ព័ត៌មានអន្ដរជាតិ
សិង្ហបុរីរកឃើញអ្នកឆ្លងកូវីដបម្លែងខ្លួនប្រភេទថ្មី បន្ថែម
ក្រសួងសុខាភិបាលសិង្ហបុរីបាននិយាយនៅក្នុងសេចក្តីថ្លែងការណ៍មួយថា មនុស្ស ២ នាក់នៅសិង្ហបុរីដែលបានវិលត្រឡប់មកពីចក្រភពអង់គ្លេសត្រូវបានគេធ្វើតេស្តបឋមរកឃើញជំងឺកូវីដបម្លែងខ្លួនប្រភេទថ្មី ។
មនុស្សម្នាក់ដែលបានធ្វើតេស្តវិជ្ជមានចំពោះវីរុសបម្លែងខ្លួនប្រភេទថ្មីគឺជាអ្នកបើកយន្តហោះឲ្យក្រុមហ៊ុន Singapore Airlines Ltd. ដែលបានធ្វើដំណើរទៅចក្រភពអង់គ្លេសដើម្បីធ្វើការចាប់ពីថ្ងៃទី ១៩ ដល់ ២២ ខែធ្នូ ។ បីថ្ងៃក្រោយមកគាត់មានគ្រុនក្តៅ ហើយត្រូវបានគេអះអាងថាមានជំងឺកូវីដ ១៩ នៅថ្ងៃទី ២៩ ខែធ្នូ ។
ករណីទី ២ គឺជាអ្នកកាន់លិខិតឆ្លងដែនការងារដែលបានមកដល់ប្រទេសសិង្ហបុរីពីចក្រភពអង់គ្លេសនៅថ្ងៃទី ៧ ខែធ្នូ ។ គាត់បានបញ្ចប់ការធ្វើចត្តាឡីស័ករយៈពេល ១៤ ថ្ងៃនៅថ្ងៃទី ២១ ខែធ្នូ បន្ទាប់ពីបានធ្វើតេស្តអវិជ្ជមាននៅថ្ងៃទី ១៧ ខែធ្នូ ។ ក្រោយមកគាត់មានអាការៈឈឺខ្លួ នហើយត្រូវបានពិនិត្យឃើញថាមានផ្ទុកវីរុសនេះនៅថ្ងៃទី ២៩ ខែធ្នូ ។
ករណីនៃជំងឺកូវីដបម្លែងខ្លួនប្រភេទថ្មីអាចបង្កបញ្ហាប្រឈមដល់ប្រទេសសិង្ហបុរីដែលត្រូវបានគេសរសើរចំពោះភាពជោគជ័យរបស់ខ្លួនក្នុងការទប់ស្កាត់ល្បឿននៃការឆ្លងនៅក្នុងសហគមន៍ ។ ប្រទេសនេះបានរកឃើញករណីជំងឺកូវីដបម្លែងខ្លួនប្រភេទថ្មីកាលពីសប្តាហ៍មុនលើនិស្សិតសិង្ហបុរីដែលកំពុងសិក្សានៅចក្រភពអង់គ្លេស ។
ទន្ទឹមនោះប្រទេសអាស៊ីអាគ្នេយ៍មួយនេះក៏បានដាក់ការរឹតបន្តឹងព្រំដែនតឹងរ៉ឹងជាងមុនផងដែររាប់បញ្ចូលទាំងការចូល និងការឆ្លងកាត់សម្រាប់អ្នកដែលមានប្រវត្តិធ្វើដំណើរទៅចក្រភពអង់គ្លេសក្នុងរយៈពេល ១៤ ថ្ងៃចុងក្រោយ ទោះបីជាពលរដ្ឋ និងអ្នករស់នៅជាអចិន្ត្រៃយ៍ត្រូវបានអនុញ្ញាតឲ្យត្រឡប់មកវិញក៏ដោយ ។
ក្រសួងបាននិយាយនៅក្នុងសេចក្តីថ្លែងការណ៍កាលពីល្ងាចថ្ងៃពុធថា “ការស៊ើបអង្កេតរោគរាតត្បាតកំពុងដំណើរការ ។ ក្នុងពេលបច្ចុប្បន្ននេះរាល់ទំនាក់ទំនងជិតស្និទ្ធនៃករណីទាំងអស់នោះត្រូវបានគេដាក់ឲ្យនៅដាច់ដោយឡែក ក៏ដូចជាធ្វើចចត្តាឡីស័ក ហើយនឹងត្រូវបានធ្វើតេស្តនៅពេលចាប់ផ្ដើម និងចុងបញ្ចប់នៃរយៈពេលធ្វើចត្តាឡីស័ករបស់ពួកគេដូច្នេះទើបក្រសួងអាចរកឃើញករណីឆ្លងដែលមិនមានរោគសញ្ញា” ៕
ប្រែសម្រួលដោយ ៖ ជីវ័ន្ត
ប្រភព ៖ Bloomberg
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង