ដោយសារកូវីដ! និស្សិតកូរ៉េខាងត្បូងជិតកន្លះលាននាក់អង្គុយប្រឡងពីក្រោយរបាំងការពារ និងនៅមន្ទីរពេទ្យ – Kampuchea Thmey Daily
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ដោយសារកូវីដ! និស្សិតកូរ៉េខាងត្បូងជិតកន្លះលាននាក់អង្គុយប្រឡងពីក្រោយរបាំងការពារ និងនៅមន្ទីរពេទ្យ

Published

on

នៅថ្ងៃព្រហស្បតិ៍នេះនិស្សិតកូរ៉េខាងត្បូងជិតកន្លះលាននាក់បានចាប់ផ្តើមការប្រឡងចូលសកលវិទ្យាល័យនៅក្នុងបន្ទប់ប្រឡងដែលបំពាក់ដោយរបាំងថ្លា ខណៈនិស្សិតផ្ទុកកូវីដ ១៩ ធ្វើការប្រឡងនៅមន្ទីរពេទ្យ ។

ទន្ទឹមនោះប៉ូលិស និងមន្រ្តីសាលាបានយាមកន្លែងធ្វើតេស្តចំនួន ៣១,០០០ កន្លែងនៅទូទាំងប្រទេស ខណៈដែលមនុស្ស ៣៥ នាក់ដែលបានធ្វើតេស្តវិជ្ជមានជំងឺកូវីដ ១៩ បានអង្គុយប្រឡងនៅមន្ទីរពេទ្យដែលបានកំណត់ រីឯកន្លែងពិសេសដទៃទៀតត្រូវបានផ្តល់ដើម្បីជួយដល់មនុស្ស ៤០៤ នាក់ផ្សេងទៀតដែលស្ថិតក្នុងការធ្វើចត្តាឡីស័ក ។

ចំណែកអនុរក្សត្រូវពាក់ឧបករណ៍ការពារ និងប្រមូលក្រដាសប្រឡងក្នុងថង់ប្លាស្ទិក ហើយជូតសម្អាតមុនពេលប្រគល់ឲ្យបុគ្គលិកនៅខាងក្រៅ ។ នៅវិទ្យាល័យមួយនៅកណ្តាលទីក្រុងសេអ៊ូលសិស្សបានតម្រង់ជួរសម្រាប់ត្រួតពិនិត្យសីតុណ្ហភាព និងបាញ់ថ្នាំសម្លាប់មេរោគ ក៏ដូចជាលាងសម្អាតដៃជាមួយអាល់កុល មុនពេលចូលកន្លែងប្រឡង ហើយរបាំងថ្លាត្រូវបានតំឡើងនៅលើតុទាំងអស់ ។ នេះបើយោងតាមវីដេអូចេញផ្សាយដោយការិយាល័យអប់រំក្រុងសេអ៊ូល ។

ការប្រឡងប្រចាំឆ្នាំបានធ្វើឡើងនៅពេលដែលប្រទេសកូរ៉េខាងត្បូងមានការរីករាលដាលនៃការផ្ទុះឡើងជំងឺកូវីដ ១៩ ដែលចំនួនករណីឆ្លងប្រចាំថ្ងៃបានកើតឡើងប្រហែល ៥០០ នាក់ក្នុងរយៈពេលប៉ុន្មានសប្តាហ៍កន្លងមកនេះដែលមិនធ្លាប់មានចាប់តាំងពីខែមីនា មក ។

ទីភ្នាក់ងារទប់ស្កាត់ និងការពារជំងឺកូរ៉េ (KDCA) បានរាយការណ៍ពីករណីឆ្លងថ្មីចំនួន ៥៤០ នៅថ្ងៃសុក្រក្នុងនោះមាន ៥៦៦ នាក់ជាករណីឆ្លងក្នុងស្រុក និងករណីនាំចូល ២៤ ករណី ហើយករណីឆ្លងសរុបរបស់ប្រទេសបានកើនឡើងដល់ ៣៥,៧០៣ នាក់ និងមានអ្នកស្លាប់ចំនួន ៥២៩ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ REUTERS

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ3 mins ago

លទ្ធផល​ជំរឿន​បង្ហាញថា ប្រជាជន​កម្ពុជា​ធ្លាក់ចុះ​នៃ​អត្រា​លទ្ធភាព​បង្កើតកូន​

ព័ត៌មានជាតិ11 mins ago

លោកជំទាវ​ម៉ែន សំអន ឧបត្ថម្ភ​ប្រាក់បៀវត្ស ដើម្បី​ចូលរួម​ជួយ​ដល់​ការប្រយុទ្ធប្រឆាំង​កូ​វីដ ១៩ រយៈពេល ៥​ខែ ជូនទៅ​ក្រសួងសុខាភិបាល

ព័ត៌មានជាតិ20 mins ago

លោកជំទាវ​ម៉ែន សំអន ផ្តាំផ្ញើ​ឲ្យ​ក្រុមការងារ​គណៈ​ចលនា​មហាជន ទូទាំង​ប្រទេស​បន្ត​ចុះ​ជួយ​ដោះស្រាយ​ទុក្ខ​លំបាក​ពលរដ្ឋ​ផ្ទាល់

ព័ត៌មានជាតិ33 mins ago

ធនាគារជាតិ​ប្រកាស​ដាក់​ឲ្យ​ដំណើរការ​ជា​ផ្លូវការ​នូវ​«​ប្រព័ន្ធ​រី​ធែ​ល​ផ‍េ​»​ដែល​អាច​ទូទាត់​សាច់ប្រាក់​ដោយ​មិនបាច់​ប្រើ​រូបិយប័ណ្ណ

ព័ត៌មានជាតិ45 mins ago

ខេត្ត​ព្រះសីហនុ​មាន​រោងចក្រ​អគ្គិសនី​ដំណើរការ​ដោយ​ថាមពល​ធ្យូងថ្ម​ចំនួន​៤​រោងចក្រ

Sokha Hotels

ព័ត៌មានពេញនិយម

Helistar Cambodia - Helicopter Charter Services