ព័ត៌មានអន្ដរជាតិ
៦ សប្ដាហ៍ទៀត វ៉ាក់សាំងការពារជំងឺកូវីដក្លាយពូជប្រភេទថ្មី នឹងផលិតបាន
នាយកប្រតិបត្តិ និងជាសហស្ថាបនិករបស់ក្រុមហ៊ុនផលិតឱសថអាល្លឺម៉ង់ BioNTech លោក Ugur Sahin បាននិយាយកាលពីថ្ងៃអង្គារថា វ៉ាក់សាំងថ្មីប្រឆាំងនឹងជំងឺកូវីដ ១៩ ក្លាយពូជប្រភេទថ្មីអាចត្រូវបានបង្កើតឡើងក្នុងរយៈពេល ៦ សប្ដាហ៍ទៀត ។
អ្នកវិទ្យាសាស្ត្រជនជាតិទួរគីអាល្លឺម៉ង់ដែលបានបង្កើតវ៉ាក់សាំងកូវីដ ១៩ មានប្រសិទ្ធភាពដំបូងបង្អស់នៅលើពិភពលោកបានធ្វើការកត់សម្គាល់បែបនេះនៅក្នុងសន្និសីទកាសែតរបស់ក្រុមហ៊ុនឱសថរបស់ខ្លួន ។
លោក Sahin បាននិយាយថា វ៉ាក់សាំងកូវីដរបស់ក្រុមហ៊ុន BioNTech មានប្រសិទ្ធភាពប្រឆាំងនឹងជំងឺកូវីដ ១៩ ក្លាយពូជប្រភេទថ្មីដែលត្រូវបានរកឃើញថ្មីៗនេះ ហើយប្រសិនបើវាចាំបាច់ក្នុងការអភិវឌ្ឍវ៉ាក់សាំងថ្មីមួយទៀតវាអាចទៅរួចក្នុងរយៈពេលតិចជាងពីរខែប៉ុណ្ណោះ ។
លោកបាននិយាយថា “តាមគោលការណ៍នៃបច្ចេកវិទ្យា RNA គឺថាយើងអាចចាប់ផ្តើមបង្កើតវ៉ាក់សាំងដោយផ្ទាល់ដែលធ្វើត្រាប់តាមការផ្លាស់ប្តូរថ្មីនេះ ។ ហើយយើងអាចផ្តល់វ៉ាក់សាំងថ្មីតាមលក្ខណៈបច្ចេកទេសក្នុងរយៈពេល ៦ សប្តាហ៍” ។
ប៉ុន្តែលោកក៏បានគូសបញ្ជាក់ផងដែរថា ដោយសារតែទិដ្ឋភាពផ្សេងទៀតនៃការផលិតវ៉ាក់សាំងដូចជាត្រូវការអនុញ្ញាតចាំបាច់ពីអាជ្ញាធរសុខាភិបាល ដូច្នេះដំណើរការនេះក៏អាចចំណាយពេលយូរដែរ ។
លោកបាននិយាយថា “ជាការពិតនេះមិនមែនគ្រាន់តែជាសំណួរបច្ចេកទេសទេ យើងត្រូវដោះស្រាយសំណួរជាមួយនិយ័តករ ទីភ្នាក់ងារវេជ្ជសាស្ត្រអឺរ៉ុប (EMA) រដ្ឋបាលចំណីអាហារ និងឪសថអាមេរិក (FDA) និងអាជ្ញាធរដទៃទៀតអំពីការយល់ឃើញរបស់ពួកគេ” ។
ក្រុមហ៊ុន BioNTech និងក្រុមហ៊ុនដៃគូ Pfizer របស់អាមេរិកបានបង្កើតវ៉ាក់សាំងកូវីដនប្រសិទ្ធិភាពដំបូងគេលើពិភពលោកដោយប្រើបច្ចេកវិទ្យា RNA (mRNA) ។ វ៉ាក់សាំងនេះបានបញ្ចប់ការសាកល្បងព្យាបាលដំណាក់កាលទី ៣ ក្នុងខែវិច្ឆិកា ហើយបានប្រកាសពីប្រសិទ្ធភាពជាង ៩៤ ភាគរយចំពោះមនុស្សដែលមានអាយុ ៦៥ ឆ្នាំឡើងទៅ ។
គួរបញ្ជាក់ថា អង់គ្លេសគឺជាប្រទេសដំបូងគេដែលចាក់វ៉ាក់សាំងរបស់ក្រុមហ៊ុន Pfizer-BioNTech បន្ទាប់មកគឺសហរដ្ឋអាមេរិក ក្រោយនិយតករសុខភាពបានយល់ព្រមប្រើប្រាស់ជាបន្ទាន់នៅក្នុងប្រទេសទាំងនេះ ខណៈសហភាពអឺរ៉ុបក៏គ្រោងនឹងចាប់ផ្តើមចាក់វ៉ាក់សាំងក្នុងប្លុកនេះនៅចន្លោះថ្ងៃទី ២៧-២៩ ខែធ្នូ ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ២ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ