ព័ត៌មានអន្ដរជាតិ
កូវីដ បង្ហាញឲ្យឃើញពីវីរភាពរបស់បុគ្គលិកសុខាភិបាល
ប្រមុខអង្គការសុខភាពពិភពលោក (WHO) បាននិយាយកាលពីថ្ងៃចន្ទថា ជំងឺរាតត្បាតកូវីដ ១៩ គឺជាការរំឭកអំពីការងារវីរភាពរបស់បុគ្គលិកសុខាភិបាល ។
អគ្គនាយក WHO លោក Tedros Ghebreyesus បាននិយាយនៅក្នុងសិក្ខាសាលាប្រចាំសប្តាហ៍នៅទីក្រុងហ្សឺណែវស្តីពីជំងឺកូវីដ ១៩ ថា “បុគ្គលិកសុខាភិបាលមានចំនួនប្រមាណ ៣ ភាគរយនៃប្រជាជនពិភពលោក ប៉ុន្តែមានចំនួន ១៤ ភាគរយនៃករណីឆ្លងជំងឺកូវីដ ១៩ ទាំងអស់” ។
នៅក្នុងសេចក្តីថ្លែងការណ៍របស់លោក Tedros បាននិយាយថា ប៉ុន្តែមានការព្រួយបារម្ភចំបងមួយរបស់អង្គការសុខភាពពិភពលោកគឺត្រូវធានាថាបុគ្គលិកសុខាភិបាលមានលទ្ធភាពគ្រប់គ្រាន់ប្រើប្រាស់ឧបករណ៍ការពារផ្ទាល់ខ្លួន (PPE) ។
លោកបានមានប្រសាសន៍ថា “យើងក៏ណែនាំផងដែរថា បុគ្គលិកសុខាភិបាលគួរតែសម្អាតដៃរបស់ពួកគេឲ្យបានទៀងទាត់ជាមួយអាល់កុល ឬលាងជាមួយសាប៊ូ និងទឹក” ។
ប៉ុន្តែលោកបាននិយាយថា ទិន្នន័យថ្មីដែលបានចេញផ្សាយកាលពីថ្ងៃចន្ទពី WHO និងទីភ្នាក់ងារកុមាររបស់អង្គការសហប្រជាជាតិ UNICEF បានបង្ហាញថា មណ្ឌលសុខភាពមួយក្នុងចំណោម ៤ កន្លែងនៅទូទាំងពិភពលោកខ្វះសេវាផ្គត់ផ្គង់ទឹកចាំបាច់ ។ នៅក្នុងប្រទេសដែលមានការអភិវឌ្ឍតិចតួចបំផុតលើពិភពលោកចំនួន ៤៧ ប្រទេស ក្នុងនោះពាក់កណ្តាលនៃមណ្ឌលសុខភាពទាំងអស់ពុំមានទឹកស្អាតនៅនឹងកន្លែងនោះទេ ។
ប្រការនេះធ្វើឲ្យបុគ្គលិកសុខាភិបាល និងអ្នកជំងឺប្រឈមនឹងហានិភ័យពីការឆ្លងមេរោគគ្រប់ប្រភេទដោយវាក៏ប៉ះពាល់នឹងការសម្រាលកូនមិនសូវមានសុវត្ថិភាពជាដើម ។
លោកបាននិយាយថា ការដោះស្រាយបញ្ហានេះគឺជារឿងអាទិភាពបន្ទាន់សម្រាប់ WHO និង UNICEF និងសម្រាប់ពិភពលោកទាំងមូលផងដែរ ។
លោក Tedros បានមានប្រសាសន៍ថា “យើងត្រូវធ្វើឲ្យប្រាកដថា គ្រប់មណ្ឌលសុខភាពនៅក្នុងប្រទេសដែលមានការអភិវឌ្ឍតិចតួចចំនួន ៤៧ មានទឹកជាមូលដ្ឋាន អនាម័យ ការគ្រប់គ្រងកាកសំណល់ ហើយសេវាកម្មសម្អាតនឹងត្រូវចំណាយថវិកាចំនួន ៣.៦ ពាន់លានដុល្លារបន្ថែមទៀតនៅចន្លោះឆ្នាំ ២០២១ និង ២០៣០ ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
ចុចអាន ៖ អ្នកជំនាញព្រមាន កុំធ្វើរឿងនេះដាច់ខាតក្រោយចាក់វ៉ាក់សាំងកូវីដ
ចុចអាន ៖ UNICEF ចង់ឲ្យបន្ថែមក្រុមមួយទៀតចូលក្នុងបញ្ជីអាទិភាពទទួលបានវ៉ាក់សាំងកូវីដ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ