញនិយម

Helistar Cambodia - Helicopter Charter Services