ព័ត៌មានអន្ដរជាតិ
តើលោកស្រី Liz Truss មានគោលនយោបាយសំខាន់ៗអ្វីខ្លះ ក្នុងឋានៈជានាយករដ្ឋមន្ត្រី អង់គ្លេស?
លោកស្រី Liz Truss មេដឹកនាំគណបក្សអភិរក្សបានមកជំនួសតំណែងលោក Boris Johnson ជានាយករដ្ឋមន្ត្រីរបស់ចក្រភពអង់គ្លេសកាលពីថ្ងៃអង្គារ ទី៦ ខែកញ្ញា ឆ្នាំ២០២២ ។
លោកស្រី Truss នឹងក្លាយជាមេដឹកនាំទី ៤ របស់ប្រទេសក្នុងរយៈពេល ៦ ឆ្នាំ ហើយបានសន្យាថានឹងដោះស្រាយវិបត្តិមួយចំនួនដែលអង់គ្លេសកំពុងជួបប្រទះ បន្ទាប់ពីមានសង្រ្គាមនៅអ៊ុយក្រែន ។
ដូច្នេះតើអ្វីជាគោលនយោបាយរបស់លោកស្រី Truss ក្នុងការកាត់បន្ថយវិបត្តិ?
គោលនយោបាយថាមពល
ប្រជាពលរដ្ឋនៅចក្រភពអង់គ្លេសកំពុងប្រឈមនឹងការកើនឡើងច្បាប់ថាមពល ៨០ ភាគរយដែលបង្កឡើងដោយសង្រ្គាមរុស្ស៊ីលើអ៊ុយក្រែន ប៉ុន្តែលោកស្រី Truss បានច្រានចោលការបែងចែកចំនួនថាមពលក្នុងរដូវរងានេះ ដោយសន្យាថានឹងបង្កើនការផ្គត់ផ្គង់ថាមពលជំនួសវិញ ។
ទោះជាយ៉ាងណាក៏ដោយ ក្រុមមន្ត្រីបាននិយាយថា បើគ្មានការបែងចែកថាមពលនោះទេ ចក្រភពអង់គ្លេសអាចជួបប្រទះនឹងការដាច់ភ្លើងរយៈពេលជាច្រើនថ្ងៃនៅក្នុងខែមករា ប្រសិនបើអាកាសធាតុត្រជាក់ រួមផ្សំជាមួយនឹងកង្វះហ្គាស ដែលធ្វើឲ្យប្រទេសនេះខ្វះថាមពល ។
លោកស្រី Truss បាននិយាយថា “ខ្ញុំនឹងពិនិត្យមើលនៅទូទាំងក្រុមប្រឹក្សាដើម្បីធ្វើឲ្យប្រាកដថា យើងកំពុងបង្កើនការផ្គត់ផ្គង់ថាមពល ដើម្បីរកឫសគល់ ក៏ដូចជាការដោះស្រាយបញ្ហាទាំងនោះ” ។
ការបង់ពន្ធ
លោកស្រី Truss បានច្រានចោលពន្ធថ្មី ហើយបានបដិសេធការដាក់ចេញនូវពន្ធបន្ថែមលើក្រុមហ៊ុនប្រេង និងឧស្ម័ន ដែលបានកើបប្រាក់ចំណេញនៅឆ្នាំនេះ ។
លោកស្រីបានសន្យាថានឹងកាត់បន្ថយពន្ធដែលនឹងត្រូវចំណាយអស់ ៣៨ ពាន់លានផោន (៤៤ ពាន់លានដុល្លារ) ជារៀងរាល់ឆ្នាំ ប៉ុន្តែអ្នកសេដ្ឋកិច្ចនិយាយថា វាអាចនឹងចំណាយច្រើនជាង ៥០ ពាន់លានផោន (៥៧ ពាន់លានដុល្លារ) ក្នុងមួយឆ្នាំ ។
ទោះជាយ៉ាងណាក៏ដោយ ការកាត់បន្ថយពន្ធទាំងនេះនឹងមិនធ្វើអ្វីដើម្បីដោះស្រាយហេតុផលពិតប្រាកដសម្រាប់កំណើនផលិតភាពដ៏ធ្ងន់ធ្ងររបស់ចក្រភពអង់គ្លេស ដូចជា កង្វះការវិនិយោគលើហេដ្ឋារចនាសម្ព័ន្ធ ជំនាញ និងទម្រង់ដើមទុនផ្សេងទៀតនោះទេ ។
បើគ្មានពន្ធថ្មីទេ លោកស្រី Truss នឹងត្រូវពឹងផ្អែកលើការខ្ចីប្រាក់ពីរដ្ឋាភិបាលបន្ថែម ឬកាត់បន្ថយការចំណាយនៅកន្លែងផ្សេង ដើម្បីផ្តល់ហិរញ្ញប្បទានបន្ថែមទៀតដល់ប្រជាពលរដ្ឋ ។
អ្នកសេដ្ឋកិច្ចមួយចំនួននិយាយថា ផែនការរបស់លោកស្រីនឹងធ្វើឲ្យមានអតិផរណាខ្ពស់ ហើយបង្ខំឲ្យធនាគារអង់គ្លេសដំឡើងអត្រាការប្រាក់កាន់តែលឿនផងដែរ ។
អន្តោប្រវេសន៍
លោកស្រី Truss បានបង្ហោះសារលើផែនការ ៣ ចំណុចដែលនឹងពង្រីកគោលនយោបាយប្រទេសរវ៉ាន់ដាដ៏ចម្រូងចម្រាសជាមួយនឹងប្រទេសជាច្រើនទៀត បើទោះបីជាគម្រោងនេះបរាជ័យក្នុងការនិរទេសតែជនចំណាកស្រុកក៏ដោយ ។ ក្រោមគោលនយោបាយប្រទេសរវ៉ាន់ដា, ចក្រភពអង់គ្លេសគ្រោងនឹងនិរទេសអ្នកស្វែងរកសិទ្ធិជ្រកកោនទៅកាន់ប្រទេសរវ៉ាន់ដាវិញផងដែរ ។
ស្របពេលជាមួយគ្នានេះ លោកស្រីក៏នឹងបង្កើនកងកម្លាំងព្រំដែនជួរមុខ ២០ ភាគរយ និងបង្កើនកម្រិតបុគ្គលិកដែនសមុទ្ររបស់កងកម្លាំងព្រំដែនទ្វេដងផងដែរ ហើយលោកស្រីបានសន្យាថា នឹងធានាឲ្យអនុសញ្ញាអឺរ៉ុបស្តីពីសិទ្ធិមនុស្ស (ECHR) ដំណើរការសម្រាប់ចក្រភពអង់គ្លេសផងដែរ ។
លោកស្រី Truss ក៏បាននិយាយផងដែរថា លោកស្រីនឹងអនុម័តឲ្យមានការពង្រីករយៈពេលខ្លីនៃគ្រោងការណ៍កសិកម្មតាមរដូវដែលអនុញ្ញាតឲ្យកម្មករបរទេសមកចក្រភពអង់គ្លេសសម្រាប់ការងារកសិកម្មនៅរដូវក្តៅ ៕
ប្រែសម្រួលដោយ ៖ ជីវ័ន្ត
ប្រភព ៖ Al Jazeera
ចុចអាន ៖ ឡើងកាន់អំណាចភ្លាម លោកស្រី Liz Truss ទទួលយកការអញ្ជើញទៅបំពេញទស្សនកិច្ចនៅ អ៊ុយក្រែន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៤ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)