ព័ត៌មានអន្ដរជាតិ
ប្រព័ន្ធសុខាភិបាល សិង្ហបុរី កំពុងស្ថិតនៅមាត់ជ្រោះ សល់គ្រែក្នុងបន្ទប់ ICU ត្រឹមតែ ៦០ ប៉ុណ្ណោះ
ចំនួនអ្នកជំងឺធ្ងន់ធ្ងរនៅក្នុងប្រទេសសិង្ហបុរីបានកើនឡើងដល់ចំណុចកំពូលមួយ ដោយបច្ចុប្បន្នគ្រែនៅក្នុងបន្ទប់ ICU នៅសល់តែ ៦០ ប៉ុណ្ណោះ ស្របពេលដែលករណីឆ្លងថ្មីនៃជំងឺកូវីដ ១៩ កើនឡើងជាង ៣ ពាន់ករណីស្ទើររាល់ថ្ងៃ ។
ក្រសួងសុខាភិបាលបាននិយាយថា អត្រាប្រើប្រាស់បន្ទប់ ICU ទាំងមូលគឺ ៨៣.៦ ភាគរយគិតត្រឹមថ្ងៃចន្ទ ពោលកើនឡើងពីប្រហែល ២ ភាគ ៣ ក្នុងមួយសប្តាហ៍មុន ។
ក្រសួងបញ្ជាក់ថា ក្នុងចំណោមគ្រែក្នុងបន្ទប់ ICU ចំនួន ៣០៦ អ្នកជំងឺ ៦៤ នាក់ស្ថិតក្នុងស្ថានភាពធ្ងន់ធ្ងរ ហើយអ្នកជំងឺ ១០៧ នាក់ស្ថិតក្នុងស្ថានភាពមិនច្បាស់លាស់ ហើយកំពុងត្រូវបានត្រួតពិនិត្យយ៉ាងដិតដល់ ខណៈគ្រែ ១៣៥ ផ្សេងទៀតត្រូវបានគេយកសម្រាប់ដាក់អ្នកជំងឺមិនមែនឆ្លងកូវីដ ។
ចំណែករដ្ឋមន្ត្រីសុខាភិបាលលោក Ong Yi Qing បាននិយាយកាលពីសប្តាហ៍មុនថា “មន្ទីរពេទ្យ និងបុគ្គលិកថែទាំសុខភាពរបស់យើងស្ថិតនៅក្រោមសម្ពាធឥតឈប់ឈរ ។ គ្រែក្នុងបន្តប់ ICU បន្ថែមទៀតនឹងត្រូវបានបើកប្រើប្រាស់ ប្រសិនបើចាំបាច់ ទោះបីជាវានឹងប៉ះពាល់ដល់សេវាប្រចាំថ្ងៃ និងការថែទាំសុខភាពក៏ដោយ ។ លោកបាននិយាយថា ជាមធ្យមអ្នកជំងឺសម្រាកព្យាបាលក្នុងបន្ទប់ ICU គឺរយៈពេល ១៥ ថ្ងៃ ហើយខ្លះរហូតដល់មួយខែ ។
ក្រោយជួបបញ្ហាបែបនេះ អាជ្ញាធរបានព្រមានពីគ្រោះថ្នាក់នៃការដួលរលំប្រព័ន្ធថែទាំសុខភាពរបស់ប្រទេសសិង្ហបុរី ខណៈវាក៏កើតឡើង ស្របពេលដែលរដ្ឋាភិបាលកំពុងបន្ធូរបន្ថយការគ្រប់គ្រងព្រំដែន ដើម្បីទទួលភ្ញៀវទេសចរដែលទទួលការចាក់វ៉ាក់សាំងពីប្រទេសជាច្រើនទៀត ។
គួរបញ្ជាក់ថា គិតត្រឹមពេលនេះ ប្រទេសសិង្ហបុរីបានកត់ត្រាករណីឆ្លងជំងឺកូវីដ ១៩ ជាង ១៧ ម៉ឺនករណី និងមានអ្នកស្លាប់ ៣២៩ នាក់ ខណៈមានអ្នកជាសះស្បើយជាង ១៤ ម៉ឺននាក់ ៕
ប្រែសម្រួលដោយ ៖ ជីវ័ន្ត
ប្រភព ៖ Times of India
ចុចអាន ៖ សិង្ហបុរី នឹងធ្វើតេស្តរហ័សរកកូវីដលើសិស្សសាលាបឋមសិក្សារៀងរាល់ ២ សប្ដាហ៍ម្ដង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ