ព័ត៌មានអន្ដរជាតិ
រុស្ស៊ី បញ្ជាឲ្យកងទ័ពរបស់ខ្លួន ដកថយចេញពីតំបន់ Kherson (មានវីដេអូ)
ប្រទេសរុស្ស៊ី បានសម្រេចចិត្តដកកងទ័ពរបស់ខ្លួនចេញពីច្រាំងខាងស្តាំនៃទន្លេ Dnieper រួមទាំងក្នុងតំបន់ Kherson ផងដែរ។ ក្រសួងការពារជាតិបានពន្យល់ថា ខ្លួនចង់ចៀសវាងការបាត់បង់កងកម្លាំងរបស់ខ្លួន និងជួយសង្គ្រោះជីវិតជនស៊ីវិល។
ថ្វីបើទទួលស្គាល់ថា ការសម្រេចចិត្តបែបនេះមិនមែនជារឿងងាយស្រួលក៏ដោយ ប៉ុន្តែមេបញ្ជាការកងទ័ពមើលឃើញថា វាមានបញ្ហាតិចតួចក្នុងការរក្សាកងទ័ព នៅលើច្រាំងខាងស្តាំនៃទន្លេ។
ប្រធានប្រតិបត្តិការយោធារុស្ស៊ីនៅអ៊ុយក្រែន លោកឧត្តមសេនីយ៍ Sergey Surovikin បានប្រាប់រដ្ឋមន្ត្រីការពារជាតិ Sergey Shoigu កាលពីថ្ងៃពុធទី០៩ខែវិច្ឆិកាថា ការវាយប្រហារជាបន្តរបស់អ៊ុយក្រែនលើទំនប់វារីអគ្គិសនី Kakhovskaya នៅទន្លេ Dnieper អាចកាត់ផ្តាច់កងទ័ពរុស្ស៊ីនៅតំបន់ Kherson ទាំងស្រុង។
លោក Surovikin បន្ថែមថា ប្រសិនបើទីក្រុងកៀវ បើកការវាយប្រហារសាហាវជាងនេះទៅទៀតលើទំនប់ Kakhovskaya នោះលំហូរទឹកអាចឡើង ដែលនឹងជន់លិចតំបន់ធំៗ បណ្តាលឲ្យជនស៊ីវិលស្លាប់។ នេះនឹងបង្កើតការគំរាមកំហែងបន្ថែមទៀតសម្រាប់ជនស៊ីវិល និងប្រថុយប្រថានកាត់ផ្តាច់ក្រុមកងកម្លាំងរបស់រុស្ស៊ីនៅច្រាំងខាងស្ដាំនៃទន្លេ Dnieper។
លោក Surovikin បន្តថា ការដកថយនេះ នឹងជួយចៀសវាងនូវសេណារីយ៉ូអាក្រក់បំផុត ហើយថែមទាំងរក្សាប្រសិទ្ធភាពប្រយុទ្ធរបស់ក្រុមកងកម្លាំងនៅក្នុងតំបន់ផងដែរ។
ក្នុងរយៈពេលប៉ុន្មានសប្តាហ៍កន្លងមកនេះ អាជ្ញាធរក្នុងតំបន់ បានចាប់ផ្តើមកិច្ចខិតខំប្រឹងប្រែងដើម្បីនាំយកជនស៊ីវិលទៅកាន់ច្រាំងខាងឆ្វេងនៃទន្លេ Dnieper ឲ្យបានច្រើនតាមដែលអាចធ្វើទៅបាន ដោយលើកឡើងពីការគំរាមកំហែងដែលបង្កឡើងដោយកងកម្លាំងអ៊ុយក្រែន។ យោងតាមលោក Surovikin មានមនុស្សជាង ១១៥ ០០០នាក់ បានចាកចេញពីតំបន់គិតត្រឹមថ្ងៃនេះ។
គួរបញ្ជាក់ថា ប្រទេសរុស្ស៊ីបានកាត់យកតំបន់ Kherson កាលពីខែមុន បន្ទាប់ពីអ្នកស្រុកបានបោះឆ្នោតប្រជាមតិដើម្បីផ្តាច់ខ្លួនចេញពីអ៊ុយក្រែន និងស្វែងរកការចូលជាសមាជិករបស់ប្រទេសរុស្ស៊ី។ យ៉ាងណាក្តី ទីក្រុងកៀវ បានច្រានចោលការបោះឆ្នោតនេះថាជាការបោកប្រាស់ ហើយប្តេជ្ញាប្រើកម្លាំងយោធាដើម្បីដណ្តើមយកមកវិញនូវទឹកដីទាំងអស់ ដែលខ្លួនចាត់ទុកថាស្ថិតក្រោមអធិបតេយ្យភាពរបស់ខ្លួន៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ RT
ចុចអាន៖ លោក ពូទីន អនុញ្ញាតឲ្យកែនអតីតអ្នកទោស យកទៅប្រយុទ្ធនៅ អ៊ុយក្រែន
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៤ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេដ្ឋកិច្ច១ សប្តាហ៍ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ៧ ថ្ងៃ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
សន្តិសុខសង្គម៣ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត