អង់គ្លេស បញ្ចេញវីដេអូ បង្វឹកទាហានអ៊ុយក្រែន ដើម្បីទប់ទល់រុស្ស៊ី

ទាហានអ៊ុយក្រែនក្រុមដំបូងក្នុងចំណោម ១០,០០០នាក់ ដែលមកហ្វឹកហ្វឺនរយៈពេល ៣សប្តាហ៍ក្នុងប្រទេសអង់គ្លេស ថ្ងៃនេះត្រូវបានគេថតវីដេអូ ឃើញកាន់អាវុធនៅមូលដ្ឋានទ័ព Manchester។

សមាជិកនៃកងវរសេនាតូចកាំភ្លើងវែងទី៣ ដែលមានមូលដ្ឋាននៅទីក្រុង Edinburgh បានត្រួតពិនិត្យការហ្វឹកហាត់កាំភ្លើងជាបន្តបន្ទាប់ជាមួយកងទ័ព អ៊ុយក្រែន។

នៅក្នុងវីដេអូឃ្លីបរបស់ក្រសួងការពារជាតិអង់គ្លេសដែលទើបបញ្ចេញ មន្ត្រីហ្វឹកហ្វឺនម្នាក់ដែលមិនបញ្ចេញឈ្មោះបាននិយាយថា ទាហាននឹងត្រូវបានបង្រៀនពីរបៀបកាន់អាវុធ និងក្បួនទាហានជាមូលដ្ឋាន។ ពួកគេ​ក៏​​ទទួល​ ​ការ​ហ្វឹកហ្វឺន​បាញ់កាំភ្លើងឲ្យចំគោលដៅផងដែរ។

មន្ត្រីដដែល​បន្ថែម​ថា៖ “ពួកគេ​ហាក់​ដូច​ជា​មាន​ការ​លើក​ទឹក​ចិត្ត និងចង់ធ្វើឲ្យបានល្អ។ ពួកគេដឹងពីអ្វីដែលពួកគេនឹងត្រូវតទល់ក្នុងរយៈពេលបីសប្តាហ៍ទៀត។ ពួកគេដឹងពីការពិតនៃស្ថានភាពរបស់ពួកគេ ហើយយើងក៏ដឹងដូចគ្នាដែរ”។

វីដេអូនេះ ត្រូវបានបញ្ចេញបន្ទាប់ពីមានរបាយការណ៍ថា ទាហានអ៊ុយក្រែន បានជ្រើសរើសហ្វឹកហាត់ចាប់ពីម៉ោង៦ព្រឹកដល់ម៉ោង ១០:៣០យប់ ប្រាំពីរថ្ងៃក្នុងមួយសប្តាហ៍៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ អង់គ្លេស ចាប់ផ្តើមបង្វឹកទាហានអ៊ុយក្រែន ក្នុងកម្មវិធីបណ្តុះបណ្តាលយោធាថ្មី