ព័ត៌មានអន្ដរជាតិ
ដឹងម៉ោង និងទីតាំងចុះចតរបស់លោកស្រី Pelosi មក តៃវ៉ាន់
សារព័ត៌មានអាល្លឺម៉ង់ DW News បានរាយការណ៍ថា ប្រធានសភាអាមេរិកលោកស្រី Nancy Pelosi នឹងមកដល់កោះតៃវ៉ាន់នៅម៉ោងប្រហែល ១០ យប់ (ម៉ោងនៅតៃវ៉ាន់) នៅថ្ងៃអង្គារនេះ ។
តាមសេចក្តីរាយការណ៍បានឲ្យដឹងថា លោកស្រី Pelosi នឹងចុះចតនៅអាកាសយានដ្ឋាន Songshan របស់ទីក្រុងតៃប៉ិ ហើយលោកស្រីនឹងស្នាក់នៅសណ្ឋាគារលំដាប់ផ្កាយ ៥ ឈ្មោះ Hyatt ក្នុងសង្កាត់ Xinyi ។
ប្រភពបានប្រាប់អ្នកសារព័ត៌មានទៀតថា លោកស្រី Pelosi ក៏នឹងជួបជាមួយប្រធានាធិបតីតៃវ៉ាន់គឺលោកស្រី Tsai Ing Wen នៅថ្ងៃពុធ បន្ទាប់ពីធ្វើទស្សនកិច្ចនៅសភាតៃវ៉ាន់រួចហើយ ។
ព័ត៌មានសម្រាប់ដំណើរទស្សនកិច្ចរបស់ប្រធានសភាអាមេរិករូបនេះមកកាន់កោះតៃវ៉ាន់កំពុងមានការខឹងសម្បារយ៉ាងខ្លាំងពីសំណាក់ប្រទេសចិន ដោយនៅក្នុងនោះទីក្រុងប៉េកាំងបានបញ្ចេញប្រតិកម្មធ្ងន់ៗទៅកាន់ទីក្រុងវ៉ាស៊ីនតោន និងបាននិយាយថា វាអាចគំរាមកំហែងដល់សន្តិភាព និងស្ថិរភាពនៅច្រកសមុទ្រតៃវ៉ាន់ ។
ទន្ទឹមនោះអ្នកនាំពាក្យក្រសួងការបរទេសចិនលោក Zhao Lijian បាននិយាយថា “វានឹងជាការជ្រៀតជ្រែកទាំងស្រុងនៅក្នុងកិច្ចការផ្ទៃក្នុងរបស់ប្រទេសចិន និងធ្វើឲ្យខូចទំនាក់ទំនងចិន-អាមេរិកយ៉ាងធ្ងន់ធ្ងរផងដែរ” ។
គួរបញ្ជាក់ថា នៅថ្ងៃអង្គារនេះលោកស្រី Pelosi នឹងធ្វើដំណើរទៅប្រទេសម៉ាឡេស៊ី បន្ទាប់ពីបញ្ចប់ទស្សនកិច្ច និងបានជួបជាមួយនាយករដ្ឋមន្ត្រីសិង្ហបុរីលោក Lee Hsien Loong និងប្រធានាធិបតី Halimah Yacob កាលពីថ្ងៃចន្ទ ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ លោកស្រី Pelosi នឹងមក តៃវ៉ាន់ ទោះមានការគំរាមយ៉ាងណាក៏ដោយ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង