វៀតណាមចាប់ផ្តើមសាកល្បងចាក់វ៉ាក់សាំងកូវីដលើមនុស្ស
Connect with us
Helistar Cambodia - Helicopter Charter Services

ព័ត៌មានអន្ដរជាតិ

វៀតណាមចាប់ផ្តើមសាកល្បងចាក់វ៉ាក់សាំងកូវីដលើមនុស្ស

Published

on

ក្រុមហ៊ុនឱសថមួយរបស់ប្រទេសវៀតណាមបានចាប់ផ្តើមសាកល្បងចាក់វ៉ាក់សាំងការពារជំងឺកូវីដ ១៩ លើអ្នកស្ម័គ្រចិត្តនៅទីក្រុងហាណូយកាលពីថ្ងៃព្រហស្បតិ៍ ទី ១៧ ធ្នូ ខណៈប្រទេសកំពុងអភិវឌ្ឍន៍មួយនេះកំពុងជម្រុញជាមួយប្រទេសអ្នកមានក្នុងការទទួលបានការចាក់ថ្នាំបង្ការដែលមានតំលៃសមរម្យ ។

វ៉ាក់សាំង Nanocovax របស់ក្រុមហ៊ុន Nanogen គឺជាវ៉ាក់សាំងមួយក្នុងចំណោមវ៉ាក់សាំងចំនួន ៤ កំពុងអភិវឌ្ឍនៅប្រទេសវៀតណាម ហើយតំណាងក្រុមហ៊ុនបាននិយាយថាគេរំពឹងថានឹងមានតម្លៃប្រហែល ៥ ដុល្លារក្នុងមួយដូស ។

អ្នកស្ម័គ្រចិត្ត ៣ នាក់បានទទួលការចាក់វ៉ាក់សាំងកាលពីថ្ងៃព្រហស្បតិ៍ ហើយនឹងត្រូវត្រួតពិនិត្យរយៈពេល ៧២ ម៉ោងនៅសាកលវិទ្យាល័យវេជ្ជសាស្ត្រយោធាវៀតណាម ។

លោក Nguyen Ngo Quang មកពីក្រសួងសុខាភិបាលបាននិយាយថា អ្នកចូលរួម ៦០ នាក់នឹងទទួលបានវ៉ាក់សាំងនៅក្នុងដំណាក់កាលដំបូងនៃការសាកល្បង ។

ចំណែកលោក Do Quyet នាយកសាកលវិទ្យាល័យវេជ្ជសាស្ត្រយោធាវៀតណាមបាននិយាយថា បុគ្គលិកពេទ្យត្រៀមខ្លួនរួចជាស្រេចក្នុងករណីណាមួយដែលអ្នកចូលរួមមានការប៉ះពាល់ ។

លោកបានប្រាប់អ្នកយកព័ត៌មានដោយពិពណ៌នាអំពីការងារសាកល្បងព្យាបាលនេះថា “យើងទាំងអស់គ្នាគិតថាជំងឺកូវីដ ១៩ គឺជាសត្រូវរបស់យើង ដូច្នេះយើងកំពុងត្រៀមសម្រាប់ការប្រយុទ្ធមួយនេះ ។ យើងត្រូវតែត្រៀមដោយប្រុងប្រយ័ត្នបំផុត ហើយយើងត្រូវតែឈ្នះសមរភូមិនេះ” ។

គួរបញ្ជាក់ថា គិតត្រឹមពេលនេះវៀតណាមមានករណីឆ្លងជំងឺកូវីដ ១៩ ចំនួន ១,៤០០ ករណី និងមានអ្នកស្លាប់ចំនួន ៣៥ នាក់នៅក្នុងប្រទេសមួយដែលមានប្រជាជនប្រមាណ ៩៦ លាននាក់ ៕

ប្រែសម្រួលដោយ ៖ ជីវ័ន្ត

ប្រភព ៖ CNA

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services