ព័ត៌មានអន្ដរជាតិ
វៀតណាម ព្រមានថា ហានិភ័យការជ្រៀតចូល Omicron ក្នុងប្រទេសគឺ “ខ្ពស់ណាស់”
ក្រសួងសុខាភិបាលវៀតណាមបានព្រមានថា ហានិភ័យនៃការជ្រៀតចូល និងការរីករាលដាលរបស់វីរុសកូវីដបំប្លែងខ្លួន Omicron នៅ ក្នុងប្រទេសវៀតណាមគឺ “ខ្ពស់ណាស់” ។
នៅ ក្នុងលិខិតមួយផ្ញើទៅ កាន់ទីក្រុង និងខេត្តទាំង ៦៣ ក្រសួងបាននិយាយថា ស្ថានភាពជំងឺរាតត្បាតនៅ ក្នុងប្រទេសជាច្រើនកាន់តែស្មុគស្មាញ ជាពិសេសជាមួយនឹងការលេចចេញនូវវីរុស Omicron ឬ B.1.1.529 ដែលត្រូវបានរកឃើញដំបូងនៅ អាហ្វ្រិកខាងត្បូង ។
លោក Tran Dac Phu ទីប្រឹក្សាជាន់ខ្ពស់នៃមជ្ឈមណ្ឌលប្រតិបត្តិការសង្គ្រោះបន្ទាន់ក្រោមក្រសួងសុខាភិបាលបាននិយាយថា ទោះបីជាវាមិនទាន់ត្រូវបានបញ្ជាក់ថាតើ Omicron នឹងបណ្តាលឲ្យមានស្ថានភាពធ្ងន់ធ្ងរជាងកូវីដក៏ដោយ ប៉ុន្តែវាត្រូវបានគេនិយាយថា វីរុសនេះគឺអាចឆ្លងបានច្រើនជាង Delta និងប្រភេទមុនៗ ព្រោះវានាំមកនូវការវិវត្តជាច្រើន ។ ដូច្នេះត្រូវប្រុងប្រយ័ត្ន ព្រោះមេរោគដែលឆ្លងខ្លាំង និងរហ័សអាចធ្វើឲ្យទម្ងន់ប្រព័ន្ធថែទាំសុខភាពជាតិមានបញ្ហា ។
ទន្ទឹមនោះ ក្រសួងបានស្នើដល់មូលដ្ឋានបន្តពង្រឹងវិធានការបង្ការ និងទប់ស្កាត់ជំងឺកូវីដ ១៩ ជំរុញការចាក់វ៉ាក់សាំងដល់មនុស្សគ្រប់រូប ចាប់ពីអាយុ ១២ ឆ្នាំឡើង បង្កើនការយល់ដឹងដល់សាធារណជន ព្រមទាំងត្រៀមថ្នាំ អុកស៊ីហ្សែនពេទ្យ ម៉ាស៊ីនជំនួយខ្យល់ដកដង្ហើម និងគ្រែ ICU ឲ្យបានគ្រប់គ្រាន់ ។
ស្របពេលជាមួយគ្នានេះ ទីក្រុង និងខេត្តទាំងនោះក៏ត្រូវតែត្រួតពិនិត្យយ៉ាងតឹងរ៉ឹង និងដាក់ឲ្យនៅ ដាច់ដោយឡែកចំពោះមនុស្សមកដល់ពីកន្លែងដែល Omicron ត្រូវបានរកឃើញ ។
បន្ថែមពីនេះក្រសួងបញ្ជាក់ថា រាល់សំណាកដែលសង្ស័យថាឆ្លងមេរោគប្រភេទថ្មីនេះ ត្រូវតែបញ្ជូនទៅ វិទ្យាស្ថានជាតិអនាម័យ និងរោគរាតត្បាត និងវិទ្យាស្ថានប៉ាស្ទ័រទីក្រុងហូជីមិញ ដើម្បីស្វែងរកលំដាប់ហ្សែន ៕
ប្រែសម្រួលដោយ ៖ ជីវ័ន្ត
ប្រភព ៖ VNExpress
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង